انهالت المذيعة حياة الدرديري بالهجوم والإساءة على الإعلامي باسم يوسف في شكل مستتر، واصفة اياه بالشخص الذي فشل في مهنته الأساسية كطبيب واتجه الى الإعلام لعمل فرقعة إعلامية من خلال عمله كأراجوز في برنامجه. حياة تكلمت عن باسم بشكل مستتر حيث قالت: "المذيع اللى اسمه ذي الفاكهة اياها اللي اسمها "يوستفندي" عامل زي العجلة اللي متأجرة عشان أهداف وأكيد اللي مأجرها هو صاحب قناة الفتنة، كل يوم بيطلع في برنامجه زي الأراجوز يتكلم علينا مش عارفه احنا حرقينه ووجعينه في أيه؟". وتابعت الدرديري: "عايز يشتهر وعمال يلعب على كل الحبال عشان ينول رضا ولي نعمته اللي بيقبضه آخر كل شهر مبلغ وقدره، هو ناسي ان ولي نعمته من اكبر الفلول ومتورط في ملفات فساد يندى لها الجبين". واضافت: "طريقته سمجة ولزجه، وتسبب حالة من الاشمئزاز والقرف بسبب هيئته الحمضية، لكن من الواضح انه مفلس ومش لاقي أي حاجة يقدمها وعمال يتريق على الناس اللي هدفهم قيمة الوطن .. وانا لن أتحدث بعد اليوم عن أي شخص ينتقد قناة "الفراعين". وكان باسم قد هاجم قناة الفراعين وخاصة رئيس مجلس إدارتها توفيق عكاشة والمذيعة حياة الدرديري في عدد من حلقات برنامجه "البرنامج" الذي يذاع على قناة "OnTV" المملوكة لرجل الأعمال نجيب ساويرس.