الكفاح والتفاؤل وبير السلم!

النهاردة هنقدم لكم قصة شاب مكافح ناشد العديد من وسائل الإعلام لنشر قصة كفاحه اللى لسة مانعرفهاش لحد دلوقتى
-ممكن تحكى لنا قصة كفاحك
= طبعا دى قصة مشضوقة جدا ومثال يحتذى به
- طب ياريت تبدأ تحكى
= أنا لما اتخرجت من الجامعة كنت من أوائل الدفعة لكن كالعادة طبعا مش اتعينت علشان يعينوا ابم الدكتور فلان.. لكن بصراحة أنا مايأستش وقررت اشتغل وابقى حاجة كويسة وتشرف بلدها
-كويس عملت إية
= أول حاجة عملتها أنى خليت صديق ليا يرسم صورتى وأنا واقف جوة مصنع نسيج كبير ونحوا عمال كتير
-وبعدين؟؟
=قررت انى أعرض على زملائى فكرة انشاء مصنع للمنسوجات الصوفية والقطنية على شرط أن كل واحد يشارك بالمبلغ اللى يقدر عليه ويشضارك في المشروع أكبر عدد ممكن من الأشخاص علشان نلم مبغ محترم يسمح بالبداية على شرط اننا كلنا نتحمل مسئولية كل شيء في المصنع يعنى احنا اللى نشتغل ونشيل ونكيس ونسوق ونبيع كمان بالقطعة لو لزم الأمر
-هايل وبعدين
= زمايلى عجبتهم الفكرة جدا وقررنا أن كل واحد يدفع 10 آلاف جنيه علشان نجهز المكان ونشترى المكن، لكن طبعا كل واحد فينا عنده ظروف صعبة والبعض باع صيغة أمه ودهب أخته علشان يجمع الفلوس لكن للأسف البعض ماقدرشض يجمع
- وبعدين؟
= كل ما الظروف كانت تتعقد كنت اطلع صورتى وانا واقف في المصنع وبصراحة كانت تدينى دفعة حماسية واصرار أنى انفذ حلم حياتى
-كويس.. وبعدين
= اتفقت مع اصدقائى أننا نحاول قدر الأمكان ونبدأ في التجهيز والتراخيص حتى لو هنستلف وناخد قروض
- وبعدين؟؟
=كالعادة قابلتنا كتير من الصعوبات وكنت بهرب لملجأى الوحيد أنى أبص في الصورة علشان اتحمس
-كويس
= فضلت الأمور تتعقد وتتعقد مفيش فلوس ومفيش قروض ومفيش أمل
- وبعدين؟
= برضة رحت للصورة والحمد لله قطعتها وارتحت منها ودلوقتى شغال تباع على عربية الجيزة هرم وزى الفل وبالنسبة للشهادة متعلقة والحمد لله في بير السلم!