عاهرة على ذمة مغفل !!

مساء الخير
أزعم اني من الأبطال في عالم النساء برغم تصديقي لمقولة من ادعى انه على علم بامرأة فهو كاذب .. مش متزوج ولا يمكن افكر أتجوز .. عايشها بطولها وعرضها قطفة من كل بستان .. فضلت كدة يا بهوات لغاية ما وقعت في شر أعمالي ... بعد ثورات وجولات داخل عالم النساء الجميل الممتع وقعت في حب امرأة .... لا مؤاخذة طلعت براديعي أنا واللي جابوني .. عملت فيها السبع رجالة في الاول على اعتبار ان أنا مقطع السمكة وديلها قامت جاتلي اللي تعلمني العفة صح .. بنت اللذينة رسمت علية دور محبوك ابن ...... صدقتها من هنا ليوم القيامة ... ييجي بقى الغضنفر اللي هوة أنا يقرر ولأول مرة في الحياة انه يتجوز نقاوة العين الست الننوسة الشريفة بنت الأكابر .. تقوم لجل حظي تطلع بنت الأكابر بنت واحد من مشاهير المسرحاتية وعليها سابقة ... الذبون بقى اللي هوة أنا عرف ازاي ؟؟ لية صديق ضابط شاءت الأقدار ان ملف سعادة العاهرة هوة اللي تحت ايد زميله ولما راح زميلة يستشيره بالصدفة في تفصيلة جوة القضية عرف بياناتها طبعا .. وعشان صاحبي الضابط كنت معرفه عليها من قبل كدة وأنها هية زوجة المستقبل فطبعا كان في موقف لا يحسد عليه قدامي .. المهم مش عايز أطول عليكو انا حكيت المختصر عشان ابلغ بس رسالة للبهوات الرجال وأقول لهم .. مش لازم حد يعرض نفسه للموقف اللي أنا فيه عشان يتقي ربنا في نفسه وأهله ... مش هكدب عليكم بعد الموقف ده افتكرت أخواتي البنات ... قلت في سري ممكن جداً واحدة فيهم يتعرف عليها واحد في الجامعة او بصفته اخو صديقة ليها او اي صفة تانية وينصب عليها برضه باسم الحب باسم اللي اسمه المهم تقع في مقلب زبالة .. الخلاصة يا بشر وبأمانة أنا تبت بجد على ايد بنت ال ..... محدش متخيل !! البت دي دخلت بيتي وعرفتها على امي وأخواتي وخلاص كنا بنتكلم في شبكة ومهر وليلة بقى وحاجات ... تخيلوا معايا لولا معرفتي بالضابط ده بالصدفة كانت هية كملت التمثيلية وتحولت من عاهرة الى مدام المغفل أنا ..... الرسالة خلصت حد ليه شوق يقول كلمة ولا يشتمني شوية ؟ ما هو خلاص أنا بقيت ملقف ... سلامو عليكوووووو