وراء الاحداث

برنامج وراء الاحداث"اهتمام الاعلام الاوروبى بفوزالفراعنة بكأس الامم الافريقية"
تقديم : د/عبد المنعم سعيد
تاريخ الحلقة : 2010/2/4
الضيف :
الكابتن/ طه اسماعيل
د/عبد المنعم سعيد :ده بتكون متعلقة بامور سياسية فى اغلبها لها علاقة بالسياسة الخارجية والامن القومى المصرى احيانا تكون لها علاقة بالسياسة الداخلية بالاقتصاد بالاجتماع لكن نادرا ما خرجنا الى دوائراخرى مثل الرياضة اوالفن اودوائرتعتبربشكل عام او فى الاعتقاد العام انها خارج اطار السياسة كما نعرفها بما لها علاقة بالدولة لها علاقة بالسلطه لهاعلاقة بضل الحدود كل هذه الامور كانت هى التى عادة ما تشغلنا وتجعلنا نبحث ولم نكن نبحث كثيرا فى الاحداث التى نجعل موضوعنا هو البحث عما وراءها ما الذى يجعلها تحدث ما هو الواجب علينا ان نفعله لتجنبها اذاكانت تعبرعن ازمات وهكذا هذاالسياق لا يوجد حدث اخر له من الاهمية والمقام والقامة قدرفوزفريقنا القومى للمرة الثالثةعلى التوالى بكأس الامم الافريقية بالطبع جميع المحطات التلفزيونية المصرية والعربية وكثيرمن المحطات العالمية والصحف اهتمت بالحدث وغطه تغطية كبيرة وربما مالا يقل اهمية عن ذلك ان الدولة المصرية ممثلا فى السيد رئيس الجمهورية الرئيس حسنى مبارك كان له اهتمام خاص بهذا الموضوع والشعب المصرى خرج كما لم يخرج منذ فترات طويلة الى الشارت بمئات الالوف وربما الملايين لكى يحتفل بهذه المناسبة يربط نفسه بيها يتابعها لحظة بلحظة هدف بهدف نقطه بنقطه ثم فى النهايه نجد هذا الانفجار الكبير للخروج المصرى الكبير بالاعلام المصرية لا اعلام من اى نوع اخر لااعلام خضراء لا اعلام سوداء لا اعلام طوائف لا اعلام احزاب وانما اعلام مصر الاعلام كلها موجودة على المواقع الالكترونية موجودة على صفحات الصحف باشكال مختلفة فى المحطات التلفزيونية فى البرامج المختلفة كل ذلك يحتفى لا ندرى بالفوز يحتفى بمصر يحتفى بالعلم ام ان كل هذه الاشياء امر واحد بالطبع كما هو العادة فى كل الاحداث حتى فى الاحداث المجيدة لابد وان تتطرح تساؤلات لماذا حدث ما حدث لماذا فزنا هذه المرة وللمرة الثالثة هل هى المسالة منحصرة فى كرة القد م فقط ام انها استمرار لمجالات اخرى هل اننا نستطيع ان نفعل فى هذا المجال انما قالت بعض المحطات وبعض البرامج فاشلون فى كل شئ اخر ام ان المسالة متداخلة
لا يمكن تحقيق نجاح فى مجال ما لم يكن هو تعبير عن نجاحات قد تكون غير ظاهرة فى مجالات اخرى بمعنى اخر كيف نفسر ما حدث ليس لانه لانستطيع ان نفسر نجاحالنا ولكن لانة بالفعل ظهر واضح وحقيقى وملموس وادركة الشعب المصرى كما ادركتة القيادة المصرية وبات واضحا فى عملية التكريم التى حصل عليها الفريق واتحاد كرة القدم والطاقم الفنى على ارفع مستوى لاوسمة منحت لكل هؤلاء على ارفع درجة لا يوجد ما يفوقها الا قلادة النيل التى كنا نعلم انها لا تمنح الا لرؤساء الدول والملوك ومن هم فى قامتهم اما ارفع الاوسمة المصرية او وسام الرياضة فقد تم منحة بالفعل لهذة المجموعة الرائعة من المواطنين المصريين يعنى ربما كان من افضل التعبيرات التى ذكرت فى ذلك الوقت كما جاء فى صحيفة الاهرام بالامس يوم الثلاثاء 2 فبراير وعدوا وعد ان هذا الطاقم من اللاعبين والمدربين الفنيين وعدوا ان يقوموا بما كل ما فى وسعهم لكى يفوزو ا بالكاس وقد فعلوا الرئيس مبارك قال لهم مصر فخورة بانتماءكم لها الجماهير تزحف للمطار صباح استقبال فريق افريقيا الرد فى المعارضة استاد الوفد بيقول استقبال حافل للفراعنة ابطال افريقيا وايضا تشير الى خطاب الرئيس الوفد ايضا تقول مصر فرحانة ذلك ايضا بالامس بعد ذلك بنجد محاولات مختلفة لتفسير ما حدث البعض يقول ان هذا التفسير جاء نتيجة جهد المدرب كابتن حسن شحاتة قدرتة على ادارة المباريات التكتيكات التى استخدمها القدرة الفنية له بالتغيير فى الوقت المناسب والشخص المناسب صحيفة العربى الناصرى لسان حال الحزب الناصرى كتبت يوم 31 يناير تلميحات يوم المباراة الاخيرة كتبت عن الامبراطور وصورة حسن شحاتة بتقصدتة المعروفة الرئيس مبارك قال تعبير اخرربما ينم عن تفسير اخر بيقول كنتم على قدرالمسئولية وتطلعات الشعب شاهدا على انتماء هذا الجيل لمصر وراياتها 00
التفسيرهناليس بفرد وانما لجيل معين ذلك جاء فى الاهرام المسائى يوم الثلاثاء 2 فبراير عندما قيل ان مصر تقدر كل من يجتهد لاعلاء مكانتها , البعض الاخر اخر ساعة مثلا كتبت ان السبب عن طريق الاجابة عن سؤال كيف راى الجمهور البطولة المصريون يفوزون بالمهارة ودعاء الملايين وهنا دخل الدعاء وايضا نوع من المباركة الشيخ طه والشيخ ربيع والشيخ ربيع ياسين والشيخ طه اسماعيل الروحانيا والاخلاقيات سرتفوق الفراعنة ده جاء فى الملحق الرياضى فى صحيفة اليوم االسابع فبراير فا الاهرام ايضا الثلاثاءفى مقال قيل زاهر رجل البطولات فى هذا الحديث يشار فى ايضا الى ان اتحاد الكرة يستطيع انه يخلق حزمة متكاملة تستطيع ان تفوز وايضا فى نفس العدد الجيل الحالى والافضل عودة اخرى مرة اخرى الى فكرة ال جيل بنجد ايضا فى العربى مقال استاذ ناصر ابو طاحون قال ان تفوق المصريون والانضباط التكتيكى والرغبة فى الفوز فحسموا مبارات الجزائر فى الملعب كا ن ده له علاقة بالمباراة السابقة التى تمت فى الدور قبل النهائى مع الجزائر وبنجد انه فكرة التكتيك المهارة ايضا كاحد العناصر فى عملية الفوز يمكن ايضا الصحافة الاجنبية هنا نقلا عن الجارديان فعلت المصرى اليوم يوم الاحد 31 يناير نقلت عن الجارديان تكشف سر خلطه الميجرشحاتة للتفوق مع منخب مصرهنا الخلطه بمعنى الخطه او بمعنى التكيتك او يمعنى الاستراتيجية كلها اسباب جعلت ان الفريق القومى قادر على ان يجتازبتفوق هذه المعركة الهامة ربما لايوجد سبب وحيد لهذه الظاهرة لهذا الفوز لهذا الانجازيمكن ان تكون كل هذه الاسباب مجتمعة يمكن ان يكون هناك فيها سبب اهم من الاخرذلك سوف يكون هو موضوعنا فى هذه الحلقة لماذا كان ذلك كذلك كما يقال لماذا هذه المرة ولماذا فقط فى كرة القدم والماذا نفرح الان ولا نفرح لمجالات اخرى كل هذه الاسئلة سوف نطرحها فى هذه الحلقة على شخصية مهمة هى الكابتن طه اسماعيل الكابتن طه اسماعيل من جيل قديم من جيل الستينيات فى كرة القدم عرف كثيرا باسم الشيخ طه نظرا لخلقة الرفيع لكن ايضا هو كان كابتن مصر كابتن من النادى الاهلى وله انجازاتة الكبيرة وله جوانبة المتعددة هولاعب وهو ايضا مدرب درب كثير من الاندية درب الفريق القومى درب النادى الاهلى هوايضا شخصية دولية لانه يعمل فى اطار الاتحاد الدولى لكرة القدم الفيفا فى علمية النهوض بمسألة الرياضة وكرة القدم على مستوى العالم وهو المسئول عن مكتب الاتحاد الدوليى هنا فى القاهرة وهو مسئول عن افريقيا وعن منطقة شمال افريقيا والشرق الاوسط كذلك بمعنى انه من المساهمين فى العملية الدولية للنهوض بكرة القدم على مستوى كل العالم وذلك هو ما يجعل كل البطولات الان ممكن الجيل الحالى من المشاهدين يدهش كيف اصبحت الان بطولة افريقيا بطولة اوروبا بطولة امريكا الجنوبية وكاس العالم كل هذه البطولات المختلفة اصبحت حديث العالم كلة ليست حديث المنطقة التى توجد فيها هذه الدولة او تلك تعالوا نبدا هذه الحلقة ولكن قبل ان نلتقى بضيفنا تعا لوا نستمع الى هذا التقرير
