سلمي صباحي بعد الإفراج عنها تكتب : "السر"

دونت الإعلامية والناشطة السياسية، سلمي صباحي، نجلة الزعيم المناضل حمدين صباحي، المرشح السابق لرئاسة الجمهورية، بعد قرار إخلاء سبيلها مشاركة تحت عنوان "السر" سطرت خلالها المعاناة والمحنة التي مرت بها، خلال فترة التحقيقات والحبس الإحتياطي.
وجاءت تدوينة نجلة صباحي، علي موقع التواصل الإجتماعي "فيس بوك" اليوم الأحد - على النحو التالي :

- السر .. اني حسیت ان ربنا بیحبني اوي ابتلاني ونصفني.

- السر .. اني دقت جزء من الظلم اللي داقه ابویا.

- السر .. اني كنت بشوف صمود امي ایام وشهور لما كانوا بیعتقلوا ابویا.

- السر .. ان بعد 6 سنین جواز اكتشفت في اشرف حاجات جدیده واتأكد شعوري انه هدیة ربنا لیا ..

- السر .. ان المحامین العظماء حامد جبر ومحمد منیب "عمامي" اللي اتولدت وسطیهم وكبرت قدامهم دافعوا عني بقلب الاب ولما رجعت البیت اخدوني في حضنهم وبكوا من فرحة رجوعي.

- السر .. ان كل المحامین الكبار الاعزاء اصدقاء ابویا واللي بیعتبروني زي بنتهم دافعوا عني متطوعین وبقلب صادق جدا.

- السر.. ان المحامي المحترم خالد ابوبكر ظهر في حیاتي فجأه لیلة التحقیق سمع قصتي وطلب مني اعمله توكیل عشان یقف جنبي تطوعا منه وماسابنیش لحظة.

- السر.. ان صحابي الجدعان "بنات ورجاله" كانوا واقفین طول الایام في النیابه وقدام القسم بس عشان یحسسوني انهم جنبي.

- السر .. اني اكتشفت عظمة حب الناس ودعواتهم الصادقه كانت بتوصلني وانا لوحدي في الحجز.

- السر.. ان ظباط قسم العجوزه كلهم باختلاف الرتب كانو بیتعاملوا معایا "كانسانه".

- السر .. ان ملازم اول اصغر مني بكام سنه من القسم قاللي "لما كنت في ثانوي كنت بتابعك في برنامج شبابیك واحس انك اختي انا واثق انك بریئه".

- السر .. ان رئیس ووكلاء نیابة العجوزه في منتهى الاحترام.

- السر .. ان رئیس نیابة العجوزه رجل عنده ضمیر مهني حقیقي بعد تحقیقات استمرت 3 ایام وبعد ما كتب مذكره تفید اني مجني علیا ولست مدانه جه القرار بالحبس قاللي "انا بعتذرلك".

- السر .. اني لما رجعت البیت كنت مشتاقه اوي لحضن "حلم" بنتي ولما حضنتها لقیتها اتعلمت جمله جدیده "وحشتیني یا ماما".

- السر .. اني عرفت قیمة سریري .. واني بعد 5 ایام من غیر نوم نمت لمدة 6 ساعات فیهم البركه ولما صحیت لقیت 654 میسد كول و 76 رساله بیباركولي.

- السر .. اني لقیت اسمي "ستاتس" على الفیس بوك واكتر من 30 مقال باقلام كبار الكتاب عني في الجراید والافات التویتات بتدعمني.

- السر .. اني حسیت بوجع المظلومین.

- السر .. ان اكتشفت ان الظلم بیقوي.

- السر .. في سبحة "الطاهر" عمر طاهر.

- السر .. في الایه الكریمه "لا اله الا انت سبحانك اني كنت من الظالمین" اللي كتبتها على جدران الحجز عشان اي حد یدخل الحجز ده یقراها .. سحر.

- السر .. اني لقیت الوقت اللي افتكرت فیه كل حاجه حلوه ربنا اكرمني بیها في حیاتي ولقیت نفسي محظوظه جدا بالاهل والاصحاب والاحبه.

- السر .. ان لما افتكروني دراع ابویا عشان یلووه لاقوني ضهره المستقیم اللي مایتحنیش.

- السر .. اني افتكرت لما كان ابویا بیقعد معایا بلیل في البلكونه اغنیله "حببتي من ضفایرها طل القمر" وهو یقرالي شعر من دیوان محمود درویش "لماذا تركت الحصان وحیدا" ودایما كانت تشغلني جمله في القصیده دي عرفت معناها دلوأتي "مثلما كنت تحملني یا أبي".

- ببساطه .. السر .. انك تعرف تشوف "المنحه" المستخبیه في قلب "المحنه".

- احمدك یا ربي یا حبیبي یا سندي واشكر كل حد وقف معایا ورد غیبتي ودعالي وساندني .. سلمى صباحي 19-5-2013.