كيف تتخلصين من "راجل كان في حياتك"

مقدمة مش مهم تقريها لأنها مجرد تحصيل حاصل.. «كل شىء قسمة ونصيب».
ندخل عالمهم..
1- ماتعيطيش خااااالص.. دموعك أغلى منه بكتير + المناديل هتبهدل بشرتك.
2- هاتى كيس زبالة «أسود» بلاش استرخاص فى الحاجات دى.
3- ادخلى على دولابك بقلب ميت.. ارمى كل حاجة جابهالك هدية.. بقولك «بقلب ميت» مايهمكيش.
4- ركزى كويس فى كل حاجة قبل ما ترميها.. هتتوصلى لبعض الحقايق.. منها مثلاً.
- إنه كان بخيل ومعفن.. ف مش هتلاقى حاجات كتير ترميها أو مافيش خالص.
- إنه ذوقه بلدى ومابيفهمش.
- لو هداياه غالية وكتير.. ماتضعفيش.. ده منظرجى ويغور بفلوسه.
5- ماتفرزيش انت مش زبال.. بس لو فى ذهب.. بيعيه الذهب سعره حلو اليومين دول.. وطلعى الفلوس زكاة عن صحتك.. بلاش طمع.
6- استحمى بمزاج.. لو معاكى فلوس روحى spa بس يكون سمعته كويسة.. انت مش ناقصة.
7- اطلعى جرى عالكوافير.. افشخى ضبك.. محدش ناقصك..
غيرى لون شعرك.. لو طويل قصيه.. لو قصير عليكى ب extension..
ماتنسيش.. بادكير.. مانيكير.. وزودى البقشيش.. انت فى عرض دعوة.
8- بصى لنفسك فى المرايا فى الساعة مرتين بواقع كل 30 دقيقة وتبصى فى عينيكى وبيقين تقولى: «أنا أستاهل أعيش مبسوطة».
9- اشترى لفتين bubble rap من العتبة ب 100 جنيه.. وزعيهم بالتساوى فى البيت وفى الشغل.. بس اتوصى بالسرير.
10- ابعدى عن الخمرة خاااااالص.. ال alcohol وال coc مش وقتهم.. بلاش دراما.. عصاير فريش وفاكهة.
11- «أم كلثوم» مش مناسبة للمرحلة دى.. Adele هايلة.
12- ممنوع منعاً باتاً الدخول فى أى علاقة «لا راجل ولا ست»..
مش قبل 6 شهور لسنة.. والعمر كله لو جدعة.. «دى الطينة من دى العجينة».. افهميها لوحدك.
13- اشترى أو اتبنى حيوان أليف.. بلاش سمك.. «كفاية زفارة».
14- شغلك.. أكل عيشك.. مش هيبقى موت وخراب ديار.
15- فى حالة كنتى متجوزة واتطلقتى.. حطى قدامك «أنثى العنكبوت.. وأنثى فرس النبى».. بياكلو جوازاتهم بعد التزاوج مباشرة.. ببساطة لأن مهمته خلصت.. اعتبري.
16- مسيره ياخد لفته ويرجع «كائنات فضولية بطبعها».. مش هوصيكى بقى.. Enjoy your moment.
17- الدرس ده غالى.. ماتحطيش صباعك تحت ضرس حد.