تقرير
مذيع :حكايه طويلة بين مصروكاس الامم الافريقية اذا وصل عدد المشاركات فى كاس الامم الافريقية الى 28 مرة بدأت فى عام 1957 حين فازت مصر بالبطولة الاولى التى انضمت الى جوارها كل من السودان واثيوبيا وفازت فى البطولة اللاحقة فى عام 1959 ثم غابت تلك البطولة عن مصر27 عاما لتحصل عليها مرة اخرى فى عام 1986 ثم تغيب مرة ثانية اثنى عشر عاما لتحصل عليها للمرة الرابعة عام 1998 ثم تغيب للمرة الثالثة ثمانية اعوام لتحصل عليها مصرمنذ عام 2006 وحتى العام الجارى ليصل رصيد مصر فى احرازاللقب الافريقى الى سبع مرات تحقق واحد منها على مدار 41 عاما بينما تحققت الثلاث الاخرى خلال ست اعوام فقط وفى مقابل ذلك لم يكن رصيد مصر فى كرة القدم عالميا موازيا لذلك كالصعود على المستوى الافريقى اذ لم تتمكن من الوصول الى نهائيات كاس العالم خلال فترة احرازها للقب الافريقى سوى مرة واحدة فى عام 1990 هو الامر الذى طرح الكثير من التساؤلات دارت فى معظمها حول الاسباب التى اوجدت تلك المفارقة بين المستويين الاقليمى والعالمى وكيف لفريق يفوز بكاس قارته ثلاث مرات متتالية دون ان يتمكن فى نفس فترة تألقه تلك من الوصول الى نهائيات كاس العالم بل ان السؤال الاخير اصبح اكثر الحاحا بعد تمكن المتخب المصرى من هزيمة اربعة منتخبات افريقية تاهلت لكاس العالم 2010 فى بطولة كاس الامم الافريقية بانجولا حاول الكثير من المتخصصين ان يقدموا تفسيرا لتراجع مصر الكروى عالميا مقابل تحقيق انجازات غير مسبوقة على المستوى القارى فراوا ان ذلك يرجع الى اسباب تتعلق بطبيعة المنافسة على المستوى الدولى التى تتطلب نفسا اطول لتحقيق انجازا فى مدة زمنية ممتدة واستندوا فى ذلك الى التراجع الواضح فى نتائج المنتخب المصرى فى التصفيات المؤهلة سواء لكاس العالم او لكاس الامم الافريقية بينما تتحقق الانجازات فى البطولة نفسها وبكل تاكيد فان اداء مصر فى كاس العالم عام 1990كان افضل بكثير من اداءها خلال التصفيات كما ان ادائها خلال كاس الامم الافريقية خلال السنوات العشرين الماضية كان افضل هو الاخر من الاداء خلال التصفيات ومع ذلك فان هناك اتفاق بين الجميع على ان الجيل الحالى فى منتخب مصر مدربية ولاعبية هو الافضل بين كل الاجيال التى سبتقة فى اللعبة وانه جيل يتمتع بكثير من الخصائص التى جعلتة متفردا وان ظلت حالة الاخفاق عالميا قائمة الا ان الامور فى حالة استمرارها على ما هى عليه فان الاوضاع مرشحة للتغير خلال بطولتى كاس الامم الافريقية عام 2012 وكان العالم عام 2014 فهل ينجح المنتخب المصرى فى ظل الدعم المصرى والشعبى الذى حصل عليه فى استكما ل مسيرة تقدمة نحو الوصول الى كاس العالم وماهى اهم الدروس التى يمكن استخلاصها من تجربة القوز بكاس افريقيا والفشل فى الوصول الى كاس العالم وما الذى ينقص المنتخب المصرى ليكون فىكاس العالم هذه هى اهم التساؤلات التى تناقشها تلك الحلقة من وراء الاحداث
فاصل
د/عبد المنعم سعيد : فوز الفريق القومى لكرة القدم فى مصر بكاس الامم الافريقية وضيفنا الكابتن طه اسماعيل المدير الفنى الاسبق للمنتخب المصرى ومدير مكتب الفيفا بالقاهرة اهلا بيك يا افندم
طه اسماعيل :اهلا
د/عبد المنعم سعيد :مرحبا بيك
طه اسماعيل :الله يبارك فيك
د/عبد المنعم سعيد :كابتن طه انت حضرت شاركت كلاعب فى دورات الامم الافريقية ؟
طه اسماعيل: انا شاركت بدا من الدورة الثانية سنة 59 فى القاهرة مصر فازت فيها ثم شاركت فى دورتين ثانيين سنه 61فى اديس ابابا ثم 63 فى غانا اخذنا المركز الثانى فى اديس ابابا واخذنا المركز الثاث فى غانا دى الدورات اللى اشتركت فيها بالنسبة للبطولات الافريقية
د/عبد المنعم سعيد : طب ايه الفرق بقى يعنى انت مندهش يعنى دلوقتى من ساعت ما كنت بتروح دول افريقية وبعدين الشكل الى احنا فى دلوقتى ؟
طه اسماعيل: لأ الشكل مختلف زمان كان عدد الفريق قليل فى البطولات اللى احنا لعبناها كان ثلاث فرق اربع فرق يعنى اول حاجة الفرق فى استقلال افريقيا يعنى افريقيا مش عايزة كلام ان بعد استقلال افريقيا دخلت فرق كثيرة جدا فى هذه البطولة يعنى اولا كل افريقيا بتشترك فى التصفيات حوالى 53 -54 دولة بيشتركوا فى التصفيات بيصفوا على 15 فريق والدولة المضيفة
د/عبد المنعم سعيد :هل يجوز القياس يعنى فى الفترة الاولى دى اللى فيها 3 – 4 فرق ؟
طه اسماعيل :لأ طبعا يعنى مفيش شك كل ما تضخم عدد التدخل كل ماتعقدت الامور يعنى او الفوز فيها اصبح اصعب بكثيربتمر بمباريات كثيرة جدا صحيح فى مباريات فى المجموعة قابلة للتعظيم بتلعب 3 مباريات فى المجموعة بنكتفى عندك مرتين ثانيين بتتعوض لان بتبقى من دور الثمانية وبعدين بنلاقى نفس الشئ من الفوز وبعدين النهائى عشان تمر بالمراحل دى كلها عملية ليست سهلة زى ما حصل للفريق بتعنا كسب 3 مرات فى المجموعة ثم كسب فى دور التمنيات ثم كسب فى دور النهائى ثم كسب بره النهائى
د/عبد المنعم سعيد :هنيجى لفريقنا انما الاول انا مستنى اعرف بس الفرق فى الزمن من ناحية حالة الدول الافريقية ايه كانت فى الوقت دوت يعنى من ناحية حالة الطيران لما بتنزل العاصمة بتلاقى فندق كان ايه ؟
طه اسماعيل :طبعا كانت الاحوال صعبة جدا اولا بالنسبة لافريقيا هناك دول سهل الوصول لها وهناك دول لازم تعمل ترانزيت فى كينيا على وجة الخصوص وهى محطه تنفذ الى بلاد اخرى فالطيران بيبقى صعب وفى كثير من الاحيان بتلاقى منتخب بيروح بلد هيعمل فيها ترانزت او كذا بيروح بطيارة خاصة عشان يوصل مرة واحدة
د/عبد المنعم سعيد :على ايامكوا كان فى حكايه الطيران دى ؟
طه اسماعيل :لألألأ مفيش افتكر كانت فى مباريات قليلة جدا ما انت تشوف السياق كنا بنلعب المباريات النهائية على طول يعنى 3 دول دخلوا 5 دول دخلوا بيدخلوا مرة واحدة
د/عبد المنعم سعيد :اللى موجود .
