السيسي ل"فتاة برلين": إيه إللي مزعلك؟".. ونشطاء: عندها مشاكل في البيت

أثارت تصريحات عبدالفتاح السيسي، خلال لقائه بالجالية المصرية والإعلاميين في العاصمة الألمانية "ببرلين"، والتي قال فيها: إن السيدة التي هتفت بغضب في المؤتمر الصحفي مع المستشارة الألمانية أنجيلا ميركل "مصرية" وهي مواطنة وكنت أريد أن أتحدث معها بود، سخرية نشطاء ورواد مواقع التواصل الاجتماعي.
وأضاف "السيسي"، "كنت أريد أن أقول لها من حقك أن تعبري عن رأيك، وكنت سأسألها (إيه اللي مزعلك نحن نبني سويًا، ولا بد أن نحمي بلدنا من العنف والإرهاب والقتل، وأنتِ مواطنة مصرية ولك كل الحب والتقدير".
وشن النشطاء على موقع التواصل الاجتماعي "فيسبوك" موجة من التعليقات الساخرة والغاضبة من تصريحات السيسي، في ظل تناقض تصريحات عبدالفتاح السيسي مع ما يحدث علي أرض الواقع في مصر.
وقال الناشط محمد مصطفي، "إن السيسي يقول علي هذه البنت مصرية لأنها في ألمانيا لكن لو في مصر كان زمانها حامل في السجن".
وردًا علي تساءل السيسي "ايه الي مزعلك" قال الناشط حسين علي: "الشباب اللى ماتوا وحقهم مجاش، الشباب المسجون ومستقبلهم اللى ضاع، الى مزعلها حال البلد يا ريس، الناس بتصرخ من كل حاجه حواليها يا ريس، كل شئ فى مصر بقى غلط خلاص تعبنا".
وأضاف إيهاب خليل: "إيه ال مزعلك، لا ابدا شويه مشاكل ف البيت، دا انت قاتل فوق 8000 بنى ادم، ومعتقل قوق 30000 شاب، وخارب البلد وتقول ايه اللى مزعلك".
وتابع محمود حسن: "لا ابدا بس مزعلها الكام ألف واحد اللي اتقتلوا و اتحرقوا، والكام بنت اللي عملتلهم كشف عذرية، والكام الف اللي سجنتهم والكام ألف اللي مش لاقيين يأكلوا، والكام مليار اللي مابنعرفش بيروحوا فين".
وقال علي حسين، "الموضوع كله اللى مزعلها إنها شافت حفرة كبيرة اووووى مليانة دم للمصريين".
وأضاف علي إبراهيم: "حسبي الله ونعم الوكيل اية الي مزعله لا ولا حاجة، مزعلها إن واحد زيك ماسك البلد، إللي مزعلها الشهداء اللي ماتوا، اللي مزعلها المعتقلين في السجون ومش ليهم ذنب، ايه اللي مزعلها؟، مستقبل الشباب اللي ضاع وانتا ولا هنا، البنات اللي يخشوا القسم والضباط يقولوا لو مش خدنا اللي احنا عايزينه منكم هتطلعوا حوامل، لا مفيش حاجة مزعلها خالص".