فكرة برة الصندوق.. حكاية فيلم لهيثم أحمد زكي لم يخرج للنور

استعاد الفنان الشاب عمر السعيد، ذكرياته مع الفنان الراحل هيثم أحمد زكي، وكواليس تعاونهما في عمل سينمائي، لا يخرج للنور، إذ قال: "نفس القدر أو الظروف اللي منعتنا من استكمال مشروع انتهى للأبد من غير واحد من أبطاله".
ونشر "السعيد" عبر حسابه الشخصي على موقع تبادل الصور والفيديوهات إنستجرام، جزء من برومو الفيلم، قائلًا: "من فترة كدة، كلمني صديق عمري المخرج محمد أديب، وقالي أنا عندي فكرة لفيلم وعايز أصور برومو الأول قبل الفيلم عشان فيه شغل جرافيكس كدة ولازم نتأكّد إنَّه هيطلع كويس ومظبوط".
وتابع: "المهم اشتغلنا على الفكرة وكلمت ممثلين أصحابنا وصورنا البرومو، بعد كدة حصلت ظروف كتير في البلد وفي حياتنا الشخصية زي الانشغال بأعمال تانية وسفر أديب لدراسة ماجستير في أمريكا، المهم التجربة دي أنا افتكرتها النهاردة، افتكرت بروفات البرومو في بيت أديب وأنا والفيشاوي وهيثم وشيري وكريم وإحنا متحمسين ومبسوطين أننا بنعمل فكرة جامدة وبرة الصندوق لفيلم غير تقليدي".
View this post on Instagram
@fishawyofficial @ghidanouri1 @moh_adeeb @shery_adel_official @karimkassem86
A post shared by عمر السعيد (@omarelsaeed) on Nov 10, 2019 at 11:15am PST
واختتم "السعيد" تدوينته قائلًا: "افتكرت تفاصيل كتير أوي لأيام حلوة.. افتكرت وإحنا عاملين زي الهواة عشان مشروع كلنا كان نفسنا فيه".