مفيد فوزى : مجرد ملاحظة شعربيها الناس فى الفترة الاخيرة فى البيوت لاحظوا انه فى الفن فى الصحافة فى الشعر فى الرياضة فى التليفزيون ان ابناء النجوم والمشاهير دخلوا هذا المجال ربما كان الشاب اوالشابة موهوبة لكن هنا كنقد دائم انه ابن شخصية مشهورة وانه دخل الى هذا العالم اوهذا المجال على جسر شهرة الاب تجربة بنعملها سياحة فى عقول شباب لهم آ باء مشاهيرفى حديث المدينة فاصل مفيد فوزى :حبيت اعرف هل اسم الوالد المشهور هو جواز المرور والا الاعتزاز بالاسم محزوفا منه اسم الوالد فسألت الاسم فى البطاقة واسم الشهرة أحمد فاروق توفيق صالح اسم الشهرة احمد فلوكس هبة الله رفعت توفيق محمد هبة رشوان مريم محمد عزت ابو عوف فىالبطاقة مريم ابو عوف اسم الشهرة حنان كرم مصطفى محمود مطاوع الشهرة حنان مطاوع,محمد سمير محمد سعيد فريد -اسم الشهرة محمد سمير فريد,محمد محمود فؤاد محمود ياسين -اسم الشهرة عمرو محمود ياسين ,كريم حسن على شحاته -اسم الشهرة كريم حسن شحاته مفيد فوزى : وللتعارف اكثر سألت طبيعة العمل اوالمهنة ؟ هبة رشوان توفيق : مذيعة فى التليفزيون المصرى أحمد فولكس : ممثل مريم ابوعوف : مخرجة محمد سمير : صحفى- مديرتحريرالمصرى اليوم عمرومحمود ياسين : ممثل حنان مطاوع : ممثلة - اناخريج بكالوريوس تجارة محاسب فى شركة بتروجت وبعمل حاليا فى مجال الاعلام الرياضى بقدم برنامج اسمة الكرة فى اذاعة الشباب والرياضة وفى احدى القنوات الرياضية بقدم برنامج الرياضى الاسبوعى مفيد فوزى : كان ضروريا ان ارد على طلاب العمهد العالى للفنون المسرحية وطلاب معهد السينما وكليات الاعلام سألت هل الاب المشهور قدم لك النجومية على طبق من الفضة؟ عمرومحمود ياسين : لأ ما حصلش هوكونى طبعا ابن نجم كبير وفنان الحمد لله يعنى مش انا اللى بقول ده لكن تاريخة اللى بيؤيد كلامى فنان له ثقل كبيرعلى المستوى السينمائى والمسرحى والدراما التليفزيونية قطعا هو ده كان له دور فى حياتى كممثل بيبدأ حياته لكن ما قدمش لى النجومية بالعكس انا يمكن شهرتى كان بعض الناس بتبقى متحفظة عليا بشكل موضوعى لكون بعض الناس عندهم عقدة ان فيه عقدة الكوسة يعنى زى ما بيقولوا لمجرد ان انا ابن فنان فانا كما همتهن نفس المهنة فيمكن ده تعبنى شوية ان انا اثبت للناس بصورة اذا كنت انا استحق ان انا امتهن هذه المهنة اولا امتهنها انا كنت يعنى للاسف تعمدت ان انا اشتغل فى مجال ثانى اللى هوغيراللى بشتغل فيه لان انا بالرغم انى بحب مجال السينما وحاطت المكانة السينمائية مكانه كبيرة جدا وكنت بحبها قوى كهواية حتى لما حبيت اشتغل حبيت اشتغل فى مجال ثانى غيراللى هو بيشتغل فيه لانى اعتقد مهما كبرت مش هوصل نصفة مفيد فوزى :هل الاب المشهور قدم لك النجومية على طبق من الفضية؟ مريم عزت ابوعوف : مش على طبق من الفضة لأ يعنى الاسم طبعا اكيد بيساعد مريم ابو عوف ده اكيد ممكن تدى ثقة فكرية بس انا حاولت ان اعمل طريقى اشق طريقى لوحدى بس طبعا اسم بابايا اسم انا فخورة به واكيد بتساعد اكيد بيدى فرصة اكيد بيدى ثقة بيدى ثقل بس هو المهم الاستمرار مش هيقدر يساعدنى فيه بقى احمد فوكس : انا ابتديت امثل كومبارس من ست سنين وبعدين عملت اربع مشاهد وبعدين عملت تسع حلقات بحوالى 16 مشهد وفضل اشتغل لغاية ما وصلت الحمد لله اللى ربنا وصلهولى يعنى فكنت رافض شوية مساعدة والدى بس اسمه كان بيخلى ناس كثير تقابلنى تشوفنى بس ما كنش فيه انه واسطة انى اشتغل بس هما كانوابيقابلونى علشان ان انا احمد ابن فاروق فلوكس كنت ساعات كثيرة جدا مثلا انزل ابيع تليفونى علشان انزل اتصورعلشان رايح للاستاذ محمد فاضل فعايز اورى له انا ممكن اعمل ايه وايه وايه كنت بأخذالcv بتاعى لما اروح اقابلة تقريبا اغلب المخرجين اشتغلت معاهم تقريبا عملت كده وحتى الان طبعا اسم ابويا عمل لى