رضا عبد العال يهاجم اجييرى ويقول فكرنى بايام كوبر

علق رضا عبد العال نجم الزمالك والأهلي الأسبق، على فوز مصر باللقاء الافتتاحي أمام زيمبابوي في منافسات كأس الأمم الإفريقية 2019.
وعبر عبد العال عن غضبه الشديد من خافيير أجيري المدير الفني للمنتخب الوطني المصري، بسبب أداء الفراعنة في لقاء زيمبابوي الافتتاحي.
وكان منتخب مصر فاز على زيمبابوي بهدف دون رد سجله محمود حسن تريزيجيه.
وقال عبد العال في تصريحات تليفزيونية عبر برنامج الكورة في بورسعيد على قناة الحدث اليوم: "أنا بصراحة مشوفتش أداء انهاردة، أجيري فكرني بأيام كوبر، كل الناس بتلعب لمحمد صلاح وهو يتصرف، فين شخصية المنتخب أمام زيمبابوي؟".أضاف: "عندنا 70 ألف متفرج، وبنلعب 10 بليل يعني مفيش حر ومعندكش حجة، يبقى فين شخصية المنتخب اللي تطمني إننا هنوصل للنهائي".
وتابع: "بشكل منتخب مصر أمام زيمبابوي انهاردة لن نصل بعيدا في كأس الأمم، أمام زيمبابوي كان يجب أن نفوز سكور ونرسل رسالة للمنتخبات المنافسة بأننا قادمون بقوة".وعن التغييرات قال: "مفيهاش إفادة ولا حلول ومحدش أضاف، وخفت في الآخر ونزلت دونجا عشان تأمن، على أرضنا وبندافع، انا المفروض ننزل بخط وسط واحد بس وصلاح حر وكذلك وليد سليمان، يبقى كان لازم ندوس على المنافس ونكسب سكور".واختتم حديثه قائلا: "ربنا يستر من المباريات الجاية، احنا دلوقتي عندنا صلاح والنني وحجازي وناس محترفة يبقى لازم نستغل ده، ونكسب البطولة، وحذرنا كتير من أجيري المتورط والمدرب الكسر اللي اتورط في قضايا تلاعب بالنتائج ومحدش سمعلنا".