طه اسماعيل :بيلعب سياق لانه ابتدت بعد كدا تزيد الاعدا د الى ان وصلوا الى 8 فرق بقى فى تصفيات لما بقوا 8 فقط وبعدين فى تصفيا لل12 لعدد الادوار النهائية 12 فريق هما وصل الادوارالنهائية ل 16 فريق بس طبعا تشرف من 53 دولة بيشاركوا كلهم فى التصفيات فطبعا كان بدا
د/عبد المنعم سعيد :ده امتى ؟
طه اسماعيل : كان بطولة افريقيا سنة 57
د/عبد المنعم سعيد :امتى بقى ابتدينا نبقى مجموعات كثيرة ؟
طه اسماعيل :مجموعات اعتقد من 63 فى كل مجموعة 3 فرق ,مجموعة كان فيها السودان ونيجيريا وغانا كانوا فى مجموعة كان فيها تونس ويمكن تونس واثيوبيا بس ده كان مجموعتين بعد كده يمكن يكونوا مجموعتين عشان يوصولوا الى 8 فرق ثم بعد ذلك زادت عدد الفرق فخلوا بدل الادوار النهائية 8 بقى دور نهائى 12 ثم بعد كده بقى دور نهائى 16
د/عبد المنعم سعيد :طب نيجى للوقت الحالى يعنى نبتدى قصة من الاخر يعنى الكلام كثير قوى على ان احنا لدينا جيل جديد من الاعبين يعنى دول كدا زرع لوحدة والا له علاقة يعنى جيل بيجى من جيل
طه اسماعيل :بالضبط
د/عبد المنعم سعيد :ايه اللى بيخلى الحديث عن ان الجيل ده متميز يعنى ؟
طه اسماعيل :هو كرة القدم من حيث المواهب فا المواهب ما بتظهرش بانتظام يعنى ممكن يجى جيل فى مواهب زى العلماء وزى الادباء يجى جيل يبقى فى طه حسين والعقاد وربما يجى جيل مفهوش ويجى جيل تانى وهكذا فى كرة القدم ايضا المواهب ملهاش زمن محدد لكن ممكن يطلع جيل مواهب هو جيل جيد جدا نمرة واحد نمرة 2 يمكن احنا اتكلمنا الجيل ده بنتكلم عليه يمكن لما الكابتن شحاتة لما صرح تصريح النا خذوة عليه ان هو بيتكلم انا باخذ الاول يعنى الصعيدى المتدين هو فعلا جيل من مميزاتة طبعا اسمية فريق الساجدين يعنى كل لما بيجيبوا هدف بيسجدوا لله سبحانة وتعالى شكرا يعنى دى واحد الحاجة الثانية هذا الجيل ايضا يعتمد على الاعداد الروحى احنا ده اسمة علم نفس وفى علماء نفس بيقولوا والله فى قبل المباريات بيبقى فى شئ من التوتر والقلق وكذا وكذا بيعترى اللاعبين نتيجة للمباريات والخوف من الخسارة غالبا زى ما احنا كلنا قاعدين امام التليفزيون ومنتظرين المباراة خوفا من الخسارة
د/عبد المنعم سعيد :فالايمان ده بيدى نوع من السلام الروحى .
طه اسماعيل :بالضبط الا بذكر الله تتطمئن القلوب سواء مسلمين او مسيحيين
د/عبد المنعم سعيد :يعنى القضية مش قضية الدين بقدرما انه هل اللاعبية اللى مثلا زى بيكم مثلا اللى هو الانجليزى او ميسى اللاعبية اللى بنسمع عنهم يعنى دول كثير منهم بيبدو من مظاهر حياتهم انهم مش مؤمنين قوى يعنى ؟
طه اسماعيل :نعم نعم
د/عبد المنعم سعيد :انما مع ذلك اكيد بيتعاملوا مع قضية سيكولوجية ولا انت حضرتك..؟
طه اسماعيل:لأ مش هو الاعداد النفسى له طرق كثيرة جدا احنا من ديننا الدين بتعنا يعنى فيه دررالذين امنوا وتطمئن قلوبهم بذكر الله الا بذكر الله تطمئن القلوب فا انهاردة لما بيجى الكابتن شحاتة يساعدة فى هذا الامركثيرا جدا محمد ابو تريكة كان له دوركبيرجدا 2008 مع الايبك 2008 و2006 فى مقرأة بيقرأوا القران وبيصلوا وكذا وكذا فدى بتسبب نوع من الاطمئنان ونوع من الايمان الايمان بمعنى ايه الايمان بمعنى انه ليس عليا الا الاجتهاد فى الملعب لكن الخوف من النتيجة ده ما اخفش منه لانه دى بتاعت ربنا سبحانة وتعالى لكن اجتهد وابذل كل ما لدي
د/عبد المنعم سعيد :يبقى فى جزء مهم جدا هوالتركيزعلى الدافع للعمل بالضبط ومسالة السكينة الروحية دى تهتم باساليب عدة.
