زوجة مالك عدلي: «زوجي يتعرض لتعذيب»

استنكرت أسماء علي، زوجة المحامي الحقوقي مالك عدلي، عضو هيئة الدفاع في قضية "تيران وصنافير"، ما يحدث لزوجها في محبسه من تعذيب نفسي وجسدي، لافتة إلى أنه محبوس في زنزانة منفردة 2 متر في 3.
وقالت علي، في تدوينة لها على موقع التواصل الاجتماعي "فيس بوك"، "كنا عند مالك النهاردة معنوياته أحسن طبعًا حالته الصحية بتردي فعلًا, مالك النهاردة بقاله أكتر من 50 يومًا محبوس انفرادي في زنزانة ضيقة اتنين في تلاتة متر، بقى عنده مشكلة حقيقية في ضهره من النوم على الأرض، كمان بقى نومه قليل جدًا".
وتابعت: "عنده مشاكل في المفاصل من عدم الحركة، مش مسمحوله أبدًا يخرج بره الزنزانة، ممنوع عنه الجرايد تمامًا ومؤخرًا كل الكتب، ممنوع الراديو الموجة واحدة, عايزين مالك يتعزل تمامًا عن كل حاجة، مالك محروم من كل الحقوق الطبيعية للمساجين حسب لائحة السجن، تريض ساعتين في اليوم زيارة الجامع والمكتبة سرير أو مرتبة، بالرغم من كل التنكيل مالك صامد وجدع، والداخلية خصم خسيس".