بالفيديو .. "فاروق جعفر" يفتح النار علي "مرتضي منصور"

هاجم نجم الزمالك السابق فاروق جعفر والمدير الفني لإتحاد الكرة السابق ، هجوما شرسا ضد رئيس نادي الزمالك المستشار مرتضى منصور، منتقداً أسلوبه علي إدارة القلعة البيضاء في المرحلة الأخيرة.
وصرح جعفر لبرنامج "القاهرة اليوم" مع الإعلامى عمرو أديب: "لا عمرى هطمع أنى أدرب الزمالك ولا الكلام ده، انا واحد خدمت النادي وتعبت في النادي، لكن الناس لازم تفهم أن الأهلى والزمالك أندية كورة وأجيال، مش مجرد جمعية عمومية، وعمرها ما كانت كده والغلط هيتصحح".
وأضاف جعفر أن "الزمالك أصبح واحد هو اللى بيديره وبيقطع فى رموزه.. وحمادة إمام اللى علمنا نكون زملكاوية يطلع يقول صرفت على العزاء بتاعه 300 ألف جنيه، ده كلام يتقال يا جماعة، هو محمود طاهر أو صالح سليم حد فيهم ممكن يقول كده،.. الراجل قاعد يجرح فى كل الناس ومحدش بيقوله عيب، والبلد سايباه ومحدش بيحاسبه ويقوله عيب".