ميدو يفتح النار على محمد عبد المنعم ويطالب الأهلي بعرضه على طبيب نفسي

فتح أحمد حسام «ميدو»،نجم الزمالك السابق، النار على محمد عبدالمنعم، مدافع الفريق الأول لكرة القدم بالنادي الأهلي، وذلك بسبب احتفاله المثير بهدفه في مرمى مازيمبي الكونغولي، في بطولة دوري أبطال أفريقيا.
كان محمد عبدالمنعم، أحرز الهدف الأول للأهلي ألأمام مازيمبي الكونغولي، في المباراة التي أقيمت بينهما الجمعة الماضي، على استاد القاهرة، في إياب نصف نهائي دوري أبطال أفريقيا، والتي انتهت بفوز الفقريق الأحمر بثلاثية نظيفة.
واحتفل عبدالمنعم، بهدفه بطريقة اعتبرها البعض غير لائقة، مما أثار موجة من الانتقادات على مواقع التواصل الاجتماعي. وأكد اللاعب أنه لم يقصد توجيه أي إساءة لأحد، موضحًا: «تعرضت لكدمة قوية أسفل عضلات البطن. وشعرت إنه حصل جلط للجلد وفيه دم بينزف وبشكل تلقائي ونتيجة لشعوري بالألم تصرفت».
وقال ميدو، في تصريحات تلفزيونية عبر فضائية «المحور»: «أنا بحاول أفهم إيه اللي يخليك وأنت جايب جون في ماتش مهم ومفروض دي أسعد لحظات حياتك إنك تفتح الشورت وتبص جوه! إيه الحاجة اللي يتفكر فيها تخليك تفتح الشورت بعد ما تجيب جون! إيه اللي خلاك تفكر في كده».
وأضاف: «أنا مش قادر أفهم، هل الجيل ده كان بياكل حاجة وهو صغير غير اللي جيلنا كان بياكلها، المياة فيها حاجة، أنا مش قادر افهم! بطنك ايه اللي كانت وجاعك، يعني هل في لعيب كان متعور في ركبته قبل كده بعد ما يجيب جون هيبوس ركبته؟».
وتابع: «الأقبح من طريقة الاحتفال العذر اللي طلع بيه محمد عبدالمنعم، معرفش إيه الحالة النفسية إللي تخلي لعيب يعمل كده،أنا لا أطالب بعقابه ولا أحب الأذى لحد».
وأكمل؛ «أنا لو بشتغل في ملف كرة القدم بالنادي الأهلي لازم أعرض محمد عبدالمنعم، على أخصائي نفسي، لأن لا يمكن لعيب بيفكر بطريقة عادية اللي هو عنده توازن في أفكاره يبقى ده رد فعله بعد ما يسجل هدف يفتح الشورت، لا يمكن يكون ده تفكير طبيعي أنا مشوفتهاش قبل كده».
وأردف: «محمد عبدالمنعم، لاعب كويس لكن بكل صراحة وده باين في أسلوب لعبه وطريقة كلامه مع المنافسين شايف نفسه أوي عنده حتة (عظمة)، زي تيري هنيري، لما كان في آرسنال، (أنا أجمد منكم كلكم أنتوا ولا حاجة)، لكن مش عبدالمنعم، اللي يلعب بالأتيتيود ده مع احترامي الكبير ليه، مش عاجبه حد في الملعب ويكلم الناس بأنافه أنا مش فاهم ليه!».
وزاد: «عبدالمنعم، مدافع كويس وله مستقبل وبيلعب في منتخب مصر عشان مفيش مدافعين في مصر، لأول مرة في التاريخ مصر تعاني من أزمة في الدفاع».