وطن لله؟

وأنا واقف بباب الخلق
إمته القاه
تعبت كتير
بقالى سنين
وأنا ادور يا ناس عنّه
رمانى الموج وتهت معاه
وطن لله؟
يغيب عني
ملامحه بتختفى مني
واقول وطني
يا خلق الله رمانى الموج وتهت معوطن لله؟
وأقول وطنى يا خلق الله
وطن لله
بقاله سنين يضيع مني
يلف بلاد بعيد عني
وأنا امشى وراه
تعبت العمر بيعدي
وانا احلم بيه
وطول الليل وأنا اغني
يا عينى عليه
وسامع من بعيد صوته
يقول الآه اااااااااااااااااااااااه
بَمِدْ الإيد وإيه يعنى
وأقول وطنى
عشان يرجع نسيت همى
ومَدّةْ إيد بتوجعنى
بخاف من يوم أروح وانساه
........
وطن لله
بدال وطنى اللى راح
يرقص لناس تانين
بدل وطنى اللى قام قومه
ونمشى وراه ومش عارفين
وطن بنشوفه فى الصورة
ملاك ف ملاك
نقوم فى الصبح ونصَبّح
كمان ساعه نشيل الطين
وطن لله
يلم الناس من الشارع
ويحفظ حُرمة الميادين
حلمت ونفسى يتحقق
تلف بلاد على نيلك
ويمحى النور ظلام ليلك
وكان حلمى سنةْ ألفين
ومن يومها بقول يمكن...؟
وأقول بكره.......
تقول بعده....
ومش فارقه ما بين الاتنين
وطن لله ...؟
يمر النيل على بابه
يصلى الصبح رغم الويل
على ترابه
ويرسم فرحُه بين العين
وطن لله
يا خلق الله
مدوخنى بقاله سنين
أمانه يا ليل ......
وأنا عايش ومستني
حبيبى اللى هرب مني
وشايف صورته فى "النوبة"
وفى "العَلَمين"
أمانه يعود ولا يطول
يا ناس يا خلق
فين وطنى...
قولوا لى فين؟؟؟؟