طه اسماعيل :بكل انواع التوتر
د/عبد المنعم سعيد :يعنى انا بسال على مستوى الدول اللى ....؟
طه اسماعيل :فى الاعداد النفسى
د/عبد المنعم سعيد : يعنى حضرتك اشتغلت كمدرب ؟
طه اسماعيل :نعم اه فى الاعداد النفسى ما انا باقول لحضرتك لها اشكال مختلفة احنا بنستردها من هنا فى كثير من الاحيان هناك يقولك مثلا اللعيب بيعترية ما يسمى بحمى البدايه حمى البدايه اللى هى التوتروكذا وكذا وكذا فطبعا هما بيجوا قبل المباراة ويعملوا حاجات كثيرة فطبعا هما مثلاالابعاد ودى طبعا بيعملها الفريق بتاعة لما الكابتن حسن شحاتة قدم مباراة مثلا الجزائر قعد 3 اربع ايام قبل المباراة ما يكلمهمش فى مباراة الجزائر خالص ما اتكلمش الا فى المحاضرة فقط فهنا بقى نوع من انواع الانبعاد علشان ما يخليش اللاعيبة تبقى متوترة من بدرى وتفكر فى المباراة من بدرى هو صحيح بيفكر مش مشكلة لكن لو هو فتح هذا النقاش بدرى يبقى الاعيبة تقدر متوترة لان هو بيجى قبل المباراة مباشرتا وبيقول المحاضرة بتعتة صحيح فى تدريب وفى حاجات بيعملها قبل التدريب لكن مش لازم فى كل التدريبات دى يقولك ان دى للماتش يعنى تدريبا ت لكن فى النهايه تقعد تجهزها بشكل يبعد اللاعبية عن الشحن الزائد اللى يسبب نوع من انواع التوتر فى تقولك لأ حطه واقعيا وابعدة كما ن ابعدة عن الملعب خالص عن الملعب اللى هتتلعب فى المباراة
د/عبد المنعم سعيد :خذوهم فى رحلة ترفيهية ؟
طه اسماعيل :بالضبط بالضبط فده غالبا مكمل للعمل بس هو حتة الاعداد الروحى دى بيبقى فيها ايه انه زى ما احنا بنقول النفس ربنا سبحانة وتعالى هو اللى خلقها ونفس وما سواها فالهمها فجورها وتقواها الرسول عليه الصلاة والسلام بيقول ايه ربى اتى نفسى تقواها وذكها انت خير من ذكاها اذا لما نيجى بقى للناحية الروحية الزنكى بعض الاحيان حتى المسيحى نفسه بيلاقى من خلال هذا الدين بيزكى نفسه وبيريحها جدا قبل اللعب قد يكون الاخرين بيستخدموا اساليب اخرى ماهو كل واحد له اساليبة
د/عبد المنعم سعيد :هل دى بتتم بواسطه اللاعبين نفسهم ولا ان المدرب بيعمل كده ممكن مدرب يبقى عنده لاعب مسيحى او اثنين اوغيره ؟
طه اسماعيل :انا شفت فريق غانا عملت محاضرات مرة فى غانا كل يوم قبل المحاضرات يقعدوا يصلوا هماعندهم مسلمين وعندهم مسيحيين انهاردة واحد مسلم يروح قارئ الفاتحة والمسلمين الموجودين بتمثلهم وطريقتهم تانى تلاقى واحد مسيحى هواللى بتمتم مع زملائة والباقيين لكن ايه كلهم فى بوتقة واحدة
د/عبد المنعم سعيد : انما المهم هومسالة السلام الروحى السلام النفسى الجانب البدنى ايه بقى اللى حصل للفريق دوت ايه من الناحية الفنية ؟
طه اسماعيل :هو طبعا اللياقة البدنية لدى اللاعيبة فى دورة زى دى المفروض ان هو يبقى عندة اعداد بدنى يسمح له بان هو يلعب بتتابع وفاصل زمنى 3 ايام بين كل مرة والثانية
د/عبد المنعم سعيد :يقعد اسبوعين يلعب الماتشات؟
طه اسماعيل :بالضبط يعنى هو لعب 6 مباريات فى عشرين يوم يعنى بمعدل 3 ايام كان فاصل كان اول يومين واحيانا 3 ايام فاصل هنا بتعتمد على درجة الاستشفاء قدرة الفريق على الاستشفاء من المجهود اللى عملة فى المبارة ديت الى المباراة الثانية اللى هى فى اليمين 3 عملية الاستشفاء دى بيدخل فيها ممكن يكون الاعداد البدنى الجيد بساعد على الاستشفاء ممكن فى طبيب وفى مدلكين وفى حمامات سخنة وفى كذا وكذا بتساعدة ايضا
د/عبد المنعم سعيد : الحاجات دى كانت على ايامكم يا كابتن ؟
طه اسماعيل :على ايامنا يعنى كانت برضه موجودة بكشل اوباخر لكن هى بتباه فى الدورات المجمعة اللى هى بتبقى كل 3 ايام مباراة وكل يومين مباراة لكن لما بتلعب مثلا اسبوعى فا نورمال انك انت تستشفى خلال اسبوع من المباراة الثانية التدريبات ايضا تساعدعلى استشفاء والرجوع للحالة الطبيعية ولذلك نظريات التدريب مبنية على حاجتين مهمين جدا تقليل الحمل اللى معى ودرجة الاستشفاء والرجوع الى الحالة الطبيعية ده يبين مدى لياقة الفريق بيدخل فيها التدريب زى ما بقول تدريبا روحية تدريبا ت فك عضلات وثنى فى حمامات سخنة فى بخارفى تدليك فى حاجات كثيرة جدا
د/عبد المنعم سعيد :امال ازاى بيتم التعامل عندنا 22 لاعبية و24 لاعيب مع المدرب كلهم بختلفوا فى الحالة الصحية فى طول القامة مستوى التغذية اللى حصلوا عليه ازاى بيقدر يوحد مستوى واحد من التدريب مع مستويات مختلفة ؟
طه اسماعيل :هو شوف هقول لحضرتك على حاجة التدريب عملية فردية لان الفريق افراد مختلفين سواء فى علاقتهم سواء فى السرعات مختلفين فى جميع الاحوال فى اختلافات كثيرة جدا ولذلك لما يجى تدريب مثلا للعب للسرعة ما بيحطوش كلة مع بعض بيجى الناس المتقاربين مثلا 5 مع بعض مع مجموعة 5 زى بعض بيتنافسوا مع بعض كل مجموعة التنافس بينها وبين بعض فدول قريبين من بعض انما ما اجيش مثلا اجيب اسرع واحد مع ابطأ واحد واحطهم فى مجموعة واحدة
د/عبد المنعم سعيد :يتقطع نفسه .
طه اسماعيل : بالضبط جتى فى التحملات ولذلك تلاقى اللاعيبة وهما بيدورا مجموعات كل 3-4 كل 3-4 مع بعض
د/عبد المنعم سعيد :على حسب قدراتهم .
طه اسماعيل :على حسب قدراتهم
د/عبد المنعم سعيد :استاذ طه الحديث معاك شيق جدا بس هناخذ فاصل قصيرثم نعود مرة اخرى نلتقى بعد الفاصل
فاصل
مذيع :86 ليصل عدد الفرق المشاركة الى 16 فريقا ينظم كاس الامم الافريقية الاتحاد الافريقى لكرة القدم كل عامين بين الدول الافريقية المتاهلة من التصفيات لتحديد بطل القارة الافريقية وكانت البطولة تعقد فى الاعوام الزوجية الا ان الاتحاد الافريقى اتخذ قرارا مؤخرا بعقد البطولة فى الاعوام الفردية كما كان عليه الحال بدا من البطولة ال29 التى ستعقد فى ليبيا عام 2013
وتعتبر بطولة كاس الامم الافريقية واحد ه من اهم ثلاث بطولات على مستوى العالم اذ تاتى بعد بطولة كأس العالم بطولة كاس الامم الاوروبية
فاصل
د/عبد المنعم سعيد : فوز الفريق القومى لكرة القدم وكاس الامم الافريقية وضيفنا الكابتن طه اسماعيل المدير الفنى الاسبق لمنتخب المصرى ومدير مكتب الفيفا بالقاهرة انا عايز اسالك اتكلمنا عن الدافع الروحى الدافع القدرات واستعدادات البدنية الى اى حد الدافع الوطنى يعنى يلاحظ بالذات فى كاس الامم الافريقية او فى كثيرمن المباريات والمبارة الاخيرة فى اولا جمهورنا منظم فى العلم فى اللاعيبة نزلة شيلاه اد ايه ده بيبقى عامل انه فى علاقة ما بين اسم البلد اللى الواحد بينتمى اليها والمباراة دى فى الاخرالناس تقولك ده لعب يعنى ؟
طه اسماعيل :نعم نعم شو ف هقول لحضرتك بصفة عامة المصرى يحب يبقى فخور ببلدة ونفسه ان مصر تبقى فى اعلى عليين فلما بيجد وسيلة توصل الى هذا بيقاتل فى سبيلها الحزب الوطنى بيعمل هذا الكلام الجماهير نفسها بتسعد لما بتحصل هذه النتيجة ونفسها مصر تبقى فى اعلى عليين اذاكانت الكرة بتسمح بهذا بتوصل ان انهارده جميع وكالات الانباء جميع الصحف الاجنبية بتكتب عن مصرهذا لم يكن ليحدث على مليارات لهذه المواقع علشان تكتب عن تقدم مصراو عن السياحة فى مصروكذا دى مجانية اللى بيعملها اللاعبين احنا لاعيبتنا لهم خصوصية هذا الجيل بالذات كلهم لاعيبة محليين يعن بيلعبوا فى الدورى فى مصر لمانيجى
د/عبد المنعم سعيد : بس ده كان موجود فى جيلكوا كان جيلكوا .
