مروة عبد المنعم تكشف تفاصيل تعرصها لسرقة مالية

كشفت الفنانة مروة عبد المنعم عن تعرضها لعملية سرقة مالية، بعد سحب مبلغ كبير من بطاقة المشتريات الخاصة بها، رغم احتفاظها بالبطاقة وعدم استخدامها فى أى معاملات خلال الفترة الأخيرة، ما أثار حالة من الجدل والتساؤلات حول كيفية حدوث الواقعة.

تفاصيل سرقة مروة عبد المنعم
كتبت مروة عبد المنعم عبر حسابها على "فيس بوك": "أنا في مشكلة ومحتاجة أهل الخبرة يفيدوني، أنا دلوقتي اتعرضت لعملية سرقة.. اكتشفت إن فيه حد سحب مبلغ كبير من فيزة المشتريات بتاعتي.. والغريب إن الفيزا معايا، اتفاجئت بالبنك بيتصل بيا بيسألني لو عايزة أقسط المبلغ اللي اتسحب.. قولتله أنا مسحبتش حاجة".
وتابعت: "البنك أكدلي إن فيه مبلغ اتسحب من الفيزا.. فعملت شكوى ووقفت الكارت، دلوقتي المفروض أعمل إيه عشان أعرف عملية السرقة دي حصلت إزاي .. وإزاي ممكن حاجة زي دي تحصل والكارت معايا وما فيش حتي otp جالي، البنك عايزني أسد المبلغ وأنا عايزة أثبت إني ما سحبتش المبلغ ده، حد يفهمني إيه الإجراء اللي ممكن أعمله".
وكانت الفنانة مروة عبد المنعم صرحت من قبل أنها تطلب من الله أن تعود للعمل فى الفن مرة أخرى، بعد أن قل الطلب عليها فى الآونة الأخيرة، وقالت مروة خلال تصريحاتها خلال أحد اللقاءات التليفزيونية، أنها تتحدث مع الله سبحانه وتعالى، وتدعوه بأن يرزقها بأعمال فى مجال التمثيل، مؤكدة أنها راضية بحكمه.
وقالت مروة عبد المنعم: "أنا بتكلم مع ربنا وبقوله يارب يعنى أنا نفسى أشتغل طيب أنت ليه حببتنى فى الفن؟ ما أنت اللي اديتنى الموهبة دى".
تابعت: "طيب أنت مش عايزني أشتغل؟ طيب أنا راضية أنا مش معترضة على حكمك، أنا بجتهد يارب إني أبقى راضية بس أنا نفسي أمثل".