عمر السعيد يكشف عن فيلم لم يكتمل للراحل هيثم أحمد زكى

شارك الفنان عمر السعيد جمهوره بنشر مقطع فيديو عبر حسابه الشخصي على موقع التواصل الاجتماعي "إنستجرام" لفيلم يجمعه بالراحل هيثم أحمد زكي.
وعلق عمر السعيد على الفيديو: "ذكريات.. من فترة كلمنى صديق عمرى محمد أديب، وهو مؤلف ومخرج، وقال لى: عندى فكرة لفيلم وعايز أصور برومو الأول قبل الفيلم عشان فيه شغل جرافيكس كدا ولازم نتأكد أنه هيطلع كويس ومظبوط".
تابع عمر السعيد: "المهم اشتغلنا على الفكرة وكلمنا ممثلين أصحابنا وصورنا البرومو.. بعد كدا حصلت ظروف كتير فى البلد وفى حياتنا الشخصية زى الانشغال بأعمال تانية وسفر أديب لدراسة الماجستير فى أمريكا.. المهم التجربة دى أنا افتكرتها النهاردة.. افتكرت بروفات البرومو فى بيت أديب وأنا وفيشاوى وهيثم وشيرى وكريم وغيدا وإحنا متحمسين ومبسوطين أننا بنعمل فكرة جامدة وبره الصندوق لفيلم غير تقليدى".
واختتم عمر السعيد: "افتكرت تفاصيل كتير لأيام حلوة، افتكرت وإحنا عاملين زى الهواة عشان مشروع كلنا كان نفسنا فيه.. افتكرت إن القدر خلانى أمثل فى فيلم فيه هيثم زكى وهو"سكر مر".. بس هو نفس القدر أو الظروف اللى منعتنا من استكمال مشروع انتهى للأبد من غير واحد من أبطاله دا جزء بسيط من برومو طويل لمشروع انتهى.. الله يرحمك يا هيثم و يغفرلك".
وتوفى الفنان هيثم أحمد زكي فى الساعات الأولى من صباح يوم الخميس الماضي، عن عمر يناهز 35 عاما إثر تعرضه لهبوط حاد فى الدورة الدموية داخل منزله بالشيخ زايد.
View this post on Instagram
ذكريات.....من فترة كدا كلمنى صديق عمرى محمد اديب و هو مؤلف و مخرج و قالى انا عندى فكرة لفيلم و عايز اصور برومو الاول قبل الفيلم عشان فيه شغل جرافيكس كدا و لازم نتاكد انه هيطلع كويس و مظبوط... المهم اشتغلنا ع الفكرة و كلم ممثلين اصحابنا و صورنا البرومو... بعد كدا حصلت ظروف كتير فى البلد و فى حياتنا الشخصية زى الانشغال باعمال تانية و سفر اديب لدراسة ماجستير فى امريكا... المهم التجربة دى انا افتكرتها النهاردة... افتكرت بروفات البرومو فى بيت اديب و انا و فيشاوى و هيثم و شيرى و كريم و غيدا و احنا متحمسين و مبسوطين اننا بنعمل فكرة جامدة و برا الصندوق لفيلم غير تقليدى... افتكرت تفاصيل كتير اوى لايام حلوة. افتكرت و احنا عاملين زى الهواة عشان مشروع كلنا كان نفسنا فيه... افتكرت ان اه القدر خلانى امثل فى فيلم فيه هيثم زكى و هو سكر مر... بس هو نفس القدر او الظروف المنعتنا من استكمال مشروع انتهى للابد من غير واحد من ابطاله.... (دا جزء بسيط من برومو طويل لمشروع انتهى.... الله يرحمك يا هيثم و يغفرلك) @fishawyofficial @ghidanouri1 @moh_adeeb @shery_adel_official @karimkassem86
A post shared by عمر السعيد (@omarelsaeed) on Nov 10, 2019 at 11:15am PST