حاجات كثيرة جدا فى حياتى كريم حسن شحاتة : اكيد كان ليه دورطبعا اكيد لكن هى هو ما افدنيش فى الكورة كنت لعيب كرة قبل كده لغاية سن 28 سنة بس ما استفدتش كانت ضدى ان انا ابن حسن شحاتة كان في شوية عارف حضرتك لما بيكون نفس المجال والدك بيشتغل فى نفس المكان زملائه ما بيبقوش عايزينك تطلع اوتظهر يمكن ما بيحبوش حسن شحاتة او يمكن فى بعض الغيره فاثرت معايا انا بالسلب كانت فى الكورة لكن فى الاعلام ادتنى فرصة وانا الحمد لله حاولت اثبت نفسى والحمد لله يعنى استمريت دى ثانى سنة الحمد لله مفيد فوزى : والميه تكدب الغطاس الموهبة تكذب الادعاء سألت ما اهم اداء تعتز به؟ حنان مطاوع : ليى انا هى السلطان الحائر دى مسرحية طبعا من اهم النقاط فى حياتى فيلم قص ولصق اخراج المخرجة الكبيرة هالة خليل حديث الصباح و المساء كانت بدايتى اخراج الاستاذ احمد صقر وتأليف طبعا الاستاذ نجيب محفوظ الحمد لله محطات كثير محمد سمير :ادائى كصحفى مهنى ان اهم اداء انى اتصوران حضرتك يعنى بتتكلم عن ادائى التمثيلى هو يعنى طبعا تعبيرات الوجه اوتعبيرات العين دا لو كنا بنتكلم عن التمثيل من خلال شاشة السينما اوالفيديو بيختلف طبعا الوضع زى ما حضرتك عارف على خشبة المسرح بيبقى الممثل مطالب بحركة يعنى نقول شوية احنا عليها overلواحنا بنعملها فيديواو سينما لكن على المسرح هى دى اللى بتوصل الاحساس لاخرمشاهد قاعد فى اخر الصالة هبة رشوان توفيق : رحلتى كلها بعتز بيها كمبتدئة وبتطور فيها كمهنة مفيش لحظة فى حياتى كمذيعة الا وبعتزبيها احمد فلوكس : مسلسل المنادى بطولة الاستاذ احمد بدير والاستاذ رياض الخولى واخراج استاذ رضا النجار ومسلسل مسائل عائلية جدا كان مع الاستاذ حسن يوسف اول حاجة كوميدى يعملها ومشهد عملته فى فيلم المسافر مع الاستاذ عمرالشريف لى الشرف كريم حسن شحاتة : ادائى فى الاعلامى والرياض بس اجتهد واذاكر كويس هلاقى فى الاعلامى والرياضى عموما يعنى مفيد فوزى : رأينا اولاد فنانين كبار يمكن ما سبوش اى بصمة زى ما دخلوا زى ما خرجوا لم تم الاختبار وقفوا امام العدسات وما حصلش اى نتيجة على الاطلاق فسألت هل ابن الوز دا ئما عوام ؟ عمرومحمود ياسين : والله دى بترجع للوز والابن يعنى اذا كان الابن ده فعلا عنده يعنى القدر او عنده المقدرة انه يمارس نفس العوم بتاع الاب اوالام خلاص بيبقى عوام لوهو ماعندوش مش شرط ان كل واحد موهوب فى شئ ان ابنه هو كما يبقى موهوب فى نفس الشيئ ممكن يبقى موهوب لكن فى اموراخرى يعنى ممكن يكون موسيقار وابنه موهوب فى الرسم مريم عزت ابوعوف : لأ مش دائما فى كثير من الاحوال ابن الوزعوام او بيحاول يعوم بس مش دائما بيبقى عوام احمد فوكس : مش دائما يعنى ما ما بتبقاش كده هو طبعا يعنى بيأخذ منه حاجات كثير بحكم ان ابوه وعايش معاه وكل ما كان الاب مع ابنه محتضنة اكيد هيتشبع منه بحاجات كثيرة لكن مش شرط انه ينجح زيه مش شرط انه يطلع زيه هبة رشوان توفيق : مش دايما مفيد فوزى :ابن الوزدائما عوام؟ كريم حسن شحاتة :لأ مش شرط مش شرط بيبقى فيه اباء مش موهوبين بس هما عيشتهم او تربيتهم والدهم بيشتغل عمل معين سواء فى الرياضة فى الفن فى اى مجال ممكن يبقى معندوش الموهبة بس بيكتسب كده مع الوقت ومع الخبرة اوالمعيشة بتاعتة اللى هوعلى طول فى الجو ده لكن مش شرط ان هو يبقى ابن الوزعوام حنان مطاوع : لأ انا بحس ان الموهبة اكيد طبعا لما حضرتك بتبقى ابن اسرة فنية بتبقى عندك احساس بالفن وتزوق للفن زى بالضبط لو ابويا دكتور حيبقى برضه احساسى بالنمط العلمى بشكل عام صبغة علمية على حياتى لكن الممارسة اعتقد ان هى دى هبة من عند الله سبحانة وتعالى فاصل مفيد فوزى : كان من المهم معرفة كل حالة على حده وكيف دقت على باب الفن اوالصحافة او التلفزيون اوالرياضة سألت هل دخلت المجال بجهدك بمساعدة الوالد بموهبتك رتب؟ هبة رشوان توفيق : بمساعدة الوالد لانى ما كنتش هدخل المبنى الا معاه وانا دخلت المبنى وانا عمرى 5 سنين دى نمرة واحد بجهدى لان هو ما كنش عايزنى ابقى مذيعة وادخل وظيفيا تمهيدا للمهنة بيأخذنى على قد عقلى لكن يوم ما حصل الامتحان دخلت عليه حجرة النوم وجدتة نائما نوم حقيقى ومش قلقان وانا كنت مرعوبة هو كان عايزينى انجح بجهدى ولما كان يواجهنى مشكلة طول رحلة حياتى عمره ما تدخل لى ابدا كان يقولى انا مش عايش لك ياتحلى مشكلتك وتكملى فى المهنة يا تمشى وتسيبيها أحمد فوكس : بجهدى مفيد فوزى : ثم احمد فوكس :موهبتى مفيد فوزى : ثم احمد فوكس : اسم ابويا مريم عزت ابو عوف : بجهدى بمساعدة الوالد بموهبتى كريم حسن شحاتة : بجهدى نمرة واحد بمساعدة الوالد عمرومحمود ياسين : دخلت المجال اولا بذقه من الوالد ذقه بسيطة اللى هى تحطنى على اول الطريق لكن ما تأمنش الطريق ده خالص يعنى كان لازم انا بعد كده بجهدى اقدراثبت اذا كنت اكمل فى هذا الطريق اوانسحب يعنى كريم حسن شحاتة : الحظ اسم الوالد الموهبة بقى بعد كده حنان مطاوع : لأ بجهدى لانى انا دخلت بعد ما بابا توفى الله يرحمة بس انا عايزة اقول لحضرتك حاجة برضه بدين لهم بالفضل يعنى ما سابونيش انى انا ادخل بس لوفيه خيرحاصل لى فى حياتى يبقى بسبب امى وابويا مفيد فوزى :ربما علميااتوقف عند الجينات والوراثة واتوقف ايضا عند المناخ بالبيت وهوربما كان تأثيرة مهما وربما موهبة تسكن الصدورلم يكن فى اسرتى انا شخصيا اى جينات صحافة من قريب او بعيد كان حلما لديى هو الصحافة ونشأت فى بيت عادى جدا لكن الصحافة كانت تسكن هذه الرأس ومن هنا اردت ان اسأل الفن وراثة جينات مناخ عائلى موهبة ماذا بالضبط؟ احمد فوكس : جينات موهبة مناخ عائلى مريم عزت ابوعوف : كله مع بعضه حنان مطاوع :جينات اولا الفن حضرتك قلت مناخ عائلى ثانيا وراثة اخيرا احمد فوكس : الفن جينات اعتقد ان انا شخصيا يعنى مؤمن بشئ معنديش انا مستند علمى صحيح عنه هو ان الجينات متعلقة بمسألة المواهب او القدرات بشوف كثيرقوى فى مجالات مختلفة مبدعين اوموهوبين فى امر من الامور ليهم ابناء بيبرزوا ايضا فى.. محمد سمير : المجال فى مجال التمثيل فى امثلة كثيرة فى مجال الكتابة عندنا بهجت قمر وايمن بهجت قمرعندنا كابتن حمادة امام وكابتن حازم امام وهكذا يعنى مؤمن ان فى شئ من الجينات ممكن يكون ليها دخل يعنى حنان مطاوع :ممكن يبقى مناخ عائلى جينات طبعا مناخ عائلى ممكن كريم حسن شحاتة :الثلاثة الثلاثة فاصل مفيد فوزى :هل ابناء المشاهير خرجوا من جلبابهم هل معجبون ام رافضون لشئ ما فى الامر لنجرب والدك من المشاهير ماذا ترفض فيه ؟ عمرومحمود ياسين : لأ لا ارفض فيه شئ لا ارفض اى شئ فى والدى الفنان المشهور محمود ياسين حنان مطاوع : لأ مش هقول حاجة اقدرارفضها فى بابا الله يرحمة بالنسبة لى هو نموذج يحتذى به كريم حسن شحاتة :ارفض فيه الطيبة الزيادة عن اللزوم يعنى فى ناس ساعات بتهاجمه بشراسة وهو ما بيردش ساعات بقوله لازم ترد يا بابا يعنى ما ينفعش كده ان انا ارد انا بشتغل فى مجال عملى وبراعى ضميرى وبراعى ربنا انا شغلى اللى بيرد على الناس مفيد فوزى : والدك من المشاهير ماذا ترفض فيه؟ مريم عزت ابو عوف : ولا حاجة لا ارفض فيه شئ ما ارفضش فى حاجة هبة رشوان توفيق : مازال مصرا على انه لا يفتقد الدهشة مازال يندهش اه احمد فوكس : اللى رفضته فيه واعتقد انه يعنى انه ضحى بنفسه علشان لانه كان كل جيله عنده يعنى حتة انه يحب نفسه جدا ودى بتتقالى حب نفسك ما تحبش نفسك علشان تبقى حاجة اللى رفضته فى والدى انه علشان يعلمنا كويس وعلشان نطلع بالشكل اللى احنا طالعين بيه ده داس على نفسه كثيرقوى وقبل حاجات كثيرقوى علشان يطلعنا كويسين مفيد فوزى : سؤال اخر ماذا اخذت من صفاتة ؟ هبة رشوان توفيق : كل حاجة يمكن معرفش ان الفرق هل مهنة المذيع فرقت عن الممثل انا فقدت الدهشة احمد فوكس :بحاول اتقى ربنا حنان مطاوع :اخذت من صفاتة الجهد فى العمل حب العمل حب التفاصيل بس حاجات كثيربقى شخصية بس المجال نفسة هو ده فى العمل الدائم هو طبعا توفى وانا كنت لسة قاصرصغيرة بس هما بيقولوا ان يمكن ان انا هاديه زيه او تأملية زية واتمنى ان اكون مبدعة زيه كريم حسن شحاتة :اخذت من صفاته الاجتهاد فى العمل او الاخلاص فى العمل بطريقة الحمد لله يعنى انا بركز فى الشغل جدا وما بحبش افشل هو دائما يقول لى كلمة انت لازم ما يبقاش عندك سقف للطموح ما يبقاش ليك سقف تخلى طموحك مفتوح فانا واخد منه الحته دى وفى نقطة سلبيه هو عصبى شوية انا عصبى برضه احمد فوكس : بحاول اخذ من صفاته التواضع والاحترام الذائد جدا للاخرين حنان مطاوع :الطيبة الشديدة الحوار مع الاخر المهنية الشديدة والدقة مفيد فوزى :عادة يواجة ابناء وبنات المشاهير مشاكل ربما حسد ربما حقد ربما غيره ربما مقارنة بالاب لكنها مشاكل فسألت هل هناك مشكلة تواجهك لانك ابن نجم مشهور ؟ مفيد فوزى :احيانا بيتم الخلط ما بين الاعتراف يعنى علشان كده انا اشتغلت فى مجال ثانى انما فى مناسبات كثيرة كانت بتحصل انه مثلا مرة كتبت موضوع فنى انا كنت بشتغل فترة فى الامارات عملت موضوع فنى عن لما حضلت وفاة فلينى عملت موضوع عنه فدائما يعنى بيتهيأ لى الجملة اللى كنت بهرب منها دائما اللى هوالوالد يبعت لك دى اكدت لى ان انا مكنش ينفع ان انا اشتغل فى المجال ده وتأكدت انى انا كنت على حق يعنى كريم حسن شحاتة : دائما ما كنت بدخل اى مجال جديد بيقولوا هو داخل علشان ابن كذا ابن حسن شحاتة لغاية انا لما بحاول اثبت نفسى والحمد لله الناس بتنسى ابن حسن شحاتة بتتعامل معايا كشخص عمرومحمود ياسين : المشكلة اللى بتواجهنى كونى انى ابن مشهور انى لازم اتصرف كل تصرف زى ما بيكون يعنى بالورقة والقلم يعنى بحساب شديد جدا مريم عزت ابوعوف :ان كل الناس تبقى فكرة ان انا دخلت المجال بس علشان والدى نجم مشهوراو حبيت المجال بس علشان والدى نجم مشهورالناس تبقى مستقلية بيا فاكرة ان انا ورثت حاجة اوزى ما حضرتك قلت اخذت الفرصة على طبق من فضة ده شئ بيضايقنى طبعا انا حاولت كثير قوى واشتغلت كثيرقوى وتعبت كثيرقوى على ما اخذت اول فرصة ليا هبة رشوان توفيق :على الاطلاق معنديش مشاكل خالص دى حاجة ممتعة جدا معنديش مشكلة ان انا بنت راجل مشهورخالص احمد فوكس : عندى تاريخ 50 - 60 سنة تاريخ بتاع والدى على كتفى فا عامل لى مشكلة لان اى حاجة بتعود عليَ ما بتعودش عليى لوحدى بتعود على 60 سنة اللى ابويا تعب فيهم مفيد فوزى : اردت ان اعرف الافاق الذهنية لابناء المشاهير فا سألت قضية كونية تشغل بالك ؟ مريم عزت ابوعوف : كونية بشكل عام ليه دائما بنشوف الجزء الفاضى من الكوب ليه ما بنحسش بالرضا مع ان عندنا نعم كثيرة فاقدين نعم بس عندنا نعم اكثر لان الواحد لو شاف اللى معاه هيبقى فى منتهى السعادة لانه معندوش مشاكل بس لانه مدرك للنعم اللى عنده حاجات كثير قوى مشكلة البلد مصر مصر رايحة فين وهيحصل ايه خوف السحابة السود ا مستقبل الانسان الفقيرفى مصرايه التلوث حاجات كثير قوى ليها دعوة بالبلد الاطراف الاخرى كريم حسن شحاتة : قضية كونية تشغل بالى الطيارات انا وانا قاعد فى الطيارة انا بسافر كثير جدا وبحكم عملى بقول ازاى الطيارات دى بتطلع بتطير ببقى قاعد قلقان مش متخيل ان فيه حديد يعنى اوحاجة كده حديد بتطير وبتودينى من مكان لمكان وفى فترة سريعة ببقى حاسس ان انا فعلا بين ايدين ربنا ربنا هو اللى متولينى وانا فى الطيارة عمرو محمود ياسين : والله السؤال ده ممكن اجاوب عليه وانا على محورين محورفيما يخصنى انا ممكن انا بالنسبة لى انا ايه قد يكون الكون لواحد من الناس انه مجرد يبص له واحد تانى ممكن تبقى بلده حد ثانى ممكن يبقى حاجات شخصية لكن انا شخصيا يمكن من حبى فى الجغرافيا وحبى فى الاطلاع على الخرائط ابتديت ابص مع الوقت اكتشفت مع الوقت ان الكرة الارضية دى كبيرة جداجدا بس دى مش هى بس فى حاجات تانى كثير قوى برة نفسى اعرف الاتساع الغير عادى للكون سببه ايه ده طبعا شئ مش هقدراعرفة الحلال والحرام, الحلال والحرام قضية شغلانى مش عارف هى كونية ولا تتصنف ايه لكن دايما تبقى شغله بالى الحلال والحرام مفيد فوزى : وسألت قضية محلية فى ذهنك؟ هبة رشوان توفيق : الزبالة احمد فوكس : ربنا سواء فى شغل اوفى تعامل سواء فى جيران سواء فى اقارب سواء فى جواز سواء فى اى حاجة حته ان هما بيتقوا ربنا شوية ابتدت تضعف وابتدت الدنيا هى اللى تطغى عليهم مش الدين مفيد فوزى :تعرف القضية فى ذهنى ليها حاجات كثير قوى بس يمكن ابرزها صحة الانسان المصرى؟ كريم حسن شحاتة :هى مشكلة محلية انا بسافربره كثيرانا بحب بلدى على فكرة جدا لما بطلع برة مصر بقعد 3 ايام وبذق لوقعدت فى اوروبا فى افخم فنادق بذهق بأبى عايز ارجع لاصحابى بس بتضايق جدا زى ما بنشوف sorryيعنى الزبالة اللى فى الشوارع الصحة فى ناس كثير حصلى موقف خبطت انا قبل كده يعنى حد بالعربية بعربيتى ووديتة المستشفى يعنى قالوا لى لأ بلاش لحسن يحصل حاجة قلت لأ اخذتها ودتها المستشفى كان فى اهمال كبيريعنى عمال اتحايل على الدكاترة علشان يجوا يشوفوها عندنا مشاكل فى الصحة وحته النظافة دى فى الشوارع مضيقانى جدا حتت برة احنا احسن منهم بكثير بس احنا عندنا الحتيتين دول مضايقينى جدا مريم عزت ابوعوف : الوعى الوعى عند المواطن المصرى المصريين خير جنود الارض لان هما والرسول عليه الصلاة والسلام قال كده قال لان فعلا لما بيبقى عارف عدوه بيبقى موجة وثاقب لكن لما بتخدره بيبقى حالة زى دلوقتى فا انا نفسى الوعى والنخوة ترجع تانى عند المواطن المصرى فاصل مفيد فوزى : فى روؤس ابناء المشاهير احلام كلن فى مجالة انها تحجز وتعكس جحم الطموح لدية فسألت حلم يراودك فى مجالك هبة رشوان توفيق :ان المذيع يرجع يأخذ مكانه ثانى رشوان توفيق : ان يعنى الامام الحسن رضى الله عنه راجل يشور عليه يجوز بنتة لمين جال له زوجها الراجل يتقى الله لوحبها هيكرمها ولو كرهها مش هيظلمها فاهمها ممثل : فاهم يا حج رشوان توفيق : وخذ بالك كمان كل شئ نصيب والزواج بالخصوص قسمه ونصيب ولوالجدع ده ولد حلال ربنا يجعله من نصيب اختك يحيى الفخرانى : كل شئ قسمة ونصيب ربنا يعمل ما فى الخير مفيد فوزى : فى روؤس ابناء المشاهير احلام كلن فى مجالة انه تحجز وتعكس حجم الطموح لديه فسألت حلم يراودك فى مجالك ؟ عمرومحمود ياسين : نفسى اعمل خالد بن الوليد فاصل مفيد فوزى : حلم يرادوك فى مجالك؟ عمرو محمود ياسين : تحقيق ربع ما حققة الوالد او الوالدة فاصل مفيد فوزى : حلم يراودك فى مجالك؟ مريم عزت ابوعوف :اوصل للعالمية اوصل بالسينما المصرية للعالمية فاصل مفيد فوزى : حلم يراودك فى مجالك؟ كريم حسن شحاتة : انا عايز اقولك حاجة يا استاذ مفيد انا دائما يعنى بفرح لنجاحات والدى اكثرما بفرح لنجاحاتى انا الحمد الله اتمنى بالنسبة لى الصحة وان اسرتى تبقى كويسة وابقى فى مجالى الاعلامى الرياضى ابقى اكبر من كده واستمرلكن انا دائما ما بفرحش قوى لنجاحاتى بفرح لنجاح والدىاكثر يعنى نفسى يوصل كاس عالم انشاء هى دى امنية لي ودائما احلى حاجة احلى ايام فى حياتى نجاحاته هو مش نجاحاتى انا فاصل مفيد فوزى :حلم يراودك فى مجالك ؟ حنان مطاوع :انى اعمل فيلم مصرى ينقل طبيعة المواطن المصرى المحترم الصلب للعالم كلة مش حكاية فيلم عالمى انك يبقى ليك صوت مؤثر عالميا فاصل مفيد فوزى : كان لازم من المهم جدا ان انا بعد ما شفت اولاد المشاهيران انا اشوف طلبة معهد الفنون المسرحية وان انا فى المعهد العالى للسينما الوجوة دى الشباب دول اشوف الى اى مد هما يملكوا ان يبقى عندهم مواهب ولا ما عندهمش مواهب والا المواهب بتورث ولا ما بتورثش كان مهم جدا ان انا اعرف ماذا يفكر هؤلاء هل يصلون بالاسانسير الى المجد ام ينتظرون طويلا على محطة الواسطة طالبة :انا دخلت المعهد بلا اب مشهور ولا ام مشهورة دى البداية وبعد كده اخذت القسط الاكبر لما ابتدت الناس تتكلم عن فيلمى وشافوا الفيلم مفيد فوزى : تفتكرى ليه بعض البنات والولاد عندهم غصة انهم مش واخدين زقة لكونهم مش اولاد مشاهير؟ طالب : حكاية ان هما مش اولاد مشاهير ان هما بس يخدوا الفرص دى بتبقى شماعة الفاشلين فقط ما اعتقدش ان فيه حد بيعمل حاجة بجد وما بيأخذش فرصة لما بيعمل الحاجة بتاعتة بيجبر الناس كلها انها تشوفها وان كانت ويكلموا عنها وانا كنت من المحظوظين اللى عملوا دوت حضرتك كنت اول حد بيساندنى وبيقف جانبى بعد فيلمى يعنى مفيد فوزى : انت عملتى اول فيلم كان الفيلم بتاع..؟ طالب : ملكية خاصة بتاع التحرش الجنسى مفيد فوزى : ملكية خاصة حول التحرش الجنسى؟ طالب : اه اه مفيد فوزى : بتعتقدى انه انتى اخذتى فرصة لانه العمل نفسة فرض نفسة ؟ طالب : يعنى اعتقد هو وانا سعيت كمان ان الناس تشوفة مفيد فوزى : اه يعنى انت عملتى جهد طالب : طبعا ما انا ما قعدتش وعملت فيلم ورميت الفيلم عندى فى البيت وبطالب الناس ان هما يجوا يتفرجوا عليه وفى الاخر اقول ان ما شفهوش اصل انا مش بنت حد مشهور طالب : بتكلم هنا على سبيل المثال المعهد او الوسط الفنى بشكل عام طبعا اللى مش من الوسط اوما يعرفش حد اوليه اهلة بيعانى جدا فى ان هو يوصل او يفرض موهبتة لو هو موهوب دائما بيبقى فيه محسوبية وبيبقى فيه واسطة وحاجة كده اسمها شللية يعنى صعب مثلا اروح لمكتب ا نتاج علشان اعرض له فكرة علشان يقتنع بيها لازم اقوله انا جاى من طرف مين ما بيدنيش فرصة ان يسمع موهبتى علشان بعد كده يقيمنى مفيد فوزى : ولاد المشاهير فى الفن بياخذوا فرص اكثر ؟ مريم عزت ابوعوف : والله ممكن بس الفكرة انهم بيبقوا متربين فى atmospheer سينما وكلهم عادتهم شغالين فى السينما فا ممكن يبقوا مكتسبين حاجة من اللى اهاليهم من ال careere اللى اهاليهم فيه مفيد فوزى : لكن مش ضد دائما ؟ مريم عزت ابو عوف :لأ مفيد فوزى : طيب افرضى جدلا انتى ما عندكيش اب فنان او ام فنانة ولا ليكى اى صلة بالعالم الفنى مدى صلتك اد ايه؟ مخرجة : والله يعنى مفيد فوزى : طيب كلمينى عن نفسك ؟ مخرجة : اتكلم عن نفسى انا لو معنديش فرص مفيد فوزى :اه اه انت عندك فرص؟ مخرجة :الحمد لله مفيد فوزى :ايه ؟ مخرجة : انا متربية فى عيلة فنية مفيد فوزى :قولى لى مين العيلة الفنية ؟ ف بابيا مدير تصوير مامتى مخرج ورئيسة قسم اخراج اختى مونتيرة جدى كان مدير تصوير جدى الثانى كان مخرج اذاعى خالى مخرج اذاعى العيلة ك لها العيلة مفيد فوزى : كلها فن طب وبالتالى اخذتى فرص اخذتى فرصة ايه قولى بقى ايه الفرص اللى انتى اخذتيها ؟ مخرجة : اخذت فرصة مبدئيا قدمت مرة فى المعهد سنة فى المعهد وسقط كنت مقدمة فى قسم رسوم متحركة وسقط كنت مقدمة علم استماع قدمت كا مستمعة كا طالبة عادية جدا مفيش اى نوع من انواع الواسطة ولا فى اى حاجة قدمت فى قسم عملى قسم سقط فيه بس اكتشفت ان بعد كده اكتشفت ان مش هوده القسم اللى انا هبقى شغالة فى فا قدمت قسم ثانى قسم مونتاج مفيد فوزى : انت بتعتقد ان الناس اللى ظهروا فى رمضان اللى فات وكلهم تقريبا اولاد مشاهير اخذوا زقة من الاب المشهور ؟ طالب : اكيد هو بيوفر عليهم خطوات بيوفر خطواط كثير يعنى انا اعرف ناس كده واعرف ناس كده اللى ميعرفوش حد فيه خطواط كثيرة اخذوها بس فى الاخر فى النهايةالموهوب هو اللى بيثب نفسة يعنى هوالفكرة كلها ان ابويا مشهور او مش مشهور ان هو بيدينى الزقة الاولى ان هو بيدينى الخط مفيد فوزى :اللى هى الفرصة ؟ طالب : الفرصة وبيوفر خطوات كثير اللى هى المفروض بتصنع لى الفرصة بعد كده مفيد فوزى :هل انت اخذت فرصة ؟ طالب : انا اخذت فرصة مفيد فوزى : اه طالب : اه الحمد لله اخذت فرصة مفيد فوزى :ازاى ؟ طالب :مشاريعى من خلال مشاريعى مفيد فوزى : لأ دا انا بتكلم طالب : لأ السوق انا اقدراقول لحضرتك انا اخذت فرصة او لأ او احكم على الموضوع ده بعد ما اتخرج ان شاء الله انما انا فى ثالثة اخراج وحانوصل لرابعة انا الحمد لله عملت مشروع كويس مفيد فوزى : لأ المشروع ده ده شئ جوا الدراسة انا بأتكلم على الزقة ما اخدتش زقة طبعا طالب : لآ ما اخذتش زقة لكن هقول لحضرتك طبعا فى عندنا فى المعهد الدكاترة بتوعنا لما بيحسوا فيك انك انت راجل مجتهد وراجل عاوز تعمل شغل كويس هما بيساعدوك مفيد فوزى :قدرت تشتغل فى السوق وانتى طالبة فى قسم الاخراج اشتغلتى مع مساعد مخرج اشتغلتى ؟ طالبة :لأ لسة لأ خالص مفيد فوزى : لوقلت جدلا انك انتى ليكى اب مخرج او ام فى عالم الفن هل ممكن ده كان ممكن يوفر عليكى مسافات طويلة؟ طالبة : اكيد مفيد فوزى : ازاى احكى لى ؟ طالبة : علاقات علاقات علشان يعنى لو اب مخرج على الاقل كنت هنزل مع ابويا او مع صاحب ابويا او لوامى مخرجة اى حد اواى حته هلاقيها فى الميدان مفيد فوزى :لوكانت لو كانت لو كان صاحب ابوكى مخرج. طالبة : كنت هنزل معاة برضههههههههه اكيد يعنى اى حد فى العيلة هيبقى فى الميدان هيبقى ده كلس بالنسبة لى هتختصر لى مسافات كثيرة غير ان انا اطلب واقدم واكلم ناس وناس ما تردش علي وناس توعدنى وما توفيش بالوعد لأ طبعا مفيد فوزى :هل لازم تبقى ابوه بيشتغل علشان تأخذ زقة وتوفر مسافة صراحة ؟ طالب : صراحة لأ مفيد فوزى : ليه ؟ طالب :علشان الموهبة هى اللى هتحكمنى فى الاخرلو انا موهوب هقدر اكمل واشتغل وابقى حاجة كبيرة لو انا مش موهوب مفيش حاجة هتحصل حتى لو هو زقنى شوية بعد كده هقع مش هينفع اكمل الموهبة لازم شئ ا ساسى فى اى مهنة فى صناعة السينما عموما وانا مصور فابالذات لازم ابقى موهوب مفيد فوزى : هل اخذت فرص فى الاسواق فى السوق ؟ طالب : احنا alreadyبننزل نتدرب مفيد فوزى : لأ انا بأتكلم على ان الفرصة فرصة يعنى يعنى اشتغلتفى افلام طالب : اشتغلنا احنا نزلنا اتدربنا فى افلام مفيد فوزى : ايه هى ؟ طالب : وفى اصحابنا اشتغلوا فيها انا ما اشتغلتش فى افلام بس مفيد فوزى : محتاج زقة؟ طالب : مش زقة لسة مافيش حد لسة ما وصلتش لمرحلة ان انا اشتغل مفيد فوزى :اه لسة ما بنتش موهبتك ؟ طالب :لأ بنتها بس لازم فى اشتغل الاول مراحل ابقى مساعد مصور وبعد كده ابقى مصور وبعد كده ابقى مدير تصوير مفيد فوزى : لما يبقى ابن فنان بياخذ فرصة فى السينما والتليفزيون ممكن لو حضرتك مش بنت فنان يمكن تأخذى فرصة مريم عزت ابو عوف : اكيد لأ اكيد لأ يعنى دلوقتى مش فى ا لفن بس ده فى اى مجال ثانى دلوقتى كلة معتمد على ان بابا بيشتغل فى كذا اوعموا بيشتغل فى كذا انما موضوع الموهبة ده محتاج شوية بهدلة زى كده لما تقدر تثبت نفسك حلنى بقى مفيد فوزى : اعرف رأيك ؟ طالبة :انا شايفة انه الموهبة لا تورث بس طبعا ممكن يبقى حد مفيد فوزى : الموهبة لا تورث ؟ طالبة : لآ طبعا بس مش معنى ابن فنان او فنانة لما بيمثل بيبقى كويس مش علشان هو ابن فنان نبص ان ده متاخد له على اساس الواسطة او بباه كذا او ممته كذا ندى له فرصة ان الجمهور يشوفة والجمهور بيحكم الجمهور اعتقد بيبقى واعى يعنى يقدر يميز بين ده حد كويس علشان بباه والا ده حد كويس علشان هو عنده موهبة طالب : فى دنيا سمير غانم مثلا مفيد فوزى : تمام طالب : شايف معلش دى وجه نظرى انا شايفها ان هى افضل من والدها ومن والدتها مفيد فوزى : جميل اذن معنى هذا انه فيه موهبة بتفرض ذاتها بجنون؟ طالب : بس يعنى الظهور الاولانى هو ده اللى بيبقى محتاج الفوش الاولانى او المساعدة الاولانية فى ناس بيبقى عندها حظ ما هوالحظ ده ممكن يجى فى اى لحظة ممكن واحد حظة كويس ان هو يسافر مثلا فى طيارة فيها نور الشريف ويكو ن قاعد جنبة فا حظة ان هو يحصل مثلا حوار ما بينهم نور الشريف يقتنع مثلا انه كويس يأخذة معاه فى مسلسل فى فيلم فا الحظ هنا ان هو والدة او والدتة شغال فى المجال او دكتور فى المعهد فا يعنى ده قدر يعنى طالبة :فيه ناس كثيرة جدا مالهمش ولا ام ولا اب فى الوسط خالص كويسين قوى موهوبين ودلوقتى شغالين كويس قوى هو مش محتاج واسطة قوى يعنى الواحد لو موهوب لوحده هيخش ويثبت نفسة خلاص مفيد فوزى : بيتقال انه لما ما بيبقاش ابن فنان بيعمل كده شئ من الشعور بالقلق لانه هيأخذ جهد كبير علشان خاطر يوصل مريم عزت ابو عوف : لأ اذا هو حابب الموضوع وكويس فيه ليه لأ مفيد فوزى : بس المسألة مش مسألة حب مريم عزت ابوعوف : لأ مفيد فوزى : مفيش شغل مش حكاية حب مفيش شغل بالنية مريم عزت ابوعوف : لأ طبعا المفروض انه بيجتهد على قد ما بيقدر بيجتهد وبيذاكراصل كل حاجة مذاكرة يعنى انا حابب التمثيل لازم اذاكرة كويس بس ماهو اصلا المسألة بتبدا مفيد فوزى : هل فيه موهوبين ما اخذوش فرص فى الحياة؟ مريم عزت ابو عوف :اكيد فيه موهوبين ما اخذوش فرص وفيه اخذوا هى المسألة نسبية مفيد فوزى :بمعنى ؟ مريم عزت ابوعوف : بمعنى ان حد موهوب يكمل وينجح ويلاقى فرصة ممكن حد موهوب بيحاول مرة واثنين وثلاثة مفيد فوزى : هل لازم انت كاطالب بتدرس فى معهد الفنون المسرحية لازم يبقى فيه عندك واسطة او لك صلة قرابة بالوسط الفنى ؟ طالب : ياصفايح الزبدة البلدى لو مفيش واسطة ما كنتش دخلت المعهد هنا ثانيا انا بقلولك بكل صراحة والامور اللى ماشية هنا انك تمشى من غير الواسطة ماتخدش يعنى انا فنون شعبية دخلت معهد فنون مسرحية ثلاث مرات وماكتش بيحصل نصيب خالص واسأل سمعة 000 معهلش يا حبيبى جرب مرة ثانية مفيد فوزى : انت لازم تجرب مرة ثانية وثالثة ورابعة ؟ طالب: ما حضرتك يا افندم لازم يحصل كده مفيد فوزى :حصلت لك واسطة الله وربنا حصلت كثير بس الظروف اللى مش حاصلة قسم تمثيل فى هذا المكان ممكن يبقى واخد فرص ممكن يبقى يعنى بنت تبقى كويسة موهوبه تتعذب لما توصل طالبة :اه طبعا فى وفى عندنا فى قسم نقد ودرامة ناس عايزين يمثلوا بس هما دخلين يعنى اتشعبطوا فى نفد ودراما وصولا للتمثيل يعنى كان ليهم محاولات قبل كده فى التمثيل وفشلت فا اتجهوا لنقد ودراما لعلا وعسى مفيد فوزى : اه يعنى بيتنطتوا ما بين هنا وهنا يعنى ؟ طالبة :اه مفيد فوزى : طيب تفتكرايه اللى يوصلهم بشكل اسرع وان ده خيال ؟ طالبة : هى الموهبة ممكن توصل بس دلوقتى يعنى الواسطة بقت اسرع طالبة : لآ مش شرط هو الواحد لو تعب وحب الحاجة واخلص لها وفهم ان هو لو عايز حاجة وحطها فى دماغة وفضل هو وراها هيوصل لها مش لازم يكون اهلى فى الوسط يعنى علشان اوصل للحاجة دى بس هو فيه ناس كثير وصلوا بالطريقة دى بس مش شرط مفيد فوزى : يعنى ايه وصلوا ؟ طالبة : يعنى فى ناس كثير فى الساحة دلوقتى وصلوا بالطريقة دى ان قاعدين فى الوسط الفنى فدخلوا التمثيل من الناحية دى لكن الموهبة بتفرض نفسها لو مفيد فوزى : عندما تكون موهوبا بحق فأنك تشق طريقك وسط الصخور سواء كنتى ابنت فاتن حمامة او سواء كنت ابن محمود ياسين الموهبة هى الفيصل الموهبة هى الفيصل المثل الانجليزى يقول ان الموهبة تماما مثل امراة حامل فوق سنام جمل لا يمكن اخفاءها على الاطلاق الموهبة لها وهج لها النضارة ولها خاصية الوصول والنجاح اتحدث اليكم من معهد الفنون المسرحية هنا الطلبة يدرسون ويحلمون ويتمنون الواسطة لكن الموهبة لا تحتاج الى واسطة المواهبة مرة اخرى لا تحتاج لواسطة الموهبة لا تحتاج لواسطة الموهبة تشق الطريق وسط الصخور
