أم إبراهيم

الحر والصيام.. خلوا الفاكهة نار

«من صبحية ربنا وأنا قاعدة في الشمس وكل اللي بعته 4 كيلو موز، وملمتش فلوس التجار ومش عارفة اعمل ايه الموز عمره قصير ومصيره الرمي لو متبعش بسرعة..
بهذه العبارات ردت ام ابراهيم علي سؤالنا عن حال السوق والبيع والشراء في هذا الشهر الكريم وتابعت تفسيرها لارتفاع اسعار الفاكهة قائلة: الناس في الصيام بتعتمد على العصائر كما ان الحر بيخلي الفاكهة تفسد سريعاً عشان كده التجار بيعوضوا الخسائر برفع الاسعار وعموما احنا واخدين على كده وعلى نصف رمضان الناس بتكون خدت على الصيام وبيزيد اقبالهم على الفاكهة تاني.
وتكمل حديثها قائلة «المهنة دي ورثاها عن أبوي وأمي ومعرفش اشتغل غيرها، وربنا بيرضينا منها، بس في اوقات زي أول رمضان السوق يبقى نايم شوية وبعدين الحال بيمشي والحمد لله عايشين كويس وبنطلب من ربنا الستر وما يجعلنا نتذل أو نمد ايدينا لحد.