أعضاء البرلمان..وألوان الكذب السبعة

الغاية تبرر الوسيلة ... مبدأ أرساه المفكر والفيلسوف الإيطالي ( نيكولا دي برناردو دي ماكيافيلّي ) المولود في 3مايو 1469 م والمتوفي في 21 يونيو 1527م بفلورنسا ) ؛ وميكافيللي بهذا المبدأ دخل تاريخ الفكر الإنساني من أوسع أبوابه ...حيث سجل هذا المبدأ في كتابه ( الأمير ) ...ففتح الباب على مصراعيه لتبرير... القسوة والوحشية في صراع الحكام على السلطة. وكانت أهمية ماكيافيلي التاريخية أنه كان واحدا من أوائل من رؤوا الدولة ( بعين إنسانية) بعيداً عن ( الدين والتدين ) ... واستنبطوا قوانينها من ( العقل والخبرة ) ....وليس من ( اللاهوت) . فقد فصل الدين عن السياسة ....والسياسة عن الدين ...
وأصبح مبدأ ( الغاية ... تبرر الوسيلة ) ... دستوراً ... للسياسيين ..والسياسيات ... الأحياء منهم ... والأموات ...
وعندما تم ( إستيراد) هذا المبدأ في مصر ... عبرت عنه ... مطربة فيلم ( وحوش الميناء ) ...بقولها ....( كداب ونص كلامك كدب )... في حين أن شعبان عبد الرحيم ... المطرب الشعبي ... أختار التعبير عن هذا المبدأ ... بقوله ... ( كداب ... يا خيشة ... كداب أوي ..كنت فاكرك فهلوي ) ...
وحينما جاء ( زلزال ) .. ثورة 25 يناير ... إلى مصر ...أسفرت ( توابعه) ... عن أن بعض السياسيين ...مِمَنْ ..طفوا ... على سطح ... الحياة السياسة ... مؤخراً .......أخذوا المبدأ الميكافيللي ... الناشئ ... بعيدا عن ( الكهنوت ) ....و.. ( جوّدوا ) فيه... تجويداً .... فلم تصبح ( الغاية تبرر الوسيلة ) فقط ... بل تبرر كل شئ ... و...أي شئ ... من أجل الاستيلاء ... على ( تورتة الحكم ) ... وإلتهامها ... وهضمها ...( بالهناء ... والشفاء) ... قبل أن يستيقظ ... الشعب المصري ... من ( أحلام ) ...( الثورة ... العظيمة ) ... ليصطدم ... ب ( واقع ) ...... ( هيمنة ... وسيطرة ) ... فصيل – أو فريق - سياسي ... معين على ... أية ... مجالس ... أو ..... لجان ....سواء أكانت لجان مئوية ... أو أقل من .. ( 100) ..... للسيطرة والهيمنة على أية ...أمور دستورية أو تشريعية أو مصيرية تهم الأمة المصرية .. - بعنصريها ( المسلم والمسيحي )- وبكافة فئاتها ...وتصنيفاتها ...وأجيالها ... على إختلاف مراحلها ..العمرية .. وثقافتها ....وأهوائها ....ومشاربها ... ( على حسابي ) ..
*** كما أنهم لم يكتفوا بأن يكون ( نص الكلام كذب ) .... لأن هذا ينفع ... عند ( وحوش الميناء ) فقط ... أما ( وحوش المدينة ) ...فيمكن أن تزداد ... مساحة الكذب .عندهم .. شوية ... وأحياناً ... شويتين ....فيمكن مرة يكون التلت تربع ... كذب ...ومرة يكون 90% كذب ... ومرة يكون كله كذب في كذب...حسب ...مايحقق أهدافهم ... وغاياتهم المتمثلة ....في....( لهط )....كافة سلطات الدولة ... من ( رأسها ) و(رئيسها ) ... حتى أخمص قدميها ( في المحليات ) .. ومرورا ب (النقابات ) ... و.. ( الإتحادات ) ... وأي شئ ... آت ...
*** ونكاية في ( خيشة ) ... وأهل ( خيشة ) – وفي شعبان عبد الرحيم شخصياً... الذي غنى ل ( خيشة ) فقط .. - لم يسكتوا .. على إحتكار خيشة للكذب .... فجعلو الكذب ...مباح .... ومتاح ....للجميع ....لا فرق في ذلك بين أعجمي وعربي ... إلا ...بقدر ...مايحقق مصالح ( الجماعة ) ...ولا فرق في ذلك .... بين .... ( أمير ) ... و..( نواب الأمير ) ...و لا بين ...الساكتين .....و المتحدثين باسمهم ....
******
وعندما وجدني ... عم غندور ... صاحب مسمط (الظلام والنور ) ... أحدث نفسي ... عن ( كذب الساسة ) .. أخذ بخاطري ..
قائلاً : ولايهمك... شئ ...
