بالفيديو.. مشادة على الهواء بين مدرس وطلابه بسبب «حمام وسمك بوري»

دخل طالبان من مدرسة الحامول الثانوية، والتي شهدت تحويل 20 مدرسًا للنيابة الإدارية لاتهامهم بالتلاعب في أوراق إجابات 40 طالبًا، في مشادة مع مدرسهم متهمينه بأخذ أموال ورشاوى حمام وسمك بوري.
وحل الطالبان ضيوفًا على الإعلامي وائل الإبراشي في برنامجه «العاشرة مساءً» فيما دخل المدرس، طارق سعدة، عبر الهاتف.
ورد المدرس على الاتهامات قائلًا: «الطلبة قدامك بتقول الأستاذ طارق مرداش ياخد منهم فلوس»، ليرد الطلاب: «بس خدت من ناس تانية»، ليرد مجددًا المدرس: «أنا أغنى من الحاجات دي كلها وأرقى من الحاجات دي كلها لأن أنا الحمد لله مش محتاج من حد حاجة».
ووجه أحد الطلاب سؤالًا للأستاذ قائلًا: «طيب يا أستاذ طارق دلوقتي أنت مأخدتش مثلًا من الطالب محمد ربيع ومحمد طارق حمام؟ وبتوصيهم من أول يوم في الدرس إن هم يربولك حمام ويجيبوهولك؟»، ليرد «سعدة»: «يا أستاذ وائل شوف الكلام اللي قدامك شكله إيه، له قيمة ولا ملهوش قيمة»، ليعاود الطالب مقاطعته قائلًا: «22 طالبًا شاهدون على كدة يا أستاذ طارق في الدرس، وأرقامهم معايا أنا ممكن أكلمهملك دلوقتي أهه».
وعقب «الإبراشي» على الموقف قائلًا: «أنت عارف إن العلاقة بس لما تصل بين التلاميذ والمدرس للي أنا قاعد اسمعه ده، رشوة حمام كمان يا أستاذ طارق، نوصل للحمام»، ليردد الطالبين: «والبوري»، ويستطرد «الإبراشي»: «والبوري كمان والسمك والفلوس؟».