«رد على كل الناس العين عليك».. رسائل نارية من إبراهيم سعيد ل إمام عاشور

وجه إبراهيم سعيد، نجم الزمالك ومنتخب مصر السابق، رسائل نارية إلى إمام عاشور، لاعب خط وسط الفريق الأول لكرة القدم بالنادي الأهلي، بسبب تراجع مستواه الفني.
وقال إبراهيم سعيد، في تصريحات تليفزيونية عبر فضائية «النهار»: «إمام عاشور، من اللعيبة اللي بحبها جدًا، وهو بعيد عن مستواه منذ فترة، ولكن ممكن يكون انشغل شوية ممكن يكون يعاني من الاجهاد».
وأضاف: «أنا حابب أوصل رسالة لإمام عاشور، العين عليك من كل جماهير الكرة المصرية بمختلف انتمائها، جمهور الأهلي عايزك تبقى أفضل من كده بكتير، عايزك تحقق نجاحات عايزك تحقق نتائج وتسجل أهداف ويبقى ليك دور إيجابي مع الفريق».
وتابع: «في كلام كتير جدًا على إمام عاشور، مفيش يوم بيعدي وإلا لما حد يتكلم عليه إما بإشاعات أو مشكلة ويقولوا الكابتن خالد بيبو، (مدير الكرة بالأهلي)، دخل عليه لاقاه ماسك التليفون وعليه علم الزمالك، الكلام ده بيأثر على اللاعب»
وواصل: «إمام عاشور، منذ انضمامه للأهلي حقق بطولات مع الفريق، الجمهور بيحبك وابتدى يثق فيك ومجلس الإدارة بيثق فيك حتى زملائك في الملعب بيثقوا فيك، كل الأجواء دي بتخليك تبقى أفضل وتساعدك على النجاح».
وأكمل: «معاك قاعدة جماهيرية ومعاك اسم النادي الأهلي والبطولات اللي حصلت عليها، خلاص بقى سد ودانك وكمل».
وأتم: «أتمنى إمام عاشور، يستعيد مستواه الفني سريعًا، ويرد على كل الناس اللي بتتكلم عليه، طول ما أنت كويس في الملعب ده قوة ليك وبيخلي الكلام عليك يقل شوية»