فيديو.. البابا تواضروس: «إذا حرقت الكنائس سنصلي بالجوامع مستمدة من الفكر المصري»

كشف البابا تواضروس الثاني، بابا الإسكندرية وبطريرك الكرازة المرقسية، أسباب قوله للمسيحيين، في أعقاب حرق بعض الكنائس وتعرض بعض المنشآت الخاصة بالكنيسة للضرر، خلال فترة ما بعد 30 يونيو: «إذا حرقت الكنائس سنصلي في المساجد».
وأوضح البابا، في حديث خاص للقناة الأولى: «ربما كان سابقًا لما بيتم الاعتداء على باب كنيسة يهيجوا ويحصل ويضربوا في بعض، وشغلانة يعني، لكن الله أعطى نعمة وتم ضبط النفس بصفة عامة وكان لازم نوصف الموقف بطريقة مقبولة عند الجميع».
واستطرد: «فلما قلت لو حرقوا الكنائس هنصلي في الجوامع، دي استمدتها منين؟ استمدتها من وضعنا الشرقي المصري، أي أسرتين في جيرة، لما بيبقى في أسرة عندها أي موقف الأسرة التانية بتقف جنبها، تفتح البيت تفتح الشقة إن كانوا محتاجين مساحة أكبر، وده اللي بيحصل في حياتنا، لو أخويا لقاني مش عارف أصلي في مكان هيقولي تعالى صلي ويايا، ولو ملقيناش إحنا الاتنين هنقف نصلي في الشارع، يعني ده مستمد من الفكر المصري أو من الحياة المصرية».
اشترك الآن لتصلك أهم الأخبار لحظة بلحظة