«ساعات بتهرب منه».. شوبير يعلق على اعتراض الأهلي والزمالك على إبراهيم نور الدين

علق الإعلامي أحمد شوبير حارس مرمى الأهلي ومنتخب مصر السابق على اعتراض قطبي القمة الأهلي والزمالك على تعيين الحكم الدولي إبراهيم نور الدين حكما لمباراة القمة اليوم بين الأهلي والزمالك.
موعد مباراة الأهلي والزمالك اليوم الاثنين
ويواجه الأهلي نظيره الزمالك الساعة 7:00 مساء اليوم الاثنين 15 أبريل 2023 ضمن مؤجلات الجولة العاشرة من بطولة الدوري المصري الممتاز.
وقال أحمد شوبير في تصريحات إذاعية: «إبراهيم نور الدين محير الدنيا كلها من ساعة ما قالوا إنه هيكون حكم مباراة القمة والدنيا مقلوبة، وده يقول وده يعيد عارفين أغنية عبدالحليم الرفاق حائرون يتساءلون هو كده، بس خلينا ناخدها بالبلدي هو إبراهيم نور الدين همه أيه إنه يطلع أحسن واحد في المباراة، ومحموعة الحكام أكيد عايزين يبقوا أحسن حد في الملعب».
وتابع شوبير: «كمان القرارات المصيرية في المباراة مش شايف إن فيه تقنية فيديو فار ورقيب ورا الحكم يعني لو حسب بنالتي على الأهلي أو الزمالك ومش سليم مش الفيديو هيقول له لأ تعالى شوف».
وأوضح شوبير: «هتقول لي ما فيه فاولات في النص وتأثير على اللعب أنا على عكس الجميع وبقول لكم إبراهيم نور الدين هيعمل ماتش كويس وهو كحكم حكم كويس جدا لكن ساعات بتهرب منه وأحيانا بيبقى مش موفق وبعدين هو عارف إن الملايين بتابع وعايز يكون محل إشادة الجميع».
وأضاف شوبير: «كمان موضوع اعتزال إبراهيم نور الدين ويطلع محمد فاروق يقول لك لا لاعتزال إبراهيم نور الدين لا تعتزل لا تعتزل.. ناقص نعملها له أغنية لو الحكم وقته خلص خلاص يمشي ومفيش حاجة اسمها سن 45 سنة ده الفيفا لغى الموضوع ده».
واختتم شوبير:«وخلي بالك بيريرا رئيس لجنة الحكام هو اللي اختار إبراهيم نور الدين وفقا لكلام مسؤولي اتحاد الكرة ولو أجاد إبراهيم نور الدين هيقولوا شوفوا اختياراتي ولو لا قدر الله قدم مباراة سيئة هيقول لك اختياراتي مدمرة حياتي.. عموما ابراهيم نور الدين حكم كويس بس جات له فترة مكانش فيها توفيق».