ليلى سويف: أولادنا ثبت عليهم حزمة جرائم لم يرتكبوها

عن العفو الرئاسي

قالت ليلى سويف، والدة الناشط السياسى علاء عبد الفتاح، فى ملحوظة مهمة عن قرار العفو الرئاسى الذى أصدره الرئيس عبد الفتاح السيسى منذ أيام قائلة: "في فرق كبير بين أن يبقى نفسك ناس معينة يفرج عنها وتزعل إن ده ماحصلش وبين إنك تزعل إن حد غيرهم أفرج عنه لو أنت نفسك ناس معينة تطلع ومزعلك إنهم ماطلعوش وانت من اللى نفسهم إن السيسى يطلع حلو ومش معادٍ للثوار وحاجات كده، ممكن تقوله حلو قوى كده يا ريس الحمد لله انك بدأت تعفو عن الشباب، بس ياريت والنبى تتم جميلك وتخرج الباقى وبالذات فلان وعلان...الخ".
وأضافت سويف فى تدوينة عبر صفحتها الشخصية بموقع التواصل الاجتماعى "فيس بوك": "لو أنت لا عاجبك السيسى ولا العفو ولا أي حاجة ممكن تقول إحنا مش طالبين عفو إحنا طالبين إسقاط قوانين وأحكام حائرة والإفراج عن الكل".
وتابعت "إما بقى إنك تبدأ تتكلم عن أن اللي خرجوا دول الناس الغلط لأنهم إخوان وكلام من ده فالكلام ده ما يصحش، واكتر حاجة حتنقطنى اللى يقولك ده افرج عن ناس "ثبت" ارتكابهم لأفعال خطيرة!!! ثبت دى بأمارة إيه ومن أنهى ناحية بالضبط؟ هو إحنا عندنا نيابة ولا محاكم ولا قضاة علشان نثبت أى حاجة؟ ولو ثبت بتاعة المحاكم بتاعتنا نافعة عيالنا برضه "ثبت" أنهم ارتكبوا لأفعال خطيرة، قطعوا الطريق واستعرضوا القوة وروعوا المارة واعتدوا على أفراد الشرطة واتلفوا المنشآت العامة والخاصة، ولا تكونوش حضراتكم فاكرين ان يارا وسناء وباقى البنات كل اللى "ثبت" عليهم هو التظاهر بدون ترخيص؟! لعلم حضارتكم هو فيه رزمة تهم كده كلها الحمد لله "بتثبت" حتة واحدة".