كريم الدبيس: أي حد أفضل من كولر بالنسبالى.. وجالى عرضين رسميين للاحتراف

أكد كريم الدبيس، ظهير أيسر نادي سيراميكا، أنه تعرض للظلم من جانب السويسرى مارسيل كولر مدرب الأهلى السابق، وأنه طلب الرحيل رغبة في المشاركة بشكل مستمر.

تصريحات كريم الدبيس
وقال كريم الدبيس خلال حواره مع الإعلامى إبراهيم عبد الجواد في برنامج ملعب أون المذاع على قناة أون سبورتس: الفلاشة قبل كل مباراة سبب كبير في تطور فريق سيراميكا، بنشوف كل التفاصيل والخطط المطلوبة وده ساعدنا نكون جاهزين".
وأضاف الدبيس: على ماهر بيعتمد أساليب حديثة ومتطورة في التدريب، وده ساعد اللاعبين نقدم أفضل ما عندنا، مبسوط جدًا بالتواجد في سيراميكا وكل اللاعبين بيحبوا بعض.

رحيل كريم الدبيس عن الأهلى
وأوضح كريم الدبيس: جالي عرضين رسميين من السويد وروسيا، وطلبت من ريبيري الرحيل لأنني كنت عايز ألعب بانتظام، أي حد أفضل من كولر بالنسبة لي، ريبيري صريح جدًا، على عكس كولر اللي وعدني أكتر من مرة أني هألعب ومش بلعب.
وتابع: لما كنت بسأل كولر أنا محتاج إيه عشان ألعب كان بيقولي أنت مش محتاج حاجة، لكن وقتك لسه مجاش، حتى لما على معلول اتصاب ومكانش فيه حد، كنت مش بدخل الأسكور وبرضو كان بيلعب كريم فؤاد، ولما الأهلي اتعاقد مع يحيى عطية الله وجتله إصابة ومكانش فيه حد غيري، ماكنش بيحطني في القائمة.