محمد صلاح العزب: لا أوجه رسائل في «سفاح الجيزة».. ولابد من تخفيف «باكدج» الطيبة عند المصريين

قال الكاتب محمد صلاح العزب إنه قصد في مسلسل سفاح الجيزة أن لا يوجه رسالة في العمل ولكنه يوضح خطًا لمعتقدات عن المصريين في تفاصيل الأشخاص، مشيرًا إلى أنه الناس تؤمن بأن الذي يحب الحيوانات مستحيل يظلم البني أدمين وأن الذي يقبل يد والدته يكون عريس لقطة.
وأضاف صلاح العزب عبر «فيس بوك»: «عشان نبقى متفقين على حاجة أنا مبحبش الرسايل في المسلسلات والأفلام واللي هقوله ده مش رسالة ولا هدف، بس أنا كاتب لكم مسلسل سفاح الجيزة ونفسي الناس تبطل تقول إن اللي بيشرب شاي بلبن يبقى طيب، واللي بيشغل قرآن ده متدين ونآمن له، والشاطر لا بينفسن ولا بياكل حق حد، واللي بيبوس إيد أمه يبقى عريس لقطة».
وتابع: «واللي بيحب الحيوانات مستحيل يظلم البني آدمين، وباكيدج الطيبة المصرية الفطرية الجميل ده يخف شوية، لو الحكاية دي نفعت يبقى الواحد أدى المش رسالته في المسلسل ويقدر يكتب فيلم وهو مرتاح».
مسلسل سفاح الجيزة بطولة أحمد فهمي وباسم سمرة وركين سعد وحنان يوسف وميمي جمال وصلاح عبدالله وداليا شوقي وتأليف محمد صلاح العزب وإخراج هادي الباجوري.