بالفيديو.. حجازي: "لازم الضباط يركبوا القطر ببلاش"

ناشد الإعلامي إبراهيم حجازي، الدكتور جلال السعيد، وزير النقل، بتخفيض سعر تذكرة القطارات لضباط الجيش والشرطة أو عودة نظام النصف تذكرة لهما، قائلًا: "براحة شوية علينا، أول ما تيجي تعلي السعر كده ضعفين، وبعدين المفروض الضباط من الجيش والشرطة يركبوا ببلاش، إحنا عندنا مين ندلعهم ونحطهم فوق دماغنا غيرهم، دول كل يوم بيقدموا شهداء".
وقال حجازي، خلال برنامجه "في دائرة الضوء"، المذاع على قناة "النهار"، إن أحد ضباط الشرطة كان يقضي خدمته في محافظة الأقصر، وعند استقلاله أحد القطارات أثناء عودته من الخدمة فوجئ بارتفاعها ضعفين، مضيفًا: “كانت التذكرة ب 100 جنيه وكان بيدفع نصف تذكرة 59 جنيه، المرة دي لقاها 200 جنيه، ولما قالهم طب ونص التذكرة، قالوله مبقاش فيه أنصاص".
تابع حجازى حديثة لوزير النقل قائلا: "المفروض يركبوا ببلاش، هما أصلا مش فاضيين للتنطيط في القطارات، دول بيرجعوا بيوتهم كل أربع أيام، وبيصحوا الصبح مش عارفين الليل جاي عليهم ولا لأ، دول رضوا بالهم، والهم مش راضي بيهم".
شاهد الفيديو..