طه اسماعيل : لأ نفس الشئ كان موجود برضه محليا لكن احنا بنقارن الان بينهم وبين الفرق الافريقية اللى بتشارك فى البطولة يعنى لما نيجى نشارك بنشوف مثلا فريق زى مثلا كوت ديفوارفى اندية اوروبية كبيرة طبعا هما بيجيدوا مع هذه الاندية الا انه يتمرن تمرين يومى فى تشلسى مثلا اوروبا يوميا ومجموعة منتقاة من اللاعيبة فى نادى زى ده اكنة منتخب بيلعبوا يبرز بروز كبير جدا لما بيجمعوهم علشان بطولة افريقيا الفيفا ما يسمحش باكثر من اسبوع قبل البطولة عشان الاندية هناك تسيبهم ترونسيل زابليرماتقدرش تسيبهم اكثرمن قبل اسبوع بس فلما بيجمعوهم بقى ما بيبقاش فى التنسيق والتوافق فى الاداء دى واحدة ولذلك بنشوف دروبا ده ولا اكنة حاجة ولا اتوة ولا كذا مش فى نفس المستوى شئ طبيعى ولا زملائة اللى جانبة لانهم مابيلعبوش مع بعض كثير نمرة اثنين ردود افعال النتائج ما بيحسوش بيها احنا فريقنا وهو هناك حاسس بفرحة المصريين لما فزنا على الجزائر لما فزنا على غانا قبل ما يوصل وحاسس اد ايه السعادة اللى بتحصل وعارف ان هو لمايرجع هيبقى فى وسط ردود هذه الافعال
د/عبد المنعم سعيد : اذا كانت هنا نظرية بتقول احنا احد نقاط ضعفنا معندناش محترفين كثير وان المحترفين بتوعنا بيرجعوا بسرعة وكلام زى كده.
طه اسماعيل : ده موضوع برضه
د/عبد المنعم سعيد : اه
طه اسماعيل :مدرج بس اناعايزاقول اثبتت التجارب فى الثلاث بطولات الاخيرة ان فريقنا لانه فريق محليين فبيعتبر كنادى فى ايدينا احنا بنوقف الدورى شهر قبل البطولة مش هيقدريعمل دى بره يعنى حتى مفيش نادى اوروبى هيقدر يسيب لك دروب قبل ابطولة هيسيبة اسبوع واحد ويسيب الثانى الثالث والرابع اسبوع واحد فقط احنا بنوقف الدورى علشان المنتخب فريقنا كلة بيلعب مع بعضة سواء مع بعض او ضد بعض الاندية كأنة فريق نادى فتلاقى الروح التجانس الجماعية موجودة فى مصر اكثر من اى فريق اخر
د/عبد المنعم سعيد :ده السبب واحد زى زيدان اللى هو بيلعب فى فريق ثانى ؟
طه اسماعيل : واحد مش هتفرق كثير واحد بس هو اللى موجود بيجى مثلا قبلها باسبوع مابتفرقش كثير لكن اخرين لانه الفريق طبعا 11 لاعب لما يكون مثلا 8 و9 هما عصب الفريق يبقى هما العمود الفقرى للفريق الغالبية العظمى فتجد التجانس الجماعى فى اللعب اللى بيلعبوه الحاجة الثانية القتال فى سبيل احرازالنتائج المطلوبة لانه فعلا الانتماء الموجودلدى لعيبتنا ولدى شعبنا اكثربكثيرمن الاخرين عندهم انتماء لكن فى النهايه بيقولك ايه انا لاعيب محترف وبالعب فى تشيلسى عايش هناك فلوسى هناك مستقبلى هناك فا بالعب البطولة بارجع باخاف على نفسى هناك من الاصابات انما عندنا مفيش خوف بيخاف هناك لانه لواصيب هيضيع عليه فلذلك بيبقى اللعب بحذرالجماعية مفقودة نظير ان جايين من جهات مختلفة الحماس والدافع بيبقى اقل شويا من عندنا لانه برضه خايف يصاب لكن احنا عندنا
د/عبد المنعم سعيد: كابتن انت اشرت لموضوع الاحتراف يعنى اد ايه تقيس عامل الاحتراف يعنى فى كلام على انه استفادوا من الفريق القومى خلال الثلاث دورات الاخيرة هو اثر تراكمى للخلاف اللى حصل خلال التسعينيات وان ده فى الاخر احنا عندنا لاعيبة ملتزمة بتتدريب كثير بخلاف فكرة كرة القدم يعنى
طه اسماعيل :باضبط ما انا لما بقول محلى مش معناها مش محترفين محترفين بس محلى فى الاندية ولذلك فى الالتزام فى الاندية فى تدريباتهم فى كذا فى منافسة كبيرة جدا فى الدورى العام عندنا فى رواتب كبيرة وفى عقودات بمبالغ كبيرة جدا
د/عبد المنعم سعيد : اتمنيت تلعب اليومين دول يا كابتن بدل الستينات ؟
طه اسماعيل :ههه والله طبعا كل شئ نصيب احنا ابتدينا بجنية وبثنين جنية فى المكسب يعنى لكن بعد كده اتحسنت شوية بقت 100 جنية مكسب فى البطولة و150 جنية وحاجات زى كدا حاجات كانت قمة و10 جنية فى الماتش وحاجات زى كدا لكن هو الان طالما فى فلوس كثيرة سواء ما ايرادات المباريات سواء من اعادة الرسبونسون او الاعلانات كلة خلاص يبقى من حقة ان هو ياخذ زمان مكنش فى دى كانوابيدونا من الايراد اللى طلع مثلا 500 جنية 600 جنية ههه بيوزعوا هه كل واحد كذا فانهاردة العقودات الكبيرة دى والتزام اللاعيبة فيها الدورى بتاعنا كثير قوى بيتكلموا عليه بيقولوا الدورى بتعنا ضعيف والدورى بتعنا كذا بالعكس هوافرزهؤلاء الاعيبين معناة معنى هذا ان هودورى قوى دورى جيد طالما افرزهذه العينة من اللاعيبين اضف الى اللى انا قلته بقى
د/عبد المنعم سعيد : مين العبقرى فيهم ؟
طه اسماعيل : ال ال
د/عبد المنعم سعيد : من اللاعبين؟
طه اسماعيل :هو طبعااللاعبين اناعايزاتكلم علشان برضه ندى للجهازالفنى حقه اللاعبين فيهم العبقرية بتاخذ اشكال مختلفة يعن مثلا لما اقول عصام الحضرى عبقرى عبقرية فى حراسة المرمى فى كل المفردات الخروج من المرمى الكرات العالية مرتده ازاى
د/عبد المنعم سعيد : تحب تدربهم انت لوانت بتدربهم تحب تدرب عصام الحضرى ؟
طه اسماعيل : بالضبط مش عايزة نقاش عصام لاعبيب كبير وحارس مرمى عظيم جدا وصمام امان للمنتخب كلة
د/عبد المنعم سعيد :مين فيهم طه اسماعيل بتاع القرن الواحد والعشرين ؟
