العاشر من رمضان.. يوم السادات

التاريخ سجل آيات                     قال دى أكبر إنجازات
السلام على مصر رفرف              تحت اسمك يا سادات
السادات راجل شريف                 السادات ابن الغلابة
السادات جاب الرغيف                 للفقير أخدوه ديابة
السادات راجل محبّة                   السادات سعى للسلام
يا أفاضل حبّة حبّة                     هوّ كان بينكم خصام
بالسلام ابنك يعيش                     أو يموت من فوق سريره
فيه عداوة أو مافيش                    راح يموت مرتاح ضميره
قالوا له ميت استراحة                  فى العريش أو فى القناطر
ياللى كاتب وبصراحة                  اللى فوق البر شاطر
طب ما تكتب يوم ما أخدها            مركبة فى بحر طين
واليهود ذلين ولادها                    شرق غرب شمال يمين
السادات فتح القنال                     قال لها طُلّى يا دنيا
عندنا.. ما فى شىء مُحال             لأ وإمْتى.. فى 5 يونيو
شفيق سلوم