هو الأهلي ده مش اقوي فريق في مصر .. وتلات ارباع لاعبي المنتخب منه ؟ .. طيب لو الأهلي كما هو الحال حاليا بيلعب من غير جمهور .. شايفين شكله إيه .. مفيش حماس .. مفيش حمية .. مفيش دافع .. الأهلي زمان لمّا كان يتعادل تبقى مصيبة سودا ومجلس الإدارة يجتمع ويشوف إيه السبب .. فما بالك لمّا يتغلب مثلا 3 - صفر من حرس الحدود .. سيبك م الزمالك والفرق التانية مع إني زملكاوي .. انا بتكلم عن الأهلى كقوة ضاربة .. اللي اكتر من نص الشعب المصري بيشجعه .. وزمان كانوا بيقولوا جمهور الأهلي يحرك الجبل .. فلو لعب من غير جمهور حتى لو غلب .. مفيش فرحة .. ولا يحزنون! طيب ده انا فاكر والله العظيم كأن الحكاية دي كانت امبارح .. كان فريق الاسماعيلي وهو أول فريق مصري يلعب في البطولة الإفريقية على ما اظن ويصل للنهائي مع فريق الانجلبير بطل زائير .. وكان لعيبة الفريق ده ولاد هرمة .. شياطين .. قرود مسلسلة .. والاسماعيلي مش الأهلي ولا الزمالك .. - مع انه أحسن من الاتنين - وكان الخوف ان الاستاد ميبقاش فيه غير جمهور الاسماعيلي .. ولو حسبناها بالورقة والقلم مش حيملي نص مدرجات الدرجة التالتة .. وده ماتش نهائي ومصيري .. والاسماعيلي فريق مصري وبيلاعب فريق أجنبي .. عارفين حصل ايه - والكلام ده كان سنة 70 - .. من غير ما علي ابو جريشة مثلا يزور الاهلي او الزمالك عشان يشجع الجمهور على الحضور .. ومن غير حتى الجرايد ما تكتب لازم كل مصر تشجع الاسماعيلي .. راح الاستاد يومها - وكنت هناك - 160 الف متفرج .. والاستاد سعته بالكتير أوي 100 الف .. فراح الجمهور اتعلق على أعمدة الكهرباء واللي وقف على شاشة الاستاد ورا الجونين وكان منظر يشرح القلب الحزين .. وفاز الاسماعيلي يومها 3 – 1 ولعب ماتش عمره .. عارفين ليه ؟ لأن لقى ملايين واقفة وراه وبتشجعه .. فعيب أوي انه يتخاذل او يلعب وحش او " مينزلش " من الأصل!
كلامي واضح اهه .. من غير لف ولا دوران .. قبل كده كتبت عن " بخيت " اللي فريقي زمان استناه عشان يلعب معاه ويفوز على " الشيخ رمضان " ، قام بخيت مجاش واتغلبنا .. مش عشان كنا وحشين او مبنعرفش نلعب .. لكن لاننا استنينا بخيت هو اللي يجي من نفسه .. قال ايه عشان يلعب معانا .. ونغلب .. نفس الحكاية دلوقتي .. الناس قاعدة مريحة في بيوتها .. اللي بيلعب في مناخيره واللي جايب فيلم سكس يسليه .. واللي قاعد يدعك في صباع رجله المعفنة .. واللي عايز مراته ع السرير من غير ما ياخد حمام ويتبرفن ، ويزعل اوي لو لقى ريحتها بصل .. ماهو ده طبيعي يا حمار .. عايز مراتك انجيلينا جولي ، لازم انت كمان تبقى براد بيت .. طب وهو براد بيت لو معفن وبيستحمى م العيد للعيد .. انجيلينا حتعبره ليه .. ملعون ابوه في الأرض .. !
قُصر الكلام .. الناس اللي ع القهاوي وفي البيوت والمكاتب .. مفيش على لسانها غير السؤال ده .. الجيش مستني ايه عشان ينزل ؟ .. ويا سلام ع الإحباط اللي الناس حست به لمّا لواء كبير في البحرية قالها بالفم المليان .. والإخوان فرحوا فرحة الاهبل بيها : الجيش مش حينزل .. والناس اللي عايزاه ينزل .. مش حينزل .. " تصدقوا اني حسيت والله العظيم ان الراجل اللواء كان على طرف لسانه يقول : احنا مش حننزل الا لو انتم كشعب نزلتوا .. ومش اى نزلة .. نزلة شديدة .. ملايين تملى ميدان التحرير في القاهرة والأربعين في السويس والقائد إبراهيم في الاسكندرية والميادين التانية في كل محافظات مصر.. ساعتها بس حننزل ، عشان نحمي الشعب ونحمي البلد".
يعني هو الراجل لازم يقولها ع المفتشر .. مفيش مخ بتعريفة عند اللي بيسمع .. مستنيين ايه بآيمان أهاليكم عشان تتحركوا .. بدل العيش بقيتوا تاكلوا جاتوه ؟ .. يا ريت .. كنت عذرتكم .. اللي راتبه كان 200 جنيه بقى ياخد الفين ؟ .. ياريت .. اللي ساكنين في المقابر والعشوائيات بنوا لكم عمارات ولا مساكن شعبية ؟ .. يا ريت .. اللي متجوز واحدة ومن كتر فلوسه بقى متجوز اربعة ؟ .. يا ريت .. دي بالذات لو حصلت يبقى مرسي نجح انه يلهينا في النسوان .. ويبقى عمل حاجة حلوة في حياته .. كتّر فلوسنا لدرجة خلّانا نتجوز اربعة!
انما لا عيش لاقينه .. والجيب مفلس فلس اسود .. واللي ساكنين في المقابر .. الميتين كفروا منهم .. واللي متجوز واحدة بس ، عايز يطلقها ويشيل من على قفاه حملها وحمل العيال.. يبقى ساكتين ليه ؟ .. إلا إذا الإخوان نجحوا في تخويفكم .. وخفتوا اكتر من " حماس " .. اللي بالتليفون يجي منهم 20 الف متسلحين .. دي لوحدها تخلّي حتى اللي معندوش دم ولا غيرة على بلده يتحرك .. اللي بيحكموك ومسيطرين ع البلد .. وقت الجد بيستعينوا بالأجانب عشان يعيثوا في الأرض فسادا .. وكفاية فضيحة وجُرم قضية فتح السجون وتهريب مرسي بالفانلة واللباس.
ساكتين ليه؟ .. خلاص مش فارقة معاكم ؟ أوكيه .. كلوا " خرا " .. بس اللي ح " يرجّع " فيكم .. ليلة أمه سودا .. والإخوان حيتهموه بتلويث الحياة البيئية ويخلوا أمن الدولة يتصرف معاه .. ساكتين ليه؟ .. مستنيين إيه؟ .. الجيش ينزل .. وانت قاعد في البيت؟ .. طيب اسبق انت .. إعمل حاجة .. إديني أمارة يا أخي انك راجل .. ومش عاجبك اللي بيحصل.. انما حتفضل قاعد ومستني مراتك انجيلينا جولي بجمالها وسحرها .. وانت لا مؤاخذة ريحتك تقرف بلد .. ابقى قابلني .. ولو ساعتها ضربتك انت بالجزمة القديمة يبقى عندها حق!