بالفيديو.. محمود الجندي يكشف سبب إلحاده .. وعلاقة حريق منزله بتوبته

أكد الفنان محمود الجندي أن سبب الحاده يرجع إلى أن الخطاب الديني في هذه الفترة لم يكن مقنعًا، وكان كلام الملحدين اكثر اتساقًا مع العصر، بالاضافة الى المراهقة الفكرية، والبعد عن الثوابت والتمرد على كل ما هو مألوف.
وقال خلال لقائه بالإعلامية "رغدة شلهوب" ببرنامج "100 سؤال" المذاع على فضائية "الحياة": "بدات البحث في اماكن اخرى عن تلك المعروفة، حتى ان اكون ضد الفكرة السائدة عن الدين، وكنت عايز اسمع كلام مختلف، ومفيش حد محدد عرفني على الموضوع ده، هي كانت موجة وموضة التفكير في السن ده، وعدم قوة الخطاب الديني السليم في الوقت ده فبيبدا يتسرب من القافلة الضعفاء او اللى معندهمش الحصانة بيقعوا في بير التشدد والتطرف او الرفض".
وأضاف "مكنتش فترة طويلة اوي، لان مرحلة البحث لم تتعدى 3 اعوام، واما اتحرق بيتي كان موجود فيه كتب الالحاد، وكانت دي الرسالة الواضحة التحذيرية لاني اما شوفت النار لاقيت المكتبة بتولع والكتب دي كانت بتتوهج جدا".
وتابع "وكانت الرسالة لو جدع انقذه وانا كان لا حول لي ولا قوة، ودي اللى نورت بصيرتي اني اعيد طريقة تفكيري واسلوب حياتي الحريق ده ماتت فيه زوجتي".
الفيديو..
شاهد ..ايضا