بالصور ..اشتعال حرب التصريحات الساخنة ببن ميدو وامير مرتضي من مزبلة التاريخ الى مرتضى واولادو لازم يختفو والله يخرب بيت العيال اللى بتوزع صكوك حب الزمالك

اشتغلت الاجواء بين أحمد حسام ميدو وامير مرتضي منصور خلال الساعات الماضية بعد ان تبادل الثنائي التصريحات النارية والتى انتقلت من مواقع التواصل الاجتماعي الاجتماعي انستجرام وتويتر الى الراديو .
ميدو : امير مرتضى مجند لجان إلكترونية للهجوم عليا ومرتضى واولاده لازم يختفو من التاريخ

شن أحمد حسام ميدو ، نجم الزمالك السابق، هجوم عنيف على أمير مرتضى منصور المشرف على الكرة السابق في نادي الزمالك ، و ذلك خلال مداخلة هاتفية عبر الراديو .
و قال ميدو : خلال المداخلة : انا كل لما هشوف الخطيب هتصور معاه لانه اسطورة والناس الكبيرة دي لها احترامها .
تايع : أمير مرتضى ، مجند لجان إلكترونية للهجوم عليا وبيدفعلهم فلوس ، انت مين يالا انت ولا حاجه ومرتضى وولاده مجندين ناس يهاجمون ولازم يختفوا من الحياة الرياضية .
و واصل : مرتضى و ولاده مفهمين الناس ان الزمالك هيقع ، لا الزمالك مش هيقع ، مرتضى في 2005 عمل كل حاجه علشان يوقع الزمالك ومنجحش ومش هيوقعوا دلوقتي ، هو بيحاول يفشل الناس الموجودة دلوقتي. و أضاف : إحنا اتربينا على الاصول والاحترام ومفيش حاجه بين الناديين لكن مرتضى و ولاده فهموا الناس عكس كده ، و امير ، طالع يقول الى مزبلة التاريخ ، يالا انت ولا حاجه مين يعرفك من غير مرتضى ابوك ، و اللي رباك عربجي ، انت مين اصلا انتم بتدفعوا للجماهير والسوشيال ميديا للهجوم عليا وعلشان تقولوا الزمالك هيقع بعد مرتضى .
و تابع : انا هاجمت مرتضى في عز قوته وبعتله بلطجية وهو بعتلي بلطجية وكان في قضايا ومكنتش عاوز اهاجمه وهو واقع وضعيف ، لكن اللي بيحصل عيب احنا زملكاوية اكتر من اي حد ، وبقولها تاني كل اما هشوف الخطيب هتصور معاه زي ما هتصور مع حسن شحاته كل لما هشوفه.
و أتم تصريحاته قائلاً : كلمت شيكابالا وقولتله لازم تفوزوا النهارده على المقاولون العرب والزمالك لن ينهار .

ميدو انا باتشتم من الصبح الله يخرب بيت العيال اللى بيوزعو صكوك حب الزمالك

مهاب ممدوح
رد أحمد حسام ميدو نجم الزمالك الأسبق على الانتقادات التي طالته من جانب جماهير الزمالك بعد الصورة التي نشرها رفقة محمود الخطيب رئيس النادي الأهلي الحالي وحسن حمدي رئيس النادي الأهلي السابق.
وكتب ميدو عبر حسابه الرسمي على موقع التواصل الاجتماعي تويتر: "‏صباح الخير..بتشتم من امبارح انا وعيلتي علشان اتصورت مع كابتن محمود الخطيب..الله يخرب بيت اللي باعلكوا التعصب وباعلكوا فكرة العداء وان احنا بيننا حرب الله يخرب بيت اللي بدع اللجان الالكترونيه والتريندات..الله يخرب بيت العيال بتوع السوشيال ميديا اللي بيوزعوا صكوك حب الزمالك‏على فكره لو شوفت محمود الخطيب كل يوم كل يوم هروح اتصور معاه وده اللي اتربيت عليه اني احترم الكبير وأقدره واحترم الناس اللي عملت تاريخ وده اللي بعلمه لأولادي انهم يحترموا الكبير ويحترموا اي حد اجتهد واخلص لبلده ولعائلته"
يأتي ذلك ردا على اتهامات بعض جماهير الزمالك و صفحات الزمالك ، عبر مواقع التواصل الاجتماعي لميدو بكونه يريد كسب جمهور الاهلي منذ دخوله مجال الإعلام.
امير مرتضى منصور لميدو الى مزبلة التاريخ

وألمح أمير مرتضى عبر حسابه الرسمي على موقع التواصل الاجتماعي تويتر إلى أن ميدو أصبح خارج صفوف جماهير الزمالك بتلك الصورة.
وكتب أمير مرتضى عبر حسابه الرسمي: "إلى مزبلة التاريخ" وذلك عقب نشر ميدو للصورة مع حسن حمدي والخطيب.
أمير مرتضى يشير بتلك التغريدة بأن التاريخ لن يرحم ميدو وسوف يذكر هذا الموقف له في ظل الأزمات التي تطارد الزمالك بالوقت الحالي.
جماهير الزمالك تهاجم ميدو بعد صورة الخطيب
شنت جماهير الزمالك عبر مواقع التواصل الاجتماعي هجوما ضد أحمد حسام ميدو نجم الفريق الأسبق.
يأتي ذلك بعدما نشر ميدو صورة له رفقة محمود الخطيب رئيس النادي الأهلي الحالي وحسن حمدي رئيس النادي السابق وذلك في الغردقة.
وبدأت أزمة جمهور الزمالك مع ميدو بعدما قال عبر برنامجه إن يوسف أوباما لاعب الفريق يرفض تجديد عقده مع نادي الزمالك ووقتها هاجم جمهور الفريق الأبيض ميدو بشراسة بسبب هذا النبأ.
الأزمة الثانية
كانت تكمن في قول ميدو حول المغربي أشرف بن شرقي حيث قال إن اوباما ، طلب الرحيل عن صفوف الفريق الأول لكرة القدم بنادي الزمالك عقب خسارة الفريق للقب دوري أبطال إفريقيا بالهزيمة أمام الأهلي بهدفين مقابل هدف.
والأزمة الثالثة
جاءت أمس بعدما نشر ميدو صورة له رفقة حسن حمدي ومحمود الخطيب ليتعرض لهجوم قوي من جانب جمهور الزمالك عبر مواقع التواصل الاجتماعي.
وترى جماهير الزمالك أن ميدو منذ دخوله للإعلام الرياضي وهو يحاول التحيز للأهلي من أجل كسب عاطفة جماهير القلعة الحمراء.
واستشهد احد جماهير الزمالك بما صرح به ميدو من قبل بأن حسن حمدي كان يستغل نفوذه في وكالة الأهرام لخدمة النادي الأهلي.
وكتب محمد خليفة المشجع الزملكاوي:انا اطلع اقول مشيت من الزمالك علشان قالولي شيكاتيك متاخرة وبتتمضي من حسن حمدي وبعدين ارجع اقلهم ملعون ابو اللي فهمكم انها حرب برة الملعب(تانتاراران تن تن)
طيب ما هو حضرتك اللي كنت بتفهمنا انها dirty game برة الملعب