موسيماني يعلق على فوز الأهلي أمام المريخ السوداني بدوري أبطال إفريقيا

تحدث بيستو موسيماني المدير الفني للنادي الأهلي، عن الفوز الكبير لفريقه أمام المريخ السوداني في مرحلة المجموعات بدوري أبطال إفريقيا.
وفاز الأهلي على المريخ السوداني بثلاثية نظيفة في مستهل مرحلة المجموعات بدوري أبطال إفريقيا.
وقال موسيماني في المؤتمر الصحفي، "توقعنا نكسب لو عايزين نحافظ على اللقب وتحقق لنا ما أراد.. نتيجة جيدة 3 نقاط و3 أهداف".
وأضاف "سعداء بالأداء والنتيجة رغم تأخر الأهداف لكننا تحكمنا في ريتم اللعب. أمام فريق متكتل دفاعيا وكنا افضل، وحافظت على طريقة لعبنا في الشوطين لازم تبقى صبور ومتغيرش طريقتك".
وأكمل " كانوا قافلين العمق فركزنا على الأطراف. وحيد كان نشيط وبيتقدم وبيلعب عرضيات لكن مكنتش بتوصل بشكل جيد للمهاجمين جوا المنطقة وهاني لعب كرة لافشة سجلنا منها الهدف الأول ".
وأكمل " بنلعب في غياب 5 لاعيبة مينفعش ننسى دا وقدرنا نحافظ على نفس شكلنا وأسلوبنا وايقاعنا حتى لو الفوز أتأخر لكننا سجلنا ".
وأردف " ريحت حمدي فتحي بسبب ارهاقه ومشاركته مباريات
كثير. وسعيد بالدفع بعدد من اللاعيبة اللي مشاركات من فترة طويلة ووقت كبير يكهام وسعد سمير اديتهم وقت للمشاركة وأيضا مشاركة محمود وحيد بعد فترة طويلة مبيلعبش ومروان خلال اللقاء ".
وتابع " سعيد بتسجيل بواليا اليوم وكسره للتجلد اللي كان حاصل بغيابه عن التسجيل الفترة اللي فاتت، و مينفعش كمان منشيدش بمستوى الشناوي ".
وواصل " أجاي كان يحتاج يلعب 90 دقيقة ويملى البطارية بعد مشاركته لدقائق قليلة في مونديال الأندية".
واضاف " تعامل مع اللاعيبة بعد برونزية العالم؟ اللاعيبة بني ادمين كان في كثافة ماتشات كبيرة في وقت قليل 3 ماتشات في 10 أيام وشدة المباريات اقوى من مباريات النهاردة وفقدنا لاعبين بدنيا وايقافات وكنا ناقصين النهاردة عدد كبير من اللاعيبة".
وتابع " طالبت اللاعيبة منستعجلش. قولتلهم قبل كدا بنتأهل في اخر المباريات في
دور المجموعات زي الهلال السوداني النسخة اللي فاتت. قولتلهم انا عايز اكسب 9 نقط بدري واحسم التأهل ".
وزاد " كلامي بين الشوطين؟ قولت للاعيبة حافظوا على طريقة اللعب وقولتلهم اصبروا الهدف جاي، في كثافة ماتشات في كل البطولات وهحتاج كل اللاعيبة وسعد مشاركش من زمان فاديته ايقاع الماتشات انا محتاج كل اللاعيبة".
وأكمل " ربيعة له فرص معانا لكن هو كان عنده كورونا وسعد اجهز منه. لازم اكون امين مع اللاعيبة، في دوري الأبطال ربيعة بيشارك معانا لحد النهائي لعب لكن بعد كورونا بعد بينما سعد كان بيقرب وربيعة يستنى فرصته هتيجي ".
وتابع " ياسر مكنش بيشارك الفترة اللي فاتت وجاتله فرصته وشارك في المونديال كله لعب عدا لاعب أو اتنين وكله هيشارك واحتاج كل اللاعيبة بسبب كثافة المباريات".
وأتم " بنشارك في كل البطولات وكل حاجة ماشية 100% زي محنا عايزين . متأخرين بس في الدوري لكن لنا ماتشات مؤجلة غير كدا الأمور تمام
فريق كويس جدا على المستوى الجماعي ممكن ميكونش نفس اللاعيبة ع المستوى الفردي زي زمان لكنهم بيكتبوا تاريخهم ومينفعش نقارن الأجيال ببعضهم البعض، غياب الفاعلية؟ مين سجل الاهداف؟ كهربا بواليا أفشة هل كدا عندي مشكلة؟ عايزنا نسجل 20 هدف".