بالفيديو.. «أديب» للسيسي: «أحنا شعب صعب وبهدلنا مصر بأيدينا ومتعتمدش علينا أوي»

وجه الإعلامي عمرو أديب، من خلال برنامجه «القاهرة اليوم» على قناة «اليوم»، مساء السبت، رسالة للرئيس عبد الفتاح السيسي، قائلًا: «لا تعتمد علينا أوي، إحنا شعب مبيشتغلش».
وأضاف «أديب»: «الفساد في مصر مغطيها، عندنا كل أنواع الفساد، كلنا بنستمتع بالفساد وعايشين فيه، وأصبح الكثير مننا بيحب الفساد»، موضحًا: «أقول للسيسي (خد بالك) حجم الفساد كبير يا ريس و مش هيخلص من يوم و ليلة».
وتابع في رسالته للسيسي: «خاف على الجيش من المدنيين, ويجب عدم الخلط بين المدنيين والعسكريين، وأحنا شعب صعب، وإحنا اللي بهدلنا مصر بأيدينا، خلينها دولة متخلفة، وعملنا أسوء نظام تعليم في الدنيا، وأحنا اللي سمحنا حد يحكمنا ويدلدل رجليه».