جيهان السادات: نفسي شبابنا وولادنا اللي زي الورد ينزلوا مفيش وقت للندم

_ دعت جيهان السادات، زوجة الرئيس الراحل محمد أنور السادات، في كلمة للشعب أذاعها التليفزيون المصري، مساء اليوم، الثلاثاء، المصريين للنزول والمشاركة في الانتخابات الرئاسية، التي تشهدها البلاد، مطالبة الشباب إلى الاستجابة لدعوتها.
جيهان قالت: "نفسي كل المصريين ينزلوا النهاردة، مصر محتاجة كل صوت وكل واحد فيكم، مصر بتمر بمرحلة دقيقة في تاريخها، نفسنا نقف إيد واحدة عشان مستقبل مصر، أنا متفائلة إن مستقبل مصر هيكون أجمل ما يمكن.. والمستقبل مشرق والمستقبل المشرق مايجيش كده، لازم الشعب يقف إيد واحدة.. ننزل وندي صوتنا كلنا عشان المستقبل يبقى أفضل من الماضي".
وأضافت أن هناك مؤامرات تحاك على مصر"، قائلة: "مصر مهددة بدول كبيرة نفسها تفتتنا وتضعفنا، ونفسي نقف إيد واحدة ضد كل هذا، مش بالكلام بالنزول وإعطاء صوتنا".
ووجهت حديثها للشباب بقولها: "نفسي شبابنا وولادنا اللي زي الورد ينزلوا مفيش وقت للندم، ولازم نقف جنب مصر وشعبها، والعالم بره انبهر بصوت المصريين في الخارج، وكلنا النهارده نقف عشان مصر مش كلام نقف بالفعل"، واختتمت كلامها، بقولها: "ننزل وننزل وننزل وندي صوتنا ونشارك في مستقبل مصر".