ميدو يكشف أسباب إصرار الزمالك على تحقيق البطولات هذا الموسم

كشف أحمد حسام ميدو، مدير قطاع الناشئين في نادي الزمالك، أسباب إصرار النادي الأبيض على تحقيق انتصارات وألقاب هذا الموسم.
وكتب ميدو عبر حسابه الرسمي على موقع التواصل الاجتماعي "فيس بوك": "للأسف في ناس مش فاهمة ليه الزمالكاوية متحمسين جدّا لفريقهم هذا الموسم.. الزمالك عاش كبوة خارجة عن إرادته لمدة عشر سنوات.. عشر سنوات من التخبط الإداري كانوا كفيلين بكتابة فصل النهاية لأي ناد في العالم لولا إيمان جمهورنا العظيم بأننا سنعود أقوى مما كنّا ولولا بعض أبناء النادي المخلصين الذين أقسموا أنهم لن يرتاح لهم بال إلا بعودة الزمالك.. ما عندناش حاجة اسمها زمالكاوي نص نص.. ماعندناش حاجه اسمها والله أنا ماليش في الكورة بس أنا زمالكاوي!!.. الزمالكاوي بيسيب اللي في إيديه لو عايش حتى في كندا علشان خاطر ماتش الزمالك سواء كان الزمالك متصدر أو العاشر.. إنك تكون مجنون زمالك حاجة كده عمرك ما هتفهمها إلا لو ربنا أنعم عليك بنعمة الزمالك".