«عنده صفاء نفسي».. رامي صبري يوجه رسالة ل تامر حسني بعد تعاونهما (تفاصيل)

وجه الفنان رامي صبري، رسالة تقدير واحترام للفنان تامر حسني، بعد تعاونهما لأول مرة في أغنية «فعلًا مبيتنسيش»، التي من المقرر طرحها قريبًا على «يوتيوب» وجميع المنصات الموسيقية.
رامي صبري: تامر حسني عنده صفاء نفسي مش موجود عندي أنا شخصيًا
وكتب رامي صبري على «فيسبوك»:«أنا بشوف الصورة دي بشكل تاني خالص، أولًا تامر فنان أخ وغالي ومحترم وواثق في نفسه ودي للأسف مش موجودة كتير في مغنيين كتير ناجحين، ولكن عندهم مشاكل كبيرة ومايعرفوش يبقوا زي الراجل المحترم اللي ماسك المايك ده، تامر حسني فنان كبير جدًا جدًا ولما اشتغلت أنا وهو في الديو اللي هاينزل الفترة اللي جايه فهمت هو ليه محبوب جدًا».
وأضاف:«أولًا علشان عنده صفاء نفسي مش موجود عندي أنا شخصيًا آه والله أنا دايمًا ليا رد فعل، إنما هو بيسيب الحاجات زي ماهي وما بيحبش يرد ودي حاجة صعبة جدًا جدًا، عاوز أقول مش كل فنان أو نجم يستحق، لأن دايما الأخلاق واحترام زمايلك هو الموضوع مش بس الفن، شكرًا تامر حسني على ذوقك واحترامك ليا دايما في التصوير».
وتابع: «ودايما كنت تقولي انت مبسوط ايه رأيك محتاج حاجة؟ ، كل ده ما ينفعش يطلع غير من فنان حقيقي عنده إحساس بالناس والأهم واثق من نفسه، قريبًا جدًا هتشوفوا وهاتسمعوا أغنية فعلًا مبيتنسيش على جميع منصات الموسيقى في العالم».
حفل تامر حسني في السعودية
يستعد الفنان تامر حسني لإحياء حفل غنائي ضخم بمدينة الرياض بالسعودية، والتي من المقرر أن تقام على مسرح أبو بكر سالم يوم 27 ديسمبر الجاري، كما أنه سيحيي حفل رأس السنة بمدينة دبي بمشاركة المطربة نانسي عجرم ليلة 31 ديسمبر.
اقرأ أيضا
تامر حسني يحتفل بعيد ميلاده وخطوبته على هنا الزاهد في «ريستارت»