رثى أحمد حسن كوكا مهاجم المنتخب الوطني لكرة القدم، المحترف ضمن صفوف سبورتنج براجا البرتغالي، والده بكلمات رقيقة للغاية. ونشر كوكا صورة رفقة والده عبر صفحته الرسمية بموقع التواصل "إنستجرام" معلقًا: "رحل أعز و أغلي و أطيب و احن وأرجل أب في الدنيا بعد صراع كبير مع المرض، مفيش كلام يقدر يوصف الي جوايا، أول مره ارجع مصر ولا اشوفك، كنت بتتالم وبتتعذب من الحقن والأدوية وعمرك ما اتكلمت وقولت تعبان، كنت مفروض تعمل العمليه من 7 سنين أول ما اكتشفت المرض ، ما رضتش تقولنا ! عشان تجبلنا و تعملنا كل الي نفسنا فيه، و فعلا عملتلنا كل حاجه، كل حاجه عايزنها لاقيناها، كان نفسك تشوفني من أحسن اللعيبه في العالم". تابع كوكا بكلمات رقيقة: "كان نفسك تشوفني مشرفك و مشرف بلدي، اخواتي كانو بيقولولي لما بجيب جون نفسيتك بتبقي عامله إزاي و أد إيه بتبقي فرحان، أنا بقولك أني هكمل وهفضل لحد ما أحقق حلمك واني هشرفك وسط اهلك وإن هنفضل بجانب بعض انا واخواتي وامي، وحاجه عن أمي يا بابا انت اخترت اعظم ام في الدنيا، عمرها ما اشتكت و هي بتعملك كل حاجه وانت عيان ، فخور اني ابنك فخور أني أقول أنا ابن الكابتن طيار حسن محجوب ، ربنا يرحمك و يجعل قبرك روضه من رياض الجنة.... اللهم لا اعتراض، إن لله وإن إليه راجعون".