التعليم خسرنا كتير

لجنة مناقشة دكتوراة.ثلاث قامات علمية يتوسطون غرفة ممسكين باوراق ويقف المتقدم بالرسالة وهو جاهز للاجابة*
-بشمهندس طارق...المناقشة كانت لطيفة جدًا..في سؤال أخير بس..
اتفضل يا دكتور.
-انا عارف أن رسالتك عن "تأثير تغير نسبة نقاء الايثانول على جودة الوقود الحيوي وأداء المحركات".
-تمام.
-الموضوع معمول بعناية ودخلت معامل وبقالك من 2012 بتعمل التجارب عشان تثبت ده..
-اه يا دكتور.
-السؤال..النهاردة اما تروح هتبقا انجزت ايه؟ كدكتور معاك الدكتوراة؟
-آااا...
-خليني اساعدك... هتتعين هنا في الكلية ومستواك المادي هيتحسن صح؟ هتعيش ملك؟ ولا الواحد اللي هتعمله هيبقا احسن؟ لا ثانية واحدة...خطيبتك قاعدة بتصور المناقشة..ماشاء الله خطيبتك مملحة من الرطوبة.
استفدت ايه بقا؟ كان زمانك إنسان عندك كرامة ومتجوز بقالك 3 سنين. مسافرتش ليه بعد الماجستير؟
-التفوق العلمي والاكاديم...
-تفوق؟ عارف انتا عملت ايه؟ انتا ضيعت 3 سنين من وقتك بس عشان تضيع ساعتين من وقتي.
وماشي ياعم هتاخد الدكتوراة...الرسالة دي؟ هتتركن في درج تحت رجلين فيهم صدفية في مكتب ارشيف في بدروم مبني إداري وهيتفتفت عليها طعمية كمان.من الطلبة اللى بتطلع عليها علشان ترق منها في البحث المفروض عليهم.ابسط.
اكتر واحد استفاد من الليلة دي اللي طبعت عنده الورق ده....نصيحة بس يا دكتور لما تيجي تعمل حاجة شوف اخرها..ويستاهل المشوار ولا لأ...ألف مبروك..
*يخرج رئيس اللجنة من القاعة*
-اه وخطيبتك كمان كان اختيار غير موفق..اسمع نصيحتي وشوف اخرها برضه..لأ شوف امها قاعدة جنبها اهي...سلام.
*يشق صمت القاعة الذي استمر دقائق تصفيق اهل طارق له*
*يخلع طارق حذائيه ويخرج من القاعة هائمًا على وجهه*
*يختفي طارق ويظهر بعد خمس سنوات في أحد حانات كييف باوكرانيا وهو يصب الخمور ويرمينه الزبائن باوراق من الهريفنيا الاوكرانية ويحتسي معهن شوتات الفودكا ليمون*
*يظهر طارق وهو يمشي في شوارع كييف الثلجية وينام داخل غرفة 20 متر مربع في أحد فنادق الاجانب بمقاطعات كييف الفقيرة قرير العين على صوت المزيكا
‪