نشر الفنان عمر السعيد برومو فيلم كان من المفترض أن يشارك فيه إلي جانب الراحل هيثم أحمد زكي، لكن العمل به توقف لظروف متعددة، ووفاته حالت دون أستكماله، وذلك عبر حسابه الرسمي بموقع تبادل الصور والفيديوهات الشهير "إنستجرام". نشر السعيد برومو الفيلم وعلق قائلًا:"ذكريات.. من فترة كدا كلمنى صديق عمرى محمد اديب و هو مؤلف و مخرج و قالى انا عندى فكرة لفيلم و عايز اصور برومو الاول قبل الفيلم عشان فيه شغل جرافيكس كدا و لازم نتاكد انه هيطلع كويس و مظبوط.. المهم اشتغلنا ع الفكرة و كلم ممثلين اصحابنا و صورنا البرومو.. بعد كدا حصلت ظروف كتير فى البلد و فى حياتنا الشخصية زى الانشغال باعمال تانية و سفر اديب لدراسة ماجستير فى امريكا". "المهم التجربة دى انا افتكرتها النهاردة.. افتكرت بروفات البرومو فى بيت اديب و انا و فيشاوى وهيثم وشيرى وكريم وغيدا واحنا متحمسين و مبسوطين اننا بنعمل فكرة جامدة وبرا الصندوق لفيلم غير تقليدى". وتابع: "افتكرت تفاصيل كتير اوى لايام حلوة.. افتكرت و احنا عاملين زى الهواة عشان مشروع كلنا كان نفسنا فيه.. افتكرت ان اه القدر خلانى امثل فى فيلم فيه هيثم زكى و هو سكر مر.. بس هو نفس القدر او الظروف اللي منعتنا من استكمال مشروع انتهى للابد من غير واحد من ابطاله.. دا جزء بسيط من برومو طويل لمشروع انتهى.. الله يرحمك يا هيثم و يغفرلك". View this post on Instagram A post shared by عمر السعيد (@omarelsaeed) on Nov 10, 2019 at 11:15am PST