- أزاي ... باعم غندور ... ده .. الواحد .. مش عارف ... البلد ديه ... رايحة على فين ..من الكدب ... اللى بنعيشه يومياً .
- ( اعتدل عم غندور على كرسيه .. وقال ) .. تعرف يا أستاذ ... أيام جمهورية مغفلستان .... كانوا عاملين ... قانون للكذب مخصوص لأعضاء البرلمان ... وأحزابهم ...
- ياسلام ... معقول الكلام ده ... ده كان قانون أيه ده ..
- قانون ... ( ألوان ..الكذب ... السبع) ..
- يعني أيه ...مش فاهم ..
- يعني كان مسموح لعضو البرلمان – أو الحزب – بسبع كدبات ... في اليوم ...
- وايه حكاية الألوان .. السبع ..ديه ..
- أقولك ... هي ...(الكدبة البيضة ) والكدبة ( البني ) .. والكدبة .. البنفسجي ) والكدبة ... ( الحمرا )...والكدبة ... ( البمبي ) ... والكدبة (الرصاصي )... والكدبة (السودة) ..
- يا سلام ... يا أخي .. وأيه الفرق بين ...كل كدبة ..
- - فرق كبير ... ( الكدبة البيضة) ... ميعادها ... قبل الفطار .. أو بعده ... لغاية ... الساعة 12 نهاراً ... وديه بتبقي بسيطة ...
- زي أيه يعني ...
- يعني ممكن ... يقولك ... عضو برلمان أو عضو حزب – أحنا ... مش ناويين .. نرشح .. أكتر من 30% في البرلمان ... وتفاجأ ... بأنهم نزلوا لينافسوا على ضعف الرقم ده ... أو مثلا يقولولك أحنا مش هنزل .. حد في انتخابات الرئاسة ... ويكونوا ناويين ... يا أما يرشحوا حد ... يبقي لمؤاخذة ... (..أرا .. أرا.. ... ارا .. أيه .. أراجوز ).. فيكون مجرد .. وجه خارجي للرئاسة ...... ويكون نائبه ... ( أشطر منه ) .. في إدارة شؤون البلاد .. فيبقي .. نائب الرئيس ...هو ... الرئيس الفعلي للبلاد ... وبعدين ينزلوا ... ( النائب ) في إنتخابات الرئاسة اللي جاية ... و..... ( الشاطر )...هو اللي .. يكسب . ... أو ناويين ينزلوا ... عضو (شاطر ) .. لانتخابات الرئاسة ..
- ( شاطر ) ... أيه ... ياعم سيبك من الأسامي ... هو .. أحنا .. خلصنا ... من طقم .. ( الشريف ) ... و .. ( النظيف ) ... و.. ( الغالي ) ... تقوللي ... نجيب طقم ( الشاطر ) ... و.. ( الفهلوي )... .. و .. ( الحرِّك ) ... ( أبو حركات ) ....... ياعم غندور .. خلينا في موضوعنا .. أيه حكاية ..الكدبة ( البني) ...
- الكدبة ديه ... بيكون ...مسموح بيها ... وقت الغدا ...يعني ...من الساعة .. ( 12) ... لغاية الساعة 3 نهاراً ...
- - وديه زي أيه ...
- أقولك .. زي أيه .....مثلاً .. نائب ... يكون عايز ( يتجمل ) .. يقوم عامل عملية .. تجميلية ... ويدعي ... أنه .. ضحية ... للبلطجية .. والبلطجية .. ماشفوش خلقة حضرته ... لا قبل العملية التجميلية .. و لا بعدها .. أو نائب عايز يعمل ( شو إعلامي) ....يعمل حادثة عادية ... يقوم ... يعملها ... حادث سياسي ..تم لاغتياله سياسياً...
- آمال الكدبة البنفسجي .. بتبقي أزاي ؟..
- الكدبة البنفسجي ... بتكون ... من الساعة 3 لغاية الساعة 6 .. بالنهار ... وديه زي ... مثلاً .. يقولك ... عايزين ننتخب لجنة ... لعمل دستور للبلاد ... يقوم أعضاء البرلماني الأسبرطي ... يصروا ... على أن تكون اللجنة ( منهم فيهم) ...... تطبيقاً لمبدأ.. ( فيها.. لا اخفيها ) ...
- أزاي يعني .. هم .. ينتخبوا أنفسهم ...
- أه .. ينتخبوا .. نص اللجنة ( مثلاً ) .. من أعضاء البرلمان...والنص التاني ... قرايب وحبايب ... أعضاء البرلمان ... اللى مدخلوش اللجنة ... يعني ... نص برلماني .. ( أصيل) ... ونص برلماني ... عن طريق ... ( وكلاء حصريين ) ... بس كانوا بيشترطوا .. على النص اللى جاي من بره .. البرلمان ... يجيب وردة بنفسج .. كل يوم للعضو اللى زقه .. جوه اللجنة ..
