بالفيديو ..مها أحمد تكشف سبب جلوسها ب المنزل لسنوات طويلة

ضمن تصريحات الفنانة مها أحمد ، التى تصدرت بها مواقع البحث الإجتماعي بعد هجومها الغير مباشر علي النجميين أمير كرارة وأحمد السقا ، كشفت سبب جلوسها في منزلها سنوات طويلة، بعد نقصان وزنها، وعدم طلبها من قبل المخرجين والمنتجين.
اقرأ أيضًا..(شاهد) القصة الكاملة لأزمة مها أحمد وهجومها على السقا وكرارة
وخرجت مها في بث مباشر على حسابها الشخصي ب"فيس بوك"، وقالت: "جت عليا فترة لما كنت بكبوظة كنت بشتغل كويس جدًا ومكنتش محتاجة لحد والناس كلها كانت بتقربلي عايزة تشتغل معايا.. كنت البونبوناية بتاعتهم وبيحبوني.. ومرة واحدة لقيتني ركبي وظهري بيوجعوني وكنت داخلة
على مشاكل كتير جدًا، وعملت دايت وخسيت جدًا، وقعدت 3 سنين في البيت وبعدوا عني".
وتابعت: " وفضلت أسأل هو أنا عملت حاجة غلط هو أنا زعلت حد دي الناس كانت بتتمنى تشتغل معايا.. لحد ما حد قالي السبب إن المنتجين كانوا حاطينك في كاركتر معين لما كنت تخينة".
لجأت لصديق ليا كان زميلي وزميل جوزي.. وكان بيروح عند جوزي في بيته وأهل جوزي كانوا فاتحين ذراعيهم ليه والعكس.. مش عيب أني أتكلم معاه وأعيط وأقوله
أني حزينة بسبب قعدتي في البيت.. قولت لمجدي أنا هكلم زمايلنا اللي هما نجوم وقوليلهم أني عايزة أشتغل.. قالي متعمليش كده عشان متقلليش من نفسك.. معملتش بكلام مجدي وكلمته وعيطت.. وابتديت أدخل في مرحلة اكتئاب لأني عايزة اشتغل.. بعد يومين لقيته بيكلمني يقولي في دور حلو أوي.. بس كلمي المخرج وأفهمي منه.
وتابعت مها : "ووافقت وأنا كنت في ساعتها في أشد الاحتياج أني اشتغل.. اتفاجئت أنه اتبعتلي دور غير اللي قالي عليه.. ومكنش فعال ومليش لازمة في المسلسل.. كان ممكن تقول لأصحابك شغلوا مها.. رحت طبعًا واستغربت جدًا عايزة أكلمه.. كنت قولي إنه دور كومبارس ومش هزعل منك.. مكنش لازم أشحت كويس إنكم مترجمنها على إنها شحاتة رغم أني كنت مترجماها على إنها سعي.