اينو يوضح حقيقة هجومه على الزمالك وشيكابالا «فيديو»

نفي معتز إينو، لاعب الزمالك والاهلي السابق، التصريحات التي انتشرت خلال الايام الماضية والتي تسيء لنادي الزمالك، ولقائد الفريق الكروي الاول بالقلعة البيضاء، محمود عبدالرازق شيكابالا.
وخلال الايام الماضية تداولت بعض وسائل الاعلام، والعديد من الجماهير عبر مواقع التواصل الاجتماعي، تصريحات منسوبة لمعتز إينو عن طريق حساب يحمل إسمه على موقع التواصل الإجتماعي «تويتر»، وتسيء هذه التصريحات للقلعة البيضاء ولشيكابالا قائد الفريق، وتسخر من فرحة جمهور الزمالك عقب التتويج ببطولة الدوري العام.
وقال معتز إينو، من خلال فيديو عبر الصفحة الشخصية له على موقع التواصل الاجتماعي «فيسبوك»، «الناس اللي تعرفني عارفين اني مش بحب اطلع واعمل فيديوهات لكن حان الوقت اني اطلع واوضح حاجات كتيرة، الدنيا قايمة عليا وكل الناس عمالة تتكلم أن اينو بيهاجم جمهور الزمالك ونادي الزمالك وشيكابالا، انا عايز اوضح حاجة، انا معنديش أي اكونت على تويتر خالص، ده واحد مريض نفسيا هو اللي عامل اكونت بأسمي وحاطط صورتي وعمال ينزل كلام فارغ وكلام مالهوش أي اساس من الصحة، انا طالع علشان اوضح اني ماليش غير صفحتي على فيسبوك في خلال اسبوع هيتم توثيقها، ف أي حاجة تتكلم مش على لساني خالص والله العظيم ولا اقدر اتكلم على زميل ملاعب ليا، شيكابالا نجم كبير وجمهور الزمالك على راسي من فوق وجمهور النادي الاهلي على راسي من فوق، وانا قبل ما احترم أي حد بحترم نفسي في الاول انا راجل متربي والناس كلها عارفة معتز اينو متربي ازاي وكل دول زملاء ملاعب».
واضاف، «اللي مزعلني اكتر أن كابتن خالد الغتدور وكابتن تامر عبدالحميد وناس كبيرة وناس كباتن ليا، المفروض انهم عارفين شخصية معتز اينو وتربية معتز اينو، هما بيتكلموا أو بيردوا وخلاص، على الاقل واجب على كل الكباتن اللي بتهاجمني، ترفع السماعة عليا وتقولي يا اينو ايه اللي حصل وساعتها هتعرف أن انا على حق»