توتة...توتة!! عبد العزيز محمود

لم يكن احد يعرف شيئا عن فحوي هذه المكالمة باستثناء شخص واحد ...
-وحياة عيونك يا باشا لاشتريلك الجورنال ده انشا الله ادفع لك فيه دم قلبي!!! ووعد مني اني اقدمه لجنابك هدية قبل الانتخابات!! بس جنابك تكون راضي !!!
-أما اشوف يا سيكا!!! انا كل اللي يهمني الزعيم وفرقته يغوروا في ستين سلامة ويريحونا من الوش بتاعهم!!!
-وشرف سعادتك لأخفيهم لك في سابع ارض!!! دا انا سيكا والاجر على الله!! بس يا ريت جنابك تبص لنا بعين رضية في الانتخابات اللي جاية!!
وفي اليوم التالي...
-قلت ايه يا عم عبدالسميع؟؟؟ ح تبيع؟؟ والا برضه ح تفكر زي كل مرة!!! انا النوبة دي جاي وشاري وح ادفع لك تلاتين أرنب حتة واحدة!! وح اريحك من وجع القلب بس انت تقول آااه!
-آاااااااااااااااااااااااااااااااااااااااااااااااااااااااااااااااااااااه!!
-خلاص يا سمعة يا حبيبي الف مبروك وعقبال البكاري!!! بكرة بعون الله ح نكتب العقد ونسلمك الارانب بعد اخويا وشريكي وحبيبي انور ما يرجع بالسلامة من بلاد بره !!!!
وبعد توقيع العقد اجتمع سيكا وانور بطاقم التحرير...
-شوفوا يا ولاد احنا ح ندلعكم الدلع اللي عمر اهاليكم ما دلعوهلكم!!! ح نزود المرتبات خمس اضعاف وح ندي كل محرر عربية خصوصي يروح وييجي بيها!! واللي مش متجوز فيكم ح نجوزه!! واللي متجوز ح نجوزه تاني ونشترى له كمان فيلا ع النيل!!
-يارب يخليكم لينا يا سيكا بيه انت وانور بيه وما يحرمنا منكم ابدا !! يا سلام يا ولاد ايه الحلاوة دي !! اخيرا الدنيا ح تفتح لنا دراعاتها بعد الشقا والتعب ووجع القلب!!! ياريتكم كنتوا اشتريتوا الجورنال ده من زمان وريحتونا من عبد السميع الجلدة!!!
وبعد شهر ...
-أنا باقول المقال ده لا يمكن يتنشر ابدا!!!! انا طبعا بأتلكك زي ما انت شايف!!! والمقال ده لا يمكن يتنشر لأنه ح يودينا في داهية!!
-ليه بس يا سيكا بيه ؟؟؟ ده مقال عادي وبعدين سعادتك مالك ومال اللي يتنشر واللي ما يتنشرش؟!! مش انا برضه رئيس التحرير؟؟؟ وانا المسئول قانونا ؟؟!!
-قانون ايه يا ابو قانون!! انت فاكر نفسك بتطلع الجورنال ده في بيتكم؟؟!! انا يا حبة عيني صاحب الجورنال وليا مصالح!!! وبعدين تعالي هنا وقول لي الجورنال اللي انت ماسكه ده بيوزع كام؟!!! دا انتو خسرتونا الشهر الي فات أرنبين بحالهم!!!
-طيب والحل؟؟!! تحب سعادتك نعمل عملية تطوير جديدة!؟؟
-لاااا يا صاحبي!!! مافيش غير انك تورينا عرض كتافك وتتكل على الله ومتشكرين اوي لحد كده!!! واحنا ح نعرف نطلع الجورنال ده بمعرفتنا!!
وفور سماعهم الخبر أضرب المحررون عن العمل ...
-أنا ما حدش يلوي دراعي ابدا!! انا صاحب الجورنال وانا حر ارفد رئيس التحرير واجيب غيره!! ما كله بفلوسي!! وماحدش يناضل على قفايا ابدا!!!
-خلاص واحنا ممتنعين عن الشغل!!! وابقا ورينا ح تطلع الجورنال ده ازاي لو كنت راجل!!
-لاااااااااااااااااا دا انا اطلعه بصباع رجلي الصغير وبكرة تشوفوا !!!
ومع تفاقم الازمة...
-وبعدين يا رجالة الموضوع عمال يكبر وح أخسر الجلد والسقط!! انا باقول اخلع واشيل الشيلة لانور حبيبي وصاحبي!!
-معقولة يا سيكا بيه تخلع دلوقتي.. وانت اللي طابخ الطبخة؟!
-معلهش يا جماعة انا خلاص عملت اللي عليا وزيادة!! بس الموضوع ابتدا يعك !!! وأنا لازم أنفد بجلدي قبل اللي ما يشترى يتفرج!!!!
وفي هذه اللحظة وصل انور...
-تشيل يا عم انور الليلة وتخليك جدع والا ابيع حصتي لحد تاني يقرفك في عيشتك ويناكفك ويطلع عينيك!!! انا بصراحة اليومين الجايين ح اكون مشغول في الانتخابات ومش فاضي لشغل العيال ده!!!
-وماله يا سيكا يا اخويا!!! غالي والطلب رخيص !!! اخلع انت بس منها وشوف انا ح اعمل فيهم ايه !!! وحياتك لامشيهم ع العجين ما يلخبطهوش!!!
وبعد اتمام عملية التخالص اجتمع أنور بيه بطاقم التحرير..
-الجورنال ده ح يطلع ح يطلع!!! بالذوق بالعافية بضرب النار ح يطلع!!! انتو فاهمين والا لأه!!؟؟
- احنا لايمكن نشتغل الا بالطريقة بتاعتنا ومع الناس اللي بنحبهم!!!!ولازم نضمن حقوقنا!!!
-هأأأأأو ده كان زمان وجبر!!! انتو لازم تنسوا الماضي عشان الماضي ده كان كله جراح!!! لازم تفكروا في بكرة وتشوفوا ح تاكلوا وتشربوا وتعيشوا ازاي بعد ما ارفدكم واقطع مرتباتكم !! يا حلوين أنا ما اتخلقش اللي يلوي دراعي !!!!
وفور خروج طاقم التحرير غاضبين...
-تسمح لي يا انور بيه بكلمة مع سعادتك على انفراد ؟؟!!
-نعم يا سي مدبولي عايز ايه انت راخر!! اوعا تكون فاكر بالسهوكة وشغل حلق حوش ح تضحك عليا!! انا يا ابني ما اتخلقش اللي يضحك عليا ابدا!!!
-يا باشا انا مستعد أطلع لك الجورنال من غير ما آخد مليم احمر!!! ايوه ما هو الجورنال ده لازم يستمر!!! وفي الآخر نتفاهم !!!
-طيب وزمايلك المضربين عن العمل دول ح تعمل فيهم ايه؟؟!!
-ولا يكون عندك فكر يا انور بيه!! انا ح اتصرف وبكرة تقول مدبولي ده واد جدع وشهم ومافيش أرجل منه!!!
وبعد ساعتين عقد انور بيه اجتماعا مع مدبولي ورجالته...
-انا عايز يا ولاد صحافة جديدة!!! طبعا انا ما اعرفش حاجة عن الصحافة بس مش مهم!!! مش عايزين البلاوي وحكاوي القهاوي بتاعت زمان!! عايز القاريء يحس وهوه بيقرا الجورنال انه في مدرسة خاصة!!او بياخد درس خصوصي!!!!
-عينينا ليك يا انور بيه!! احنا ح نقلبك الجورنال مدرسة!!! بس جنابك بقا كلك نظر ومفهومية!!
لكن التوزيع واصل الانهيار ...
-وبعدين ف الخازوق ده اللي سابهولي سيكا اخويا وحبيبي وصاحبي!!! انا ما عادش قدامي غير اني ابيع الجورنال واخلص من الخساير ووجع القلب ده !!! هو انا كنت ناقص ؟!!
-بس يا أنور انت ليك شركا في السر لازم تشاورهم!! الأصول بتقول كده!!
وهكذا اتصل انور بيه بشركائه الغامضين....
-انا باقول يا جماعة نبيع الجورنال ونخلص!!! انتو مش متخيلين العكة اللي انا معكوك فيها!!!
-اوعا يا أنور تبيع الجورنال ده مهما حصل!! احنا ما صدقنا انه رسي عليك لوحدك!! الجورنال ده لازم يستمر عشان نلعب بيه جامد في الايام السودة اللي جاية!!!!