مشاهير يتضامنون مع #أحمد_مالك صاحب فيديو "إهانة الشرطة"

أعرب عدد من الشخصيات المشهورة على حساباتهم الشخصية على مواقع التواصل الاجتماعي عن رفضهم حبس الممثل الشاب أحمد مالك الذي استخدم "الواقي الذكري" كبالون لإهانة الشرطة في عيدهم.
وقال الفنان أحمد السعدني، عبر حسابه الشخصي بموقع التواصل الاجتماعي "فيس بوك": "مع حرية الرأي و ضد تصرف أحمد مالك، ولكن أرجو من النقابة مراعاة سنه الصغير وموهبته الكبيرة".
وقام بإعادة نشر اعتذار أحمد مالك، الذي جاء نصه: " بعتذر بشده لكل شخص اساءه الفيديو و خاصة الشرطة، الفيديو فعلاً فيه تجاوزات لم أتوقع أنها تخرج بره دايرة الأصدقاء و ده مش مبرر علي الخطأ، أنا عمري عشرين سنة وساعات في السن ده الأفكار المتهورة بتسبق التفكير العقلاني وللأسف الغلطات دلوقتي بقت مسجله و مصوره و ده بيديها عمر و حجم اكبر من حجمها الحقيقي".
وأضاف مالك: " دي لحظة تهور و لحظة مش محسوبه و فعلاً ندمان عليها و حاولت مسحها و لكن كنت فوجأت انها انتشرت قبل ما اقدر انقذ الموقف، يمكن الموقف ده كله نابع من احباط عدم القدره علي التعبير عن الرأي اللي جيلي حاسه الايام دي بس برضه ده ميدينيش الحق اني اتجاوز او اعبر عن رأيي بطريقه متجاوزه في حق الآخرين. اكتر حاجه مضايقاني انه هيتم استخدام اللحظه دي لتشويه الثوار و الثوره و مقدرش الوم حد في النقطه دي الا نفسي اللي الاحباط عماها. اتمني من الجميع انهم ميتعاملوش مع اللحظه دي علي انها بتلخصني و يتعاملوا معاها انها لحظه عابره لن تتكرر".
ودونت الإعلامية سلمى صباحي، عبر حسابها على موقع التواصل الاجتماعي "تويتر": " مهم جدا لو الانسان غلط يدرك غلطته ويعتذر عنها، الحقيقة أنا بحب أحمد مالك وشايفه إنه فنان موهوب جدا وله مستقبل".
مهم جدا لو الانسان غلط يدرك غلطته ويعتذر عنها .. الحقيقه انا باحب احمد مالك وشايفه انه فنان موهوب جدا وله مستقبل... https://t.co/vJJfz9g8zy
— Salma Sabahy (@SalmaSabahy) January 26, 2016
أما المطرب الشاب محمد عطية ، فأعلن تضامنه بشكل كامل مع ما أحمد مالك وشادي حسين، المتورطان في فيديو إهانة الداخلية، وهاجم الشرطة بشكل كبير على صفحته بموقع التواصل الاجتماعي "فيس بوك"، ناشرًا صورة قديمة لمراسل أبلة فاهيتا الذي قد تعرض للضرب بالرصاص المطاطي خلال مظاهرات سابقة.
وكتب الناشط السياسي حسن شاهين: "الموضوع مش محتاج انكوا تكبروه في غلط أكبر بيحصل من كل الأطراف سواء بعض ممارسات من بعض أفراد الشرطة بيكسروا فيها القانون ومبيحترمهوش أو سواء مواطنين بردوا بيكسروا القانون ولكن عشان مسنودين محدش بيحاسبهم".
وأضاف شاهين - عبر صفحته بموقع التواصل الاجتماعي "تويتر": "مش محتاج انكوا تحبسوا شابين عملوا فيديو ساخر يهرجوا فيه، سواء بقى اللى متفقين فى الطريقة أو مختلفين فيها مش ده الموضوع، لكن السبب هو إن في حالة يأس وإحباط عند قطاعات كبيرة من الشباب بيوصلولها بسبب ممارسات غلط بتحصل بتدفعهم لكده والحل احتوائهم والأخطر ان فى ناس بتوصل بعد الحالة دى لافكار متطرفة مش بس فيديو ساخر".
وطالب بعدم القبض على أحمد مالك وشادي حسين، قائلا: "بلاش تنظروا للأمور بسطحية خلي عندكوا نظرة أبعد".
الموضوع مش محتاج انكوا تكبروه فى غلط أكبر بيحصل من كل الأطراف سواء بعض ممارسات من بعض أفراد الشرطة بيكسروا فيها... https://t.co/IeCpfoCtcH
— حسن شاهين (@hassan_shahin2) January 26, 2016
والجدير بالذكر، أن نقابة المهن التمثيلية إيقاف منح التصاريح للممثل الشاب "أحمد مالك" وتحويله للتحقيق، بسبب فيديو يجمعه مع مراسل برنامج "أبلة فاهيتا" وهما يقدمان "واقي ذكري" على هيئة بالون للشرطة أمس، علماً بأن الفنان الشاب ليس عضواً بالنقابة وكان يعمل بالتصاريح.
فيما طالب عدد كبير من رواد موقع التواصل الاجتماعي "تويتر"، بمقاطعة البرنامج الموقوف "أبلة فاهيتا".
ومن جانب آخر، أعلنت صفحتي قناة "سي بي سي" وبرنامج "أبلة فاهيتا" عن رفضهم لمحتوى الفيديو الذي أهان الشرطة بشكل كامل، مؤكدين أنهما غير مسئولان عن ما قدمه شادي.