( المواطن الغلبان حسن حصاوى يغشي عليه من حين لأخر.وعندما يفيق لا يفهم ما حدث حوله من تغيرات ولكن أحيانا يجعل من يسمعه هو الذي يغشي عليه). ( حصاوي بالمقهى يحضر نفس الشاب صديق المثقف الذي مازال مختفي) الصديق سمعت الأخبار وشفت الصور؟ حصاوي أه مش قصدك كاس العالم؟ الصديق أنت البعيد مغمي عليك؟ أنا بتكلم عن العدوان الإسرائيلي الوحشي علي أخوتنا؟ حصاوي يا خبر هي إسرائيل هجمت علي دولة قطر؟ الصديق أنت ما بتقراش جرايد بالمرة؟ حصاوي بطلت.أصل أسعارها بقت غالية عليا.مع أنها بتكسب كتير من الإعلانات. الصديق أنا بتكلم عن الحرب ضد الأشقاء في غزه.قتلوا أكتر من ميه والمصابين أكتر من خمسميه.والبيوت أتهدمت وكل الضحايا من المدنيين العزل والأطفال والنساء. حصاوي طب وإيه الجديد ؟ ما هو نفس اللي بيحصل من سنة 1948 لحد النهار دا. الصديق نقوم نسكت؟ حصاوي طب نعمل إيه ؟ نروح نحاربهم بالنيابة عن حركة حماس؟ دا حتى المنظمة في الضفة الغربية بتتفاوض و ما بتحاربش. الصديق لا بس ما نقفش ونتفرج ونسيبهم يموتوا في غزة. حصاوي أطمئن إحنا وكل العالم العربي هيستنكر ويندد بما فيهم دولة قطر ومنظمة داغش وكل المنظمات الجهادية.والإخوان علي رأسهم وحزب الله والسلفيين. كلنا مش هنقف ساكتين. هندد بالعدوان بكل شدة. الصديق بس كده؟ ما هو دول تانية بينددوا كل مرة وما فيش فايدة. حصاوي ما أظنش بدليل أننا مستمرين في التنديد و إلا كنا شفنا حل تاني من زمان. الصديق الحل في المقاومة. حصاوي هو أنت بقيت في المقاومة والله عفارم عليك.وهتسافر غزة أمتي؟ الصديق أنا مش هسافر لأنه غير مسموح ليا أني أسافر. حصاوي وأنت حاولت تسافر ومنعوك ؟ الصديق لأ بس السلطات هنا هيمنعوني بالتأكيد ويشكوا لأني رايح هناك. حصاوي مش فاهم هيشكوا أنك رايح إسرائيل؟ الصديق لا طبعا غزة يا بني آدم, هيفتكروا أني عميل لحماس عشان بيتقال عليهم مع الإخوان ضدنا. حصاوي فهمت. قصدك نفرج عن مرسي وجماعته ونسيبهم يروحوا غزة ويدافعوا عنها ويرموا قنابل علي إسرائيل ويرزعوا لهم متفجرات ويوروها الويل.والله فكرة كويسه.وبكدا نبقي خلصنا منهم ويا ريت يسمحوا كمان بالسلفيين يروحوا يقاوموا هناك علي الله ما يرجعوش. الصديق أيوه أكشف عن نفسك أنت أكيد عميل صهيوني. حصاوي تو ما خدت بالك؟ براوه عليك. وما دام السلطات مش هتسفرك تقاوم في غزة أفقع فيا رصاصتين تلاته وبكده تبقي نصرت القضية الفلسطينية تمام. الصديق أنا مش هتناقش معاك. حصاوي بس أنت ما قلتش إسرائيل عملت كده ليه؟ الصديق عشان مجرمين ولصوص سرقوا دولة بحالها من الفلسطينيين. حصاوي أنا والله ما كنت أعرف. هي فلسطين كانت دولة؟ الصديق طبعا طول عمرها دولة. حصاوي والله ما أعرف ومين كان رئيسها؟ الصديق مش فاكر. حصاوي طب وإيه اللي طلع في دماغ إسرائيل تضرب غزة بالذات وما تضربش منظمة التحرير الفلسطينية. الصديق ما قلت لك عشان فيه بينهم مفاوضات.إنما حماس بتقاوم. حصاوي بتقاوم زيك كده بالكلام. ؟ الصديق بالعكس دي خطفت تلاته من إسرائيل وقتلتهم .بس ليه وليه بقي ؟ حصاوي وقتلوا العساكر د أزاي؟ الصديق هي قتلت تلاتة مدنيين. لكن دا مش مبرر أنها تقتل من الفلسطينيين كل ده؟ حصاوي معاك حق.كان لازم يقتلوا تلاته ضد تلاته.دا العدل. الصديق أنت باينك بتهزر. حصاوي أبدا. بلاش كانوا يقتلوا واحد بس من زعماء حماس. الصديق وهما يقدروا ؟ حصاوي وإيه اللي يمنعهم ؟ الصديق لما تنطبق السما علي الأرض مش هيعرفوا مكانهم لأنه مستخبيين. حصاوي والغلابة والعيال والنسوان والمدنيين من بلدهم هما اللي يتقلوا؟ تكونش حماس عاملة الحدوتة دي عشان تبوظ الوحدة اللي كانت هتعملها مع الضفة؟ الصديق إيه الكلام الفارغ ده؟ حصاوي ما هي بقالها وقت كبير عاملة هدنة مع إسرائيل.يبقي أشمعني دلوقت؟ الصديق دي حالة غزة في منتهي البؤس أصلا وما عندهمش اللضا. حصاوي في دي عندك حق.والله صعبانين عليا لأن الأنفاق اللي كانوا بيهربوا منها السلع المصرية المدعمة واللي كانوا بيهربوها لعندهم من الأنفاق اتقفلت في وشهم. الصديق ( مرتبكا ) ولو . من حقهم برضه ياكلوا ويشربوا. حصاوي أكيد بتقصد وزراء حماس اللي كانوا بياخدوا ضريبة من شعبهم علي السلع دي اللي بياخدوها مننا ببلاش كده. ( الصديق يغشي عليه ) 626 لينين الرملي هرش مخ الأحد 13 يوليو 14 1 فهمونا نحتفل كل سنة مرتين بعيد النصر,مرة باسم 6 أكتوبر ومرة باسم العاشر من رمضان. هو كان نصر ديني ولا حربي؟! 20 2 سؤال حسنا بدأت الحكومة في التفتيش علي التجار لعدم غلاء الأسعار. لكن السؤال يا تري دا يستمر كام يوم ؟! 19 3 الصبر طيب منظمة داعش تطمع في إقامة إمارة إسلامية في سيناء. أطلبوا منها تأجل الإمارة لحد ما نخلص من معركة الدعم بين الحكومة والناس واللي يكسب يحاربهم!. 25 4 الحل أزاي تنقطع الكهربا وإحنا عندنا حزب النور؟. صلوا علي النبي وهاتوا ياسر برهامي للحكومة وخلونا نخلص ...........من حياتنا!. 16 5 وحل تاني الحل الأكيد لمشكلة الدعم أن توزع الحكومة علي الناس حقهم ناشف في مليارات الدعم وهما يتصرفوا ويضلموها بمعرفتهم !. 19 6 اقتراح بما أن لمبات الكهرباء الموفرة تستهلك أقل من العادية.لكن غالية , ليه الحكومة ما تفرقش علي الناس هذه اللمبات كدعم مجاني!: 21 7 رهان مين يراهني أن في نهاية مسلسل صديق العمر ما حدش هيطلع فيهم غلطان غير الملك فاروق ؟! 17