«يا حلوة ليه؟»

يا حلوة ليه خيرك ملاه الدود؟ والعسل ساده.. العدل ليه فيكى طريق مسدود والظلم بزيادة. القهر ماليكى وماله حدود والويل بقى عادة.. يا حلوة مين عجزك؟ ما كنتى ولادة.. مين بالسموم نغزك؟ وسكنتى فى عيادة.. لا طبيب قدر ينقذك والجرح ليه اتمادى؟.. يا حلوة ليه شعرك بقى معقود والشيبة فيه طافت.. فين لما كان سارح طويل ممدود ليه حنته ما فاحت؟.. اشتقت أنا بسمتك قولى لها تعود.. لأ ماتقوليش ماتت مين هدها اتكلمى؟ قولى أنا موجود.. لا لا صحيح ما أنا مت يوم حط خصرك سود.. غربان كتير قربوا نهشوكى ياما عقود.. فضلوا كتير ينقروا رعب وأذى وجحود.. زمن الضعاف يكبروا ياكلوا ف لحم الجدود.. يا حلوه فين طرحك؟.. فين إيدك اللى كان ساكنها الجود.. فين ودت العادة مستنى أنا فرحك.