- أه... عشان كده .. سموا الكدب ده بنفسجي ..آمال الكدب ... الرصاصي .. زي أيه يعني ....؟ ..
- (الرصاصي) ... ده ...بيكون من الساعة 6 مساءً لغاية ... 9 مساءً .. وده كانت سبب تسميته .. أنه كان فيه عضو ... مُغرم .. بالرصاص والخراطيش .. كان دايماً .. يجيب معاه .. رصاصة أو خرطوش .. وهو جاي البرلمان .... ويحكي حواديت ... محصلتشي .. في الواقع ... بل تخيلها هو ... أو....فبركها ...بطريقته ...
- والكدبة السودا ... بتكون أزاي ؟
- الكدبة السودة ... بتكون ... في أي الانتخابات ... والاستفتاءات ... وديه بتكون ... عبارة عن .... ( صكوك غفران ) .. يتم توزيعها على الناخبين ... بمعرفة المرشحين ... فيعشموا الناخبين .. بأنهم ( سيكونوا من ( أهل الجنة ) ... إذا ... أنتخبوا العضو الفلاني ... أو إذا ... (وافقوا )... على الاستفتاء ..العلاني ... وأحياناً ... يقولوا للناخبين ... ( صوتك ... صدقة جارية ) إذا إنتخبت فلان ... ويكون ( سيئة جارية ) ... لو أنتخبت الكفرة بتوع ... الديمقراطية ... والعياذ بالله ..
- آمال الكدبة الحمرا ... .بتكون أزاي ؟.
- ديه ... بتكون ... في ... أي وقت ... في السنة ... مسموح بيها لعضو البرلماني .. الأسبرطي ... فمثلاً ... يكون ... العضو ... مايعرقش اللغة الألمانية .. أو ( اللغة الأنجليزية) ... يقوم يعمل .. قانون ( بإعدام) .. كل من يتحدث اللغة الألمانية .. أو الأنجليزية ..
- ياخبر ..إعدام ....ياسلام ...( تناولت رشفة قهوة من أمامي .. ثم قلت ) ...طيب ... الكدبة البمبي .. بتكون أزاي ؟
- الكدبة البمبي بتكون.. طوال السنة ..برضه .. عبارة عن إستخدام ألفاظ مطاطة ... تسمح .. بتفسيرها بجميع المقاسات ... على حسب الطلب .. وديه مسموح بيها لكل عضو برلمان .. وليه .. أن يستخدمها .. في تصريحاته .. أو تعليقاته.. أو مشروعات القوانين المقدمة.. ...ومن حقه .. أن يتم .. إعتماد .. مائة كلمة مطاطة له ... خلال الدورة البرلمانية ..
- يا سلام .. زي ايه الكلمات المطاطة ..ديه ... زي عبارة ( تكدير السلم العام ) ... و(زعزعة الإقتصاد الوطنى) .... و ( قرايفة ... السلطة العامة ) .. و.. ( عكننة مزاج ..أهل السلطة )..... ( وأعتدل عم غندر .. في جلسته .. وقال ) .. خد بالك كمان .. أن من حق العضو أن يختار تفسير .. معين للكلمة المطاطة ... ويعتبر .. أن ده التفسير الوحيد الصحيح للكلمة .. المذكورة ..
- أزاي يعني ؟
- يعني مثلا ... لما يقولك النص ( إنتخبوا لجنة لوضع الدستور ) .. فمن حق العضو ... أن يقولك ...الإنتخاب معناه .. أننا ننتخب بعضنا ... مع بعضنا ..... يعني .. يبقي .. (الناخبين ) هم في نفس الوقت ( المرشحين ) للإنتخاب ..
- يعني ... الناخبين والمنتخبين ..أيد واحدة ..
- بالظبط كده ....
- طيب ... ياعم غندور ...القانون ده ... بتاع ( ألوان الكذب السبع ) ... ينفع يتعمل عندنا ...
- أه .. ممكن بس ...يبقي... مسموح للعضو ....سبع ... كدبات ... من كل لون ...خلال اليوم الواحد ...وسبعة ألاف كدبة ... في غير إدوار .. أنعقاد البرلمان...
- ده .. على أساس .. أنه .... في غير أدوار الإنعقاد ... بيقابل ... الجماهير كتير ..
****
وأنت – ياعزيزي القارئ – أيه .. رأيك .. مش برضه ... سبع كدبات في اليوم .. لعضو البرلمان ... وسبعة آلاف كدبة .. في غير أدوار الإنعقاد ... ماشية مع حضارتنا ... ذات السبع آلاف ربيعاً...
• أستاذ القانون الجنائي ورئيس قسم القانون العام - كلية الشريعة والقانون بطنطا - والمحامي أمام محكمة النقض والإدارية العليا والدستورية العليا
meladely2007@yahoo.com
meladely2010@hotmail.com
meladely@gmail.com
http://dreladly.com