تركي آل الشيخ يقلب الفيس بوك بقصف جبهة الاهلى والخطيب

كشف المستشار تركي آل الشيخ، مالك نادي بيراميدز، "حدوتة" حول أحد اللاعبين طلب 10 جنيهات لتجديد عقده.
وكتب آل الشيخ، عبر صفحته الرسمية على موقع التواصل الاجتماعي "فيسبوك: "هاحكيلكو حدوتة صغيرة"، متابعًا "نجم فريق كرة قدم كان سعيدا وبيسعد جمهور فريقه انتهى عقده، وطلب 10 جنيه راتب عشان يجدد لكن اتقاله لأ".
وأضاف: "وبعدها بشهور يروحو جايبين لاعب مش في المنتخب ويدوله راتب 15 جنيه، وتلف الدنيا ويرجع اللاعب اللي كان بيسعد جمهوره ويهزمهم مرتين".
وقال: "يبقى ده مش إدارة أو سيستم ده بيزرعو فجل".
وجاء نص منشور تركي كالتالي: "هاحكيلكو حدوتة صغيرة...
نجم فريق كرة قدم كان سعيد وبيسعد جمهور فريقه انتهى عقده وطلب 10 جنيه راتب عشان يجدد لإن ده آخر عقد ليه وهو لاعب دولي كبير وعاوز يئمن مستقبله يتقلو لا لإن عندنا سقف للرواتب فيروح يدور على مستقبله فيقولوله بمساعدة صديق (مش أنا) ارجع إحنا موافقين ويطلعوه بعد ما يمضي بساعات ويقولوله رجعنا بكلامنا ويروح وتلف الدنيا وبعدها بشهور يروحو جايبين لاعب مش في المنتخب ويدوله راتب 15 جنيه ولاعب تاني برضو مش في المنتخب وليه سنة في الدكة ويدوله في 6 شهور 20 جنيه يبقى ده مش إدارة أو سيستم ده بيزرعو فجل (طبعا أنا بقصد واحد) وتلف الدنيا ويرجع اللاعب اللي كان بيسعد جمهوره ويهزمهم مرتين.. ربنا كبير.. آه افتكرت كان خايف إني أخد منه اللقطة.. سبت ليك اللقطة بس طلعت بدون ألوان..
وعجبي".
يذكر أن آل الشيخ، نشر العديد من التدوينات، عقب فوز فريقه على الأهلي ، بهدف مقابل لا شيء.