بالفيديو..ستاند أب كوميدى: يسقط حكم العسكر

تداول نشطاء مقطع فيديو لفقرة ستاند أب كوميدي للفنان صلاح الدالي – شاب كوميديان - أثناء عقد مسابقة ساقية عبد المنعم الصاوي الثانية للأداء الساخر مؤخراً، والتي تناولت حكم العسكر أثناء المرحلة الانتقالية، وفاز عنها بالمركز الأول للمسابقة.
وتناول "الدالي" في فقرته الساخرة ضرب المتظاهرين بالخرطوش و"البلي" قائلاً: "عيب قوي لما نقول يسقط يسقط حكم العسكر وكل ده عشان شوية ناس اتضربوا بالخرطوش والبلي في عنيهم!، يا ابني العين عليها حارس، حارس واحد على عنين اتنين المجلس يفقعلك واحدة عشان الحارس يركز مع التانية، خايف على مصلحتك، وبعدين خليك ناصح وجمع البلي ده كله ولاعب المجلس على حقه".
كما شدد الدالي على أهمية النظر إلى نصف الكوب الممتلئ بالنظر إلى عدد المصريين العايشين نسبة إلى عدد من استشهدوا خلال الأحداث المتلاحقة خلال المرحلة الانتقالية، حيث قال ساخراً: "كل ده عشان شوية ناس اتقتلوا في ميدان التحرير وعبدالمنعم رياض ومحمد محمود ومجلس الوزراء وبورسعيد، ما فيه اتنين واقفين قدام كبري اكتوبر ولد وبنت زي القمر بياكلوا حمص، وبتاع الحمص كمان عايش، يعني في تلاته عايشين في مصر!".
وعن الموت قال الدالي: "فيه ناس استغفر الله مش مصدقة إن الموت علينا حق، عشان كده المجلس جاي يقتلنا واحد واحد بما لا يخالف شرع الله عشان يأكد لنا الموضوع ده، وصرح المجلس في آخر بيان له بأنه لن يسمح أن يموت أي فرد من أبناء الشعب المصري على يد غريب أو مستعمر، فسيموت الشعب على يد أفراد من نفس هذا الشعب، زيتنا في دقيقنا".
ومن ناحية أخرى تناول في فقرته الساخرة أمام مئات الحاضرين موضوع محاكمة مبارك، حيث قال: "مبارك كان في المستشفى راح الشعب غضب واتظاهر، قام المجلس ارضاء للشعب شال مبارك من المستشفى حطه في مستشفى تانية!، وبقى ينقله من المستشفى لحد المحكمة بالطيارة شوف الذل، والطيار يفتحله الشباك في الجو والهوا يدخل ودنه ومناخيره، وبعدين نستعجب هو ليه ماسك مناخيره طول المحاكمة!!".
وختم الدالي فقرته قائلاً: "عيب أوي لما تقول يسقط حكم العسكر ويسقط المجلس العسكري لأنه سقط وفقد شرعيته مع أول واحد مات على يديه".
شاهد الفيديو :