برغوت.. خير من يمثلكم

أحياناً، من شدة الغيظ لا أستطيع التعليق على حدث قد يكون حدثاً جللاً يغير مسار أمة بكاملها، ولكن هناك فى السينما ما تشاهده ويفرغ طاقتك ويعبر عنها، ومن أهم المشاهد فى السينما المصرية ما جاء فى فيلم «شحاذون ونبلاء» الذى أنتج عام 1990، وهو من تأليف حسام زكريا وبطولة صلاح السعدنى ومحمود الجندى وحسن يوسف وعبلة كامل، وإخراج أسماء البكرى، وتناول عدد من مشاهده موضوع الانتخابات.
(مشهد 1):
(الشارع):
يجلس شحاذ القرية على الأرض، رث الثياب، بينما يمر عليه الأستاذ جوهر «صلاح السعدنى» ويتحدث إليه:
الشحاذ: صباح الخير يا أستاذ جوهر.. تاخد معايا شاى.. معايا نعناع النهارده.
جوهر: (صلاح السعدنى): لا متشكر.. أنا مستعجل.. إزى الحال؟
الشحاذ: نحمدوه الأشيا معدن.. سمعت يا سيدى أخبار الانتخابات؟
جوهر: لأ.. أصل أنا ما بقراش الجرايد.
الشحاذ: دى ماكانتش فى الجرايد وهتشوف ليه.. تصور لما جم يفتحوا صناديق الانتخابات فى ميت أبوداود لقوا فيها إيه؟.. كل البطاقات مكتوب فيها.. برغوت.. برغوت.. برغوت.
(مشهد 2):
(لجنة الفرز):
2 موظفين والعمدة وشيخ الخفر يفرزون البطاقات.. الموظف يفتح البطاقات واحدة تلو الأخرى بدهشة.
الموظف: برغوت.. برغوت.. مرة تانية.. وكمان برغوت.
(يأتى صوت من الخارج)
الصوت: يطلع إيه سى برغوت ده بقى.. محدش عارف.. لا العمدة ولا شيخ البلد ولا جنس مخلوق يعرفه.. ولا هواش على قايمة أى حزب.
(مشهد 3):
(الغيط):
صوت الشحاذ يأتى من خلفية الصورة، ورجال الحكومة يبحثون عن برغوت وصورة السقا وحماره تظهر فى الكادر.
الشحاذ: راحوا بقى بتوع الحكومة يسألوا أهل البلد لو كان حد سمع عن برغوت ده.. وبعد دوخة عتروا فيه.. طلع إيه بقى - ويضحك ضحكة سخرية - طلع الحمار بتاع السقا.. أهو ده اللى اختاروه الناس علشان يمثلهم فى البرلمان.
(مشهد 4):
(جوهر والشحاذ مرة أخرى فى الشارع)
جوهر: وبعدين إيه اللى حصل؟
الشحاذ: طبعاً برغوت سقط فى الانتخابات.
الشحاذ: علشان الجماعة إياهم اللى فوق عاوزين حمار برجلين اتنين مش بأربع رجلين.. ها ها ها.. إيه رأيك بقى؟!
السعدنى: عملوا أنبه حاجة اخترعتها البشرية من يوم ما اخترعوا حكاية الانتخابات دى.
نلتقى عام 2015 إذا كان فى العمر بقية
■■ المختصر المفيد
«مافيش فايدة»
charlcairo@gmail.com