طه اسماعيل : لأ هما احسن بقى هما احسن
د/عبد المنعم سعيد :ههه
طه اسماعيل : احسن كثير لانه
د/عبد المنعم سعيد : انت يعنى شفت طه اسماعيل وصالح سليم وبعد كده الخطيب اجيال مختلفة حسام حسن
طه اسماعيل :هو طبعا مفيش شك كل جيل كان فى نجوم كبار جدا حسب ظرو ف اللعب فى هذا الوقت
د/عبد المنعم سعيد : انت مش عايز تقول مين فيهم الفلته يعنى؟
طه اسماعيل : ياريت ابقى زيهم بصراحة
د/عبد المنعم سعيد : طبعا
طه اسماعيل : اللعب ايامنا كان مختلف شوية يعنى
د/عبد المنعم سعيد : طب نيجى بقى للى يقولك ابن كارك يعنى اللى هو مدرب حسن شحاتة فى الاخر حسن شحاتة اد ايه دور المدرب فى الخلطه اللى انت قولتها دى ؟
طه اسماعيل : شوف اولا نمرة واحد يعنى هى كون يتقال عبقرية المدرب من عبقرية اللاعيبن يعنى من غيرلاعيبة مش ممكن المدرب هيقدر يوصل لكن اللاعيبة بيبان ان لو عندك معطيات جيدة من الاعبين ومواهب جديدة تقدر تعمل منهم فريق جيد المدرب العبقرى الجيد ولذلك المجموعه اللى مع حسن شحاتة مجموعة ممتازة زى ما هو نجح انه يخلى الفريق ده لبنه واحدة ولذلك حتى فى اختياراته ربما فى كثيريختلفوا كما يختلفوا فى الاختيارات ان هو بيختار المجموعة التى يستطيع ان هو يشكل فريق متجانس ومن لا يستطيع ان يخضع للالتزام ما باخذوش ودى سر النجاح
د/عبد المنعم سعيد : فى ناس شجاعة وفى ناس تعبت يعنى ؟
طه اسماعيل : اه بالضبط فى ناس عبقرى يعنى لكن ربما لا يتعاون مع زملائة ربما يكون اخلاقة كذا كذاكذا يبقى بدال ما يفيدنى هيضر لكن انايهمنى ان يبقى فى سلام نفسى بين اللاعبين وانا يهمنى ايه يعنى اللاعيبة اللى بتلعب ok لكن المشكلة فى اللى قاعدين اللى قاعدين وبيلعبوا احتياطى وفى ما بيلعبوش خالص لدولت اذا ما كنش فى بينهم اقتناع ان هو مكانه هنا وانه هو مستعد فى اى لحظة ينزل وينزل بايجابية ممكن يبقى فى مشاكل كثير لو اتكلموا مع بعض لأ ما بلعبش لأ مش عارف ايه
د/عبد المنعم سعيد :تتحل المشكلة دى ازاى دائما فى 11 لاعيب لكن دائما يقول لك يعنى انا ليه ما لعبتش ؟
طه اسماعيل :فى الاندية بتبان ليه لان الاندية ده بيلعب طول الموسم 30 مباراة ازاى ما بلعبش لكن فى المنتخب بيبقى واضح ان اللى بيلعبوا حوالى مثلا بصفة اساسية حوالى 15 لعيب لكن الباقين بيلعبوا اجزاء بسيطه جدا لكن الهيكل الاساسي 14 وواحد 15 اللى هما 9 منهم ما بيتغيروش وممكن ادى واحد مثلا بياخد ربع ساعة واحد بياخد وهكذا فعشان كده فى المنتخب مفيش مشكلة يااما بيلعب فى تصفيات مباراة واحده يا اما بيلعب فى النهائيات مجمعة تلاقية بيلعب مثلا 6 مباريات فا اللعيبة ريحة وبرضه فى زهنهم يتمرنوا كلهم ولذلك فحسن ما يقولش على التيم الا يوم المباراة علشان يدى فرصة للجميع ان يبقى مستعد وبيقاتل علشان يبقى لة مكانة والا لوهو اعلن الفريق قبلها بلاث اربع ايام مش هيلعب خلاص ممكن يبقى محبط
د/عبد المنعم سعيد :بيقول لهم ايه يعنى بيقول للى ما لعبش ايه على اساس ؟
طه اسماعيل :اللى ما بيلعبش يقول انه وانت قاعد لابد ان تتمنى للى بيلعب الفوز ليه لانه لو جاءت فرصة انك تلعب يبقى تنزل والفريق فائز دى نمرة واحد نمرة اثنين وانت قاعد لابد ان تدرس مكانك مين بيلعب فى مكانك وتدرس المكان ده والمنافس اللى ضدة واذا اتيحت لك الفرصة انك تنزل يبقى alredy اخذت فكرة مسبقة عن المنافس اللى ضدك وتعرف ازاى هتتعامل معاة انما ما تقعدش تتفرج لمجرد ان انا هتفرج وان انا زعلان او كذا وكذا وبيدى الحافز لكل اللاعيبة انك لمن يجيد عندة الفرصة انه يلعب فى النهايه ال 11 لاعيب اللى بيلعبوا بينزلوا وعندة 3 تغيرات دول اللى بيلعب فيهم يعنى انا يحضرنى نقطه ظريفة كان الكابتن محمود عبد اللطيف الله يرحمة كان يدرب نادى الزمالك زمان وبعدين كان عندة فى نصف الملعب 3 / 4 لعيبة لازم اثنين بس اللى يلعبوا فجة فى يوم هو دبلوماسيى عايز فجة فى يوم دخل وقال لهم زعلان ,زعلان ليه يا كابتن قال لهم والله انا كنت فى اتحاد الكرة قلت لهم انهارده عايزين نعرض ماتش 15 ضد 15 هههه قالوا له ليه قال لهم انا عندى 3 لاعيبة فى نصف الملعب انا عايز اربعة عايز الاعب 2 منهم بس فقام اللاعيبة قالوا له شوف يا كابتن قال لهم ok فلان وفلان وفلان ههه فهو كان نوع من انواع المزاح ازاى يتخلص من الموقف ده لان دى مشكلة الفرق مين يلعب مين ما يلعبش ازاى يخلى اللاعيبة راضيين سواء اللى بيلعب او اللى ما بيلعبش يبقى راضى بمكانة
د/عبد المنعم سعيد :كانتن طه لسة ما خلصناش قصة الكابتن حسن شحاتة هنستكملها بعد فاصل قصير نلتقى بعد الفاصل .
فاصل
د/عبد المنعم سعيد : فوز الفريق القومى لكرة القدم بكاس الامم الافريقية وضيفنا الكابتن طه اسماعيل كابتن طه انت مدرب فا مارست التدريب على مستويات مختلفة فى مصروخارج مصر ايه تقييمك للجانب الفنى من تدريب حسن شحاتة هل نقدر نقول انهاردة بعد فوز 3 مرات بكاس الامم الافريقية اظن ايضا بكاس الدول العربية البطولة العربية ؟
طه اسماعيل: البطولة العربية نعم
د/عبد المنعم سعيد :انما بطريقة خاصة نقدرنقول عليها طريقة حسن شحاتة يعنى غير الجوانب النفسية والامور اللى انت ذكرتها.
طه اسماعيل :هو طبعا الجانب النفسى او اجتماع اللاعيبة به الاول كحسن شحاتة لاعيب سابق اسم كبير جدا مدرب حالى ده بيدى نوع من انواع الابهار والانبهار من قبل اللاعبين فتبالى بيبقى فى سهولة فى ال COMMUNICATIONبينه وينهم على اعتبار الاحترام موجود يشفع لهذه النظرة الاولية التطبيق لما يشوفوا شخصيتة فى التعامل مع اللاعيبة كلها معادل كل واحد من اللاعيبة بياخذ فرصتة وهكذا بيعاملهم معاملة متساوية ازاى بياخذ بايد اللاعيب فى وقت الشده لما يكوم مثلا لاعيب اخفق ازاى بيوقفة على رجلة ازاى ازاى بيثنى على اللاعيب اللى بيؤدى بشكل جيد كل هذه الامور بتؤكد النظرة الاولى والانبهار الاولى يتبع هذا الاساليب اللى بيستخدمها فى اللعب يعنى هو استخدم على مدار السنوات اللى بدا فيها قبل 2006 الى الان اساليب لعب مختلفة هنا يكون فريقنا اكثر فريق لعب بطريقة 3-5-2 بلجرو اللى هو هانى سعيد دى يمكن اكثر فريق لعب بيها لكن فى نفس الوقت لعب فى مباريات باربع لاعبين فقط واخد بالك ومخلى اللجرو ده ادام الاربعة برضه هانى سعيد حطه مرة مع احمد فتحى مرة وهكذا فا بيغير اسلوب اللعب فى الهجوم بيلعب احيانا بااثنين راس حربة احيانا بيلعب براس حربة واحدة واثنين تحتية يكملوا فدى برضه اساليب مختلفة بيكملها وعنده بعض اللاعبين زوى المرونة التكتيكية هما عندهم مهارات تسمح لهم ان هما يلعبوا فى اكثر من مركز فى نفس الفريق فده ممكن يساعده على ان هو يغير اسلوب اللعب ما احمد فتحى ممكن يلعب باك يمين واحيانا يلعب فى نص الملعب وبركات كان نفس الشئ كان بيستخدم فدى انواع من اللاعيبة
د/عبد المنعم سعيد :يعنى هو بيفصل هنا الطريقة على اللاعبين يعنى لو احمد فتحى او بركات مش موجودين مش كل اللاعببين عندهم القدرة دى؟
طه اسماعيل :لأ انا عندى مفتاح العملية دى 2-3 لعيبة فقط مش كل الفرقة فى لاعبية لازم تطلع فى مركزها وائل جمعة محمود فتح الله كاجو سيد معوض باك شمال باك يمين ممكن محمدى ممكن احمد فتحى لما اجى بقى ارتكاز هنا ممكن حسنى عبد ربة ممكن حسام غالى ممكن احمد حسن يلعب ارتكازوممكن يطلع تحت اثنين روس حربة هنا فى مرونه فى الحتة دى زيدان ممكن راس حربة وممكن ينزل تحت راس حربة ويلعب مع احمد حسن وادامة هيبقى عماد متعب فدى تشكيلات مختلفة بتتم فى خلال المرة الواحدة فدى لما تبقى عندك اللاعبية زوى المهارات المتعددة ديت تسمح لك بانك ما تعملش تغيير من خارج الملعب تعمل تغيير داخلى يسمح لك بتغيير طريقة اللعب والاتكتس اللى انت عايزها دى موجود فى لبعض اللعيبة اللى موجودفيهم هذه الميزة واللى بيستخدمها بمهارة شديدة الكابتن احمد حسن
د/عبد المنعم سعيد :هل انت شايف الفرقة دلوقتى بتتغير من الواضح انه فى بعض العناصر لاسباب مختلفة ابتدت ما تبقاش مشاركتها كثيرة نتيجة اصابة ابوتريكة عمرو ذكى ميدو كل المجموعة دى وفى مجموعة بيقولوا هتعتزل او ما تعتزلش عصام الحضرى دى مجموعة صغيرة جدا
طه اسماعيل :نعم نعم
د/عبد المنعم سعيد :فهل معنى كدا احنا ازاى عملية تغيير جذرى موجودة ؟
طه اسماعيل :بالضبط فطبعا عملية تغيرالجلد دى موجودة لازم تكون معمولة بحساب ولازم يبقى الفريق ممثل فى اجيال مختلفة فى مجموعة ذوى خبره احمد حسن وائل جمعة عصام الحضرى وفى مجموعة بنسميها مجموعة من النضج احمد فتحى سعيد اما نقول زيدان عماد متعب وفى مجموعة بيكونوا لسة شباب بنديهم فرصة ويعنى لسة جداد زى مثلا اما نزل محمد عبد الشافى زى جدو لما مثلا نزل ولو انه مش صغير لكن يعتبر عنصر جديد على المجموعة فيبقى العناصر د ى ممثلة علشان تخلى هناك اتزان فى اداء الفريق الشباب عندهم الحيوية والقدرة الكبيرة جدا اللعيبة الكبار شوية والخبره عندهم الخبره اللى تساعد على ادارة المباراة يعنى انا المباراة الاخيرة اناادى خبره لاعيب لاعيبة صغيرين وعندهم اعداد بدنى كبير جدا واحنا كنا مجهدين من خمس مباريات لعبناهم متتالية لان لعبنا مباراة زيادة عن غانا غانا كانت فى مجموعة توجو فى مباراة ناقصة وبعدين احنا لعبنا وقت زيادة اظن فى المباراة الكاميرون لعبنا 30 دقيقة وقت اضافى
د/عبد المنعم سعيد :احنا يا كابتن طه ليه مش قادرين نخش كاس العالم يعنى واضح انه زى ما بيقولوا النحنى بتاع الرياضة بتعتنا يعنى يمكن كا ن فى فترة من بعد 67 كان التراجع وبعدين ابتدنا نطلع بشكل متزبزب ومرة واحدة فى كاس الامم الافريقية سنه 86 فى ابتدامن 98 كسبناها وبعدين فى 3 مرات ورا بعض وبعدين فى نفس الفترة كل مرة فيما عدا مرة واحدة سنه 90 رحنا كاس العالم ايه الحجب اللى موجودة بالنسبة لكاس العالم هى نفس بنبتدى بافريقيا برضه خلينا نبقى صرحاء؟
طه اسماعيل :بطولة افريقيا بطولة مجمعة بنوقف الدورى شهر قبلها بيستعد الفريق 2008 بطولة 2008 و2006 التصفيات تختلف عن البطولة المجمعة التصفيات بتلعب مباراة فى ملعبها ومباراة خارج ملعبها كل فترة مثل كل 3 اسابيع تلعب مباراة وكذ ا احنا بنتعثر فى دى كثير وبصعوبة جدا نفقد قوة الدفع لانك بتجمع فى وسط الدورى ممكن تجمعهم بعد 4 ايام راحة او 5 ايام تجمعهم وتوقف الدورى اسبوع وتلاعبهم ما بيحدثش الانسجام اللى موجود بعد ما تقعدهم شهركامل وبتعدهم الاعداد المضبوط وبعدين بيجيبوا يلعب فى ملعب محايد كله محايدين يعنى احناما قبلناش انجولا فاحنا وكل الفرق اللى بيلعبوا محايدين خلانا لعبنا كل المباريات وما لعبناش غانا ومحايدين لكن فى التصفيات لما بنيجى نروح نلعب مثلا العب مباراة عندى ومباراة فى كوت دفوار
د/عبد المنعم سعيد :ضد الجمهورالثانى ؟
طه اسماعيل :بالضبط بالعب مباراة عندى ورغم كده صعوبة علاوة على انه سؤ الحظ احنا عملنا مباريات كبيرة جدا فى 2008 او2009 فى غانا لكن جاءت فترة التصفيات بدأ من مايو ويونيو الماضى
د/عبد المنعم سعيد :2009.
طه اسماعيل :2009 وفريقنا كان فى حالة سيئة كثير منه ناس مصابة وراجعة من اصابة ناس بعيدة مستواها نازل عشان كدا فى فترة سيئة فى البدايه فقدنا
د/عبد المنعم سعيد :ليه ما لعبتش العناصراللى احنا بنقولها دى هى الاخلاق والقيم الروحية الدافع الوطنى التدريب استعداد اللاعبين ؟
طه اسماعيل :كل كل كل دول موجودين كل المقاومات دى موجودة لكن اللاعيبة علشان تحافظ على المستوى اللى انت لعبت به عام 2008 وفى يناير فبراير 2008 تحافظ على هذا المستوى احنا فى هذه الفترة احسن فترة لكن ممكن ما نبقاش احسن على الاطلاق انهاردة 2010 كسبنا البطولة الان مصراحسن فريق فى افريقيا لكن ما اقدرش اقول طول السنه لان طول السنة هيحصل متغيرات فى الاعبين لكن هذه الفترة احنا احسن فريق ادى ولذلك اواى تحافظ على العملية دى الاعيبة تحافظ على مستوياتها بشكل جيد طوال فترة التصفيات احنا التصفيات بدينا اول مباراة بدايه سيئة مع زامبيا واتعادلنا فى ملعبنا واحد واحد خسرنا نقطتين ليس لهم دافع وبعدين بنلعب كام فرقة فى المجموعة 4 يعنى بتلعب 6 مباريات فقط ولما تخسر مباراة فى ملعبك كبيرة جدا ومن مين من زامبيا فرقوا كثير النفطتين دول لو كنا فزنا على زامبيا كان خلاص الجزائر فى ملعبها وارد الجزائر فى ملعبها وهنكسب فى ملعبنا كل المباريات كنا ممكن نتاهل لكن المبارتين النقطتين ما قدرناش نعوض صحيح خسرنا خمس نقاط فى اول مبارتين لكن نجحنا ان احنا نفوز بجميع النقاط الباقية ال 12 نقطه الباقية يعنى كنا اخذين نقطه واحدة فى المبارتين الاولينين خذنا 12 نقطه مع زامبيا فى زامبيا ومع رواندا رايح جاى مع الجزائر فى ملعبنا فكانت هنا تصفيات دايما بيحصل فيها مشاكل من هذا النوع للاسف الشديد يعنى ما بيبقاش الفريق فى كامل لياقتة وفى نفس الوقت المباريات المتباعدة وعندك وبره بتساعدك برضه لما يبقى فى مشاكل لمار اروح العب معاك فى دولك بره
د/عبد المنعم سعيد :كابتن طه كان فى كابتن جوهرى كان له نظرية حكايه اللى انت بتشير اليها دى اللى هى فترة الانقطاع اللى قبل كل مباراة لفترة التصفيات الخاصة بكاس العالم 90 وانتقد جدا ان هو كان بيعطل الدورى بس يبدو ان ده هو الاسلوب المناسب ان احنا بنحتاج دائما فترة معسكر طويل شويا قبل كل مباراة؟
طه اسماعيل :بالضبط وخاصة قبل كل مباراة المباريات اللى بره يعنى المباريات اللى بره بيبقى فريقنا معد اعداد جيد مشكلة المباريات اللى بره احنا اتعودنا فى تصفيات افريقيا من زمان انك كانوا يحسبوا مجموع المبارتين يعنى مثلا انت اتعادلت بره وفزت هنا خلاص مجموع المبارتين او كسبت بره خسرت كسبت فى ملعبك يبقى عديت الان مجموعات بالنقط يعنى مباراة بره 3 نقط ومباراة جوا 3نقط فاصبح لابد ان تفوز بره ولابد ان تفوز فى ملعبك ايضا فدى بتسب لنا بعض المشاكل فى بعض الاحيان وانااعتقد انه يعنى فريقنا BAD LUCK فى هذه التصفيات ومن التصفيات اللى قبلها نفس الشئ يعنى كذا تصفيات ورا بعضها تصادفنا مشاكل فى تصفيات كان فيها كوتديفوار فى المجموعة معانا واحنا اللى هى بتاعت 2006 وللاسف الشديد خسرنا من بره خسرنا من ليبيا فى ليبيا مع احترامى للفريق الليبى ممكن برضه لو تعادلوا برضه احسن تعادلنا مع فريق زى فريق بلين 3/3 تعادلنا برضه مع فريق ناميبيا بره يعنى دى فرق ما تضيعش معاها نقاط
د/عبد المنعم سعيد :طب احنا فاضل لنا دقيقتين وعايز اتكلم فيها بسرعة جدا عن المستقبل يعنى يبقى عندنا دلوقتى فريق فاز ثلاث مرات سمعتة العالمية كبيرة عندنا كل الدروس اللى حضرتك ذكرتها هل البنية الاساسية اللى موجودة عندنا من دورى من ملاعب من مدربين على المستويات المختلفة يقدر يعدى المصاعب اللى بتقولها دى من الطبيعى لازم حنخطف اللاعبيبة اربعة ايام قبل الماتش يعنى كل الصعوبات اللى بتواجة الدول الاخرى بتواجهنا فى المستقبل هل تعتقد ان احنا لدينا ما يكفى ان احنا نعبربعض الفجوات اللى موجودة عندنا ؟
طه اسماعيل :والله اعتقد يعنى احنا عندنا infrastructure الملاعب تعتبر ملاعب بالنسبة لافريقيا افضل صحيح اه فى نوعيات ملاعب يمكن الارضية بتاعتها مش مضبوطه زى ما شفنا المباراة النهائية اللى لعبناها فى انجولا الملعب المستوى بيفرق كثير جدا فى تقدم الاداء اللعب المباشر اللعب السريع ابداء المهارات بدون ما يدخل معاه عامل معاكس تتنط الكرة وانت بتشوطها وهكذافبرضه محتاجين مستويات الارض بتاعت الملعب تبقى على شكل جيد عندنا مدربين مصريين جيدين جدا الان الدورى العام معظم فرقة مصريين promising واعدين عندنا انا مش هذكر اسماء معندناش اجانب يمكن غير اثنين مدربين فقط حاجة زى كدا
د/عبد المنعم سعيد :اللعبة اندثرت يعنى؟
طه اسماعيل :عندنا مدربين محنكين ممتازين جدا وعلى راسهم الكابتن حسن شحاتة يعنى ادى واظهر قدرات عظيمة جدا خلال الثلاث دورات اللى فاتت وده طبعا ايضا من ضمن الاشياء اللى شجعت عندنا المدربين المصريين بدرجة عالية جدا فده موجودالامكانيات موجودة الروح والطموح الدرس اللى اخذناة من اللى حصل احنا حصل لنا انت عارف الكبرياء احنا كنا مجروحين كنا محبطين كنا مأهورين ظلم نالنا بدون داعى تشوية لسمعتنا بره ان احنا ضربنا الناس هنا وكلام من هذا القبيل مباراة البطولة دى بدأ من مباراة الجزائر الى المباراة النهائية مسحت كل هذه الامورالامراض النفسية اللى كانت بتعتلى الشعب المصرى نتيجة للمشاكل اللى حضرتك عارفها ولذلك الناس عادت فى سعادة واصبح هناك نوع من الارتياح انا اعتقد هذا الفوز والكريم اللى كان من قبل السيد الرئيس والشعب كلة للفريق اعتقد دى نقطه تحول وانطلاق لكر ة
القدم المصرية يجب ان يستثمرها اتحاد الكورة والاندية والجماهير والدولة حتى فى مسائل اخرى غير الرياضة حتى نستغل هذا الشعور الوطنى العالى
د/عبد المنعم سعيد :وقتنا انتهى كنا عايزين نتكلم فى اموراخرى لكن الوقت انتهى نشكرك شكرا جزيلا ومبروك لينا جميعا
طه اسماعيل :الله يبارك فيك الف شكر يا افندم متشكر جدا
د/عبد المنعم سعيد :نورتنا