أغانى المرشحين تزيح "حليم والست" من السباق

اسلامى أو إخوانى أو ناصرى أو فلول .. الجميع استخدم الدعاية بالأغاني والألحان.. كل على طريقته، وبدلا من سماع المصريين لأغانى الست أم كلثوم وعبدالحليم حافظ، باتت أغانى المرشحين هى المسيطرة على الإعلانات التليفزيونية وسوق اليوتيوب.
وكالعادة لم يتوان شعبان عبد الرحيم، عن مغازلة رئيس الجمهورية القادم ففاجأ المرشح الرئاسى عمرو موسى بأغنية الدعاية الانتخابية "بحب عمرو موسى المخلص الحسيس إن شاء الله هينجح وهو ده الرئيس.. إيه إيه .. وإن شاء الله هينجح وهو ده الرئيس بحب عمرو موسى اكمنوا زينا وبحس أنه صحبى ووحد مننا .. إيه إيه.. بحب عمرو موسى علشان إنسان أصيل وقايلها زمان فى غنوة أنا بكره إسرائيل .. إيه إيه".
فى حين خرج عصام شعبان عبد الرحيم عن طوع والده الذى يدعم موسى ليغنى للفريق أحمد شفيق " الشعب هيطلع ويقولها بأعلى صوت يا أحمد شفيق يا جرىء جدا بنحبك موت اكمنك راجل من يومك وجدع وأصيل لا بتنسى فى يوم انك مصرى ولا تبقى عميل".
كما غنى ألتراس عبد المنعم أبو الفتوح أغنية له على غرار أغانى ألتراس أهلاوى ، " جاين لأبو الفتوح مطوع من كل حتة ثورتنا مش هتروح ومعاه لآخر السكة .. اوووه اوووه نبنى مصر القوية اوووه اوووه مصر بلدنا هنية أبو الفتوح رئيس راجل للفترة دياه علشان وطن يعيش وهيكسب القضية . اوووه اوووه. نبنى مصر القوية" .
كما غنى المطرب الشاب حسن يسرى، أغنية لدعم الدكتور عبد المنعم أبو الفتوح تحمل كلمات " يا مصر مين يستاهل حمل الأمانه تشيليه ده الحمل مش بالساهل وأبو الفتوح أمين عليه".
وشارك ايضاً المطرب أحمد صلاح بأغنية لمحمد المرسى مرشح الرئاسة لحزب الحرية والعدالة فى ماراثون الأغانى الدعاية " الثورة خلاص اتعلمنا .. الحقانى نديلة صوتنا .. بايدنا نحقق نهضتنا واهو مرسى أكيد جاى يسعدنا".
كما شاركت حمله دعم حمدين صباحى بأغنية له " يا مصر امتى هترتاحى الليل مضلم وانا صاحى يا دنيا هلى بصباحى عاوزين رئيسنا الصباحى، راجل و صاحب مبدأ صح مخلص مناضل وطنى و صح هوه اللى قايل كل الصح صعيدى و الله و فلاحى ... لا ساب بلاده و لا باعها و لا عمره فكر يخدعها أفكاره هلت بربيعها جنى ولقيته فى مصباحى" .