رامي صبري يوجه رسالة إلى تامر حسني.. ماذا قال له؟

أعرب الفنان رامي صبري عن سعادته بالتعاون مع المطرب تامر حسني في ديو غنائي جديد يحمل اسم "مبيتنسيش"، سيطرح خلال الفترة المقبلة بمناسبة رأس السنة 2025.
ونشر «صبري» صورة له برفقة تامر حسني عبر صفحته الشخصية موقع التواصل الاجتماعي "فيس بوك"، وعلق عليها قائلا: "أنا بشوف الصورة دي بشكل تاني خالص، أولاً تامر فنان أخ غالي ومحترم وواثق في نفسه، ودي للآسف مش موجودة كتير في مغنيين كتير ناجحين، ولكن عندهم مشاكل كبيرة ومايعرفوش يبقوا زي الراجل المحترم اللي ماسك المايك ده".
وأضاف: "تامر حسني فنان كبير جدا جدا، ولما اشتغلت أنا وهو في الديو اللي هينزل الفترة اللي جاية، فهمت هو ليه محبوب جدًا، أولا علشان عنده صفاء نفسي مش موجود عندي أنا شخصيًا اه والله، أنا دايماً ليا رد فعلا إنما هو بيسيب الحاجات زي ما هي، وما بيحبش يرد ودي حاجة صعبة جدا جدا".
وتابع رامي صبري: "عاوز أقول مش كل فنان أو نجم يستحق لأن دايما الأخلاق واحترام زمايلك هو الموضوع مش بس الفن".
وأكمل: "شكراً تامر حسني على ذوقك واحترامك ليا دايما في التصوير، ودايما كنت تقولي أنت مبسوط إيه رأيك محتاج حاجه؟، كل ده ماينفعش يطلع غير من فنان حقيقي عنده احساس بالناس، والأهم واثق من نفسه".
وأختتم حديثه قائلا: "قريبا جدا هتشوفو وهتسمعوا أغنية (فعلا مبيتنسيش)، على جميع منصات الموسيقى في العالم".