«لن تعوضي العشرة يا أم ياسين».. فريدة سيف النصر توجه رسالة ل مها الصغير

وجهت الفنانة فريدة سيف النصر رسالة عتاب لكل من الفنان أحمد السقا وطليقته الإعلامية مها الصغير، بعد تصدر اسمهما مواقع التواصل الاجتماعي مجددًا بشأن تحريرها محضر تعدي بالضرب والسب من طليقها، ذلك بعد الانفصال الذي تم مؤخرًا.
وجاءت هذه الرسالة رغم إبداء فريدة سيف النصر غضبها من صناع مسلسل «العتاولة» الجزء الأول الذي جمعها ب السقا وإنهاء شخصية «سترة» والدة العتاولة في تصريحات سابقة لها، إلا أنها أكدت علاقتها الطيبة ببطل المسلسل أحمد السقا واصفة إياه بأنه «أبوالجدعنة»، ولم تعنوّن فريدة سيف النصر رسالتها عبر حسابها الشخصي باسم أحمد السقا أو باسم زوجته مها الصغير، واكتفت بتوجيهها إلى «أبو ياسين» و«أم ياسين» نسبة إلى ياسين السقا النجل الأكبر للسقا ومها الصغير.
تفاصيل رسالة فريدة سيف النصر ل مها الصغير
وكتبت فريدة سيف النصر عبر حسابها الرسمي على فيسبوك: «رساله لأبوياسين ..مش قادره ماتكلمش، هي بتحبني جدا وعزمتني قبل ماينفصلوا بعد موقف العمل اللي كان مكسر الدنيا للبيت وأنا وعدتها في أقرب فرصة.. وارسلت لي استضافة للبرنامج معها واعتذرت للمعدة.. من الكلام حسيت أن هناك شئ ما بالجو وكنت أيامها في مشكلة إنهاء عملي معاه وحسيت أن الموضوع مش تمام وضده.. لم أحب أن يسألني أحد مقرب له عنه وعما حدث.. الذي حدث بالعمل الله أعلم بنوايا الجميع وأنا مسامحة ما أعلمه وما لا أعلمه وما لا يعلمه إلا الله.. الحياه ليست بها شئ مهم يستاهل العداوه والمشاكل».
وأضافت: «من عشرتي معه والتعامل الظاهر لي أنا أحبه ومش زعلانة على أي شيء سوي ما يحدث الأن له، هو خلوق لا يمكن ينفعل بهذا الشكل إلا إذا كان حدث جلل يمس ابناؤه عشقه الوحيد.. ويحاول أن يعدل تفكيرها من أجل أولادها الرجال.. أنا ست مش لازم أدافع لمجرد أنها ست، مثلا أنا عملت حساب ابني وهو ما زال طفل واحترمت رجولته قبل أن تكتمل وأنا في عز عزي.. مش لازم تكون زيي باضرب مثل هي قدرات.. ولكن أنا أدوس على حياتي كلها وولاد تعبنا فيهم وطلعناهم محترمين ومتربيين.. منتهي التسرع.. والعقد التي لا تنحل إلا لنفسي فقط ومن بعدها الطوفان غلط.. واللي يقول لها حقك بيضرها واللي يقول انت صح لو فعلا مد أيده برضه غلطانين وخرابين بيوت».
واستكملت: «أولا لن تعوضي العشرة مهما كانت وكونك تتحملي كل هذه السنوات معناه أن حلوها كان أكتر من مرها ولا ايه؟ وكنتي بتراسليني في رحلة علاجك في لندن وكان معاكي ورجع الشغل ليه كده، وكأنك لما اشتغلتي ياحبيبتي ملكتي الدنيا في اعتقادك ببرنامج هو من دعمه لك.. وتركتي الحقيقية وراؤك مع حلم زائف أيضا وما يأتي سريعا يذهب سريعا.. الله لا يسامح اللي بيقوكي، زوجك محترم ورجل وابو ولادك.. وهو لا ينفعل هكذا إلا بسبب قوي جدا، لن يفصح عنه احتمال كرامة لأولادكم الرجال.. السر عنده هو.. وانتي كمان محترمه فا ماينفعش كده».
وأردفت فريدة سيف النصر: «حمدت الله اني لم أقبل دعوتك ولا استضافتك ليس لشئ أخلاقيا لا سمح الله انتي متربيه كويس جدا فا لو لم تكوني محترمه ما ارتبط بكي وانتي لا تملكي خبرة معرفة الناس تجربتك لم تتخطي بيتك وزوجك وولادك أنا عارفه باقول ايه هوعارفك وحافظك وخائف عليكي، أنا مش بهاجمك لكن بعد ماكنت بتكلميني على طول ومفروض عيد جوازكم قرب مش عيد طلاقكم.. أنا رافضه انفصال ناس حلوه زي برضه اتنين بحبهم وكتبت لهم، وفجاه بقيتي ما بترديش وكانك محاصرة والمثل بيقول يا بخت من بكاني وبكا عليا ولا ضحكني وضحك الناس عليا والإنسان لما يعزل من مكان بيروح لأحسن منه.. كبرتم سوا أهم ما في الحياة حضن فلذات الكبد ويوم فرحهم تبقي معاهم».
وأضافت: «ورجاءا استحلف بالله جماهيرنا الطيبه المحترمه كفاية تعليقات سيئه ارجو من اللي بيهاجموه يحطوا نفسهم مكانه هو بيتخانق مش علشانه علشان الرجاله ولاده أنا متأكده.. لانه على شوفة عيني الف من تتمسح به وتتمني أن تأخذه منهم ولكنه محترم نفسه رأيت بعيني عشرة تصوير شهور خارج مصر وحقيقي نجم ومحترم بكل تصرفاته لم نسمع عن أي علاقة خطأ. أنا بحبه وعمر قلبي ما غلط.. أحبه لانه يخاف الله فيكم وانتي والولاد جئتم له كان فرحان.. لايقصر في شئ.. أنا هنا اتكلم لله سبحانه وتعالي.. ممكن يكون بينكم شئ لا نعلمه لكن الدنيا ميزان.. ربنا بيحاسبنا كده، كفة ايه تطب اكتر.. أكيد حسناته لاني تاني باقول اللي خلاكم تعيشوا كل العمر ده وتخلفي منه تاني وتالت أن الكويس اكتر من الوحش«.
وتابعت: «كلنا بنتعصب نتخانق لكن القلوب البيضاء بتصفي.. تتخانقوا وتررجعوا لكن المره دي واضح أن في ايد شيطانية سحبتك لورا بعيد عن مملكتك ومكانتك خساره.. وأما الاولاد لن تعوضي ظفرهم ها تجيبي عمر منين قد اللي مضي.. وبنت عروسة كان مفروض تكوني بتجهزي نفسك لزواج أي منهم.. اعملي اللي تعمليه نصيحة اخت كبيره ومقدره حبك لي.. ولكن من حبي لكي لن اجاملك كنت عايزه اقول لك لكن مابترديش جديد ده بعد ما انتي اللي كنتي بتتواصلي واخيرا..غير مقبول أن تصلوا لمحاضر شرطه كان ممكن قعده عائليه ليه كده».
ووجهت فريدة رسالة إلى مها الصغير قائلة: «عيب يا أم ياسين الغالي لو تأذيتي كان يبقي في تقرير طبي لأن ضرب الجدع أبوالرجولة مش سهل تبقي فيكي حيل للجري عالقسم، حسبي الله في اللي عمالين يسخنوا من الجهتين، استحلفكم بالله والعشره والولاد اللي زي الفل كفايه كده.. ولحبايبنا اللي بيعلقوا بالتجريح.. ده حبيبكم حطوا نفسكم مكانه واعملوا حساب ولاده وموقفهم دوول رجاله والعروسه القمر ناديه ..بجد كتير عليه كده.. وانتي يا غاليه بعتي حاجات ما تتعوضش ب ولا حاجه خايفه عليكي، وانت اسمع كلام ام الرجاله.. من اشترانا بالروح اشتريناه ومن باعنا بعناه ويحرم علينا اجتماعه، ولو مددبت ايدك يبقي غلط.. وأنا كلامي معاك لاني باحس كويس أوي بالشفافيه اللي كلكم عارفينها عني الحمد لله.. والله لا يسامح اللي ورا كل الحرب دي.. وربنا معاك بجد وانتي ربنا معاكي ويقويكي على نفسك.. النفس اماره بالسوء«.
واختتمت: «ناس هاتقول حقها.. ماشي لا التوقيت صح ولا هي صغيره على التسرع ونسيان اتنين رجالة وعروسة وأبوهم أبو الرجولة.. ده رأيي وفي الحق لا أخشي لومة لائم سنحاسب على كلمة حق نكتمها... وشكرا لكل محترم يعلق بأدب.. وقلة الأدب بلوك لنفسكم مافيش وقت لتشجيع الناس على خراب البيوت واللي جاي مش قد اللي راح شوفنا أي حد اتجوز اصغر منه وهو كبير نزوه وبتعدي، وربنا يهدي الأحوال ونشوف صلح.. ولا يتخرب بيت ابدا يارب».
اقرأ أيضًا:
«فين رقابتك؟».. فريدة سيف النصر توجه رسالة ل نقيب الممثلين بعد ظهور فنانين في «لايفات تيك توك»
بعد وصفها ب «السامة».. رد ناري من فريدة سيف النصر على مخرج